1 Ana" Israel zo: myid: qe wa su" lo" mung: Mo"ba' din" Yodain: qid yae Yerik- ho" vo we' dau" te' mae seim zaung kaid' yang: ham: na ko" ra".2 Israel zo: myid: qe Amori byu qe re khoru: kaid' ko" ru re Zipo" yao: zo: Balag'3 the' myao: ba: ra". – Israel zo: myid: qe wa myo: laug ko" ru mung: Mo"ba' mang: byu4 qe myid: gyaug: na ko" ra". – Alao" Mo"ba' byu qe wa Midian: nhag' bo ade, qe khai: zhang: mung: nung: jaung jham wa mhin: re zo" jhaid' re re" ru: ngonhaung" lhang" gam: mae jo; gu: re re: zo" pye' li" genae" ga: gyai gaung yug ko" ra". Ai: au: Zipo" yao: zo: Balag' wa Mo"ba' jhaung zug:5 ngaid: ra". – Ana" Balag' wa Bora' yao: zo: Balam: re khai nae" logyo: nhao: ke' ra". Qid gyaung yae mae" Pethora' vo khyo dao: pin: ke' ru wa Egutu mae" joe" lo ko" ra" byumyu" din" yo byang" ug: lo sho'6 nga" nhae mae ham: na: bam ko"ra". – Ai ru: mung: ai: amyu" jham nhang" se' pye' nae" tau: phyaid li" lo ri: , yao: bam ngo tho' mae je: qam: bo ko" ra". Nao nhang: kheim: ke' byid' ngaid: re yao: bam re aung: pye' mung: nga" mang: mae" qo" khe' thug' pye' li" nae". Nao min byid' ra" mo, min qo" ru re: , nao nhang: lao" nhang: kheim: zao" ru re ngo ba: ra".7 Mo"ba' nhag' bo ade, qe we' Midian: nhag' bo qe khug vag: we' nhao: ke' ra". Balam: jhao" joe" lao" Balag' pin: ke' dao:8 re zhao ko" ra". – Alao" Balam: wa ana" cemae shi" na: na ge, Mo"so ngo re mho: khyo: ngo ta" kyo: nae" mho lao" Mo"ba' logyo: qe wa Balam: jhao" mae lao" na:9 bam ko" ra". – Mo"so wa Balam: jhao" joe" li" mung: nao jhao" li" joe" na ko" mo, khag'10 ngaid ko" ra" ga: myid: lao". – Balam: wa Mo"so re Mo"ba' jhaung zug: Zipo" yao: zo: Balag' wa ngo jhao" nhao: ke' mung: , –11 Egutu mae" joe" do, lo ko" mo, wa myid gaung: myo, nho byang" ug: na veko". Ai ru: mung: li" lo wa, ce: byumyu" re nga" tau: nhang: kheim: li" ke' byid: la, ai ru: ngaid: re ngo ce bam re qo" khe' zin" thug' zai ngaid: laug ga: khai: ra" ga: Mo"so re12 mho: ra". – Mo"so wa Balam: re ce bam we' daga" gai: cao nae" mangaid: . Ce: byumyu" re nhang: kheim: magai: ke' nae". Yao: bam wa min jhaung: qo" ra"13 amyu" ngaid ko" ra" ga: mho: ra". – Thao: ne, ne, seim joe" lao" naonhaung" mang: khyo lo" gese, naonhaung" we' daga" cao nae" akhang" Mo"so mabyid: ngaid: ra" ga: Balag' nhao: ke' ra" logyo: qe re mho: ra". –14 Alao" Mo"ba' logyo: qe wa Balag' jhao" lo" joe" mung: ngonhaung" we' daga" macao: lo ngaid: ra" ga: lo" ta" kyo: ko" ra".15 Balag' wa sao qhid' lhang tho' mae je: myo" ru we' kheim: so' qi" khaung: mhao:16 qe re dam: nhao: ke' ra". – Yao: bam re: Balam: jhao" joe" ye: mung: Zipo" yao: zo: Balag' ceru: ga: mho: ra". Nao ngo jhao" li" nae" tam" kyo" to" ru pe" mabo shao: , –17 ngo wa nao re qi: sho' nga: yhe' nae", nao pe" mho' re pe" byid: nae" , ai ru: mung: qo" qo" li" byid: la, ce: byumyu" re nga" tau: nhang: kheim: li" ke' byid: la, ga: mho:18 ra" ga: ta" kyo: ko" ra". – Balam: kam" wa ngaui hhang byang" sheim sho' bo: ra" yao" yham re byid: ngaid yang: re: ngo lam khug: na: ra" Mo"so: mho dao: re lhoe" mung: pe" daja: re re: ngo maqo" kaid' ga:19 mho: ra". – Ngaid qere: Mo"so khoru: ga: paug' yang: ta" shi: nae" laug ngo the' gyo" ba shao: ana" myi cemae na: na shi: ge, ga: Balag' logyo: khaung: mhao: qe re mho:20 ra". – Myi" mae Mo"so Balam: jhao" joe" li" mung: ai: byu qe nao re khai ko" ngaid: re to" wa, yao: bam jhao" cao wa, ngaid qere: ngo mho: to" ru we' dakhyo: kaid' wa, ga: mho: ra".21 Ne, kao mug: bo" lao" Balam: wa myao: do: seim" nyhang" te' mung: Mo"ba' agyi khaung: mhao: qe we' daga" cao: ye" lo"22 ra". – Ai re bocao: ra" mathao Mo"so nhag' qu" yo: mung: Mo"so: mug: logyo: wa yao: re tam" kyo" nae" tau: khyo mae ye; na: jo; ra". Ai: au: Balam: myao: jui: mung: o: kaung shid' yaug we' ye" lo" na ko" au: , –23 Mo"so: mug' logyo: wa shae she: ci mung: khyo gaung: mae ye; jo; ru re myao: the' myao lao" jao" pye' ga" re yo khug khyo vao: byaug: ra". Balam: wa myao: re khyo gai khyo" su: nae" tau: be; ra".24 Mo"so: mug: logyo: wa sabyi' khyae agyo: khyo lhae" ra" jo, qo mae dam: ye;25 na: jo; ra". – Mo"so: mug: logyo: re myao: wa dam: the' myao yang: khyae yae khyo jhin" te' lo" mung: Balam" khyid khyae mae zao" nyhae: yang: Balam: myao: re26 dam: be; ra" – Mo"so: mug: logyo: wa jo, qo qui: mung: lo, kaung: lo, yo magai: jao" je: jhe' ra" jo, qo mae lo" dam: ye; na: jo;27 ra". – Mo"so: mug: logyo: re myao: wa dam: the' myao yang: Balam: jui" na: na: ru mae ab' lo" ra". Alao" Balam: wa nhag' yo: mung: lhae daung" yang myao: re dam:28 be; ra". – Alao" Mo"so wa myao: re nhaid' phung" byid: mung: myao: wa nao ngo re sam lhang joe" sho' be, nae" qhi" ngo nao re pe" zai" shaid' i"? ga: Balam: re myid' re ,29 Balam: wa nao ngo re zo: zai" zai" i"? ngo shae vin: ngaid: re nao re ngo se'30 naeva" ga: myao: re mho: ra". – Ngo wa ana" ba joe" sho' ni" jui: myao: mangaid: i"? nao re cere" ru: khonhae" kaid' qu" i"? ga: Balam: re myid: lao" makaid' qu" ga: mho: ra".31 Alao" Mo"so wa Balam" myo, phung" byid: mung: Mo"so: mug' logyo: shae she: zhab' ci mung: ye; jo; ru re Balam: myao: ra". Alao" goe; gam" mung: au: pa" pa"32 ra". – Mo"so: mug: gaung: logyo: re: , pe" mung: nao myao: re sam lhang be; i"? nao ye" na: ra" gau: khyo wa Ngo we' tug' shai" ru boe" mung: nao re tam" kyo" nae" tau:33 Ngo thug' joe" li" ru ngaid: . – Ni" myao: wa Ngo re myao yang: sam lhang jao" va" ra". Ai re" ru: majao" ngaid: re wa gai gai: yao: nao re se' pye' mung: myao: re lhoe'34 nhao: ke' zai va" ga: mho: ra". – Balam: re: ngo shaid' va", khyo gaung: mae Nao ngo re lham: kyo" tam" ru re ngo maba , ana" Nao mamyid vang" re wa ngo dam: tug' lo" nae"35 ga: mug: logyo: re mho: ra". – Mug: logyo: wa yao: bam jhao" cao: ye: wa, ngaid qere: Ngo pin: to: va" khyo: nao ta" nae" ngaid: ra" ga: Balam: re mho: ru we' dakhyo: , Balag' logyo: we' daga" cao: ye" lo" ra".36 Balam: li" na va" ra" ga" thoe re Balag' the' gyo: lao" ye: tug nae" ga: Mo"ba' mug: kyo: Arnon: qid gyaung: yae mae jo; ra" vo37 davo khyo thug' ye" lo" ra". – Alao" Balag' wa Balam: re nao re alhang lhang khai nhao: ke' va" mangaid: i"? pe" mung: mali" i"? Ngo nao re qi: sho' nga: qo" yhe' nae"38 majho i"? ga: Balam: re ta" ra". – Balam: re: nao jhao" ngo joe" li" va" , ngaid yang: re: , nga" nhag' myid khyo" dao: dakheim: re: ta" nae" akhang" maqo" , Mo"so nga" nhaid' khyo" ta" nhao: ra" gu: za: ngo ta"39 nae" ga: mho: ra". – Balam: wa Balag' we' daga" cao: ye" re Kiriad' huzug' vo khyo40 joe" ye: ko" ra". – Balag' wa nung: jaung , yao jham re caung da" mung: Balam: we' daga" na: ra" agyi khaung: mhao: qe re byid' ke' ra".41 Thao: ba: ne, Balag' wa Balam: re khai: yu mung: Bala' mo"so we' tin" ra" bug gaung khyo jhui" do, lo" mung: yao: wa ai: jo, qo mae" Israel zo: myid: qe re the' qu" myao: ke' ra".