1 Alao" Balam: wa ce: jo, qo mae nga" tau: phain nhaid' phain kaid' wa, nung: jaung lo: nhaid' dau: , yao lo: nhaid' dau: seim" nyhang" wa, ga: Balag' re mho:2 ra". – Balag' re: phain nhaid' phain kaid' mung: yao: shid' zo: wa xeim: ngaui" phain daphain daphain: dao mae nung: jaung dadau: dau: , yao dadau: dau: caung da"3 ko" ra". – Balam: wa nao caung da" ra" nga" ngaui" xeim: anhae mae ye; jo,wa, ngo wa getau: jo, qo khyo ye" qu" nae" Mo"so ngo re lham: tug nae" laug , yao: ngo re lham: ta" gu: nao re lo: ta" kyo: nae" ga: ta" co' mung: bug gaung dalam:4 khyo do, ye" lo" ra". – Mo"so wa Balam: re lham: tug: yu mung: Balam: wa ngo xeim: ngaui" phain nhaid' lam: kaid' mung: phain daphain daphain: dao mae nung: jaung lo: dadau: dau: , yao lo: dadau: dau: caung5 da" byid: va" ga: mho: ra". – Mo"so wa Balam" nhaid' mae dao: ke' byid: mung: Balag' jhao" dam: lo" mung: ceru: ein: lo" ta" kyo: wa, ga: mho: ru we' dakhyo: , –6 Balam: dam: joe" lo" re Balag' wa Mo"ba' khaung: mhao: alhab' we' daga" yao: caung da" ra" myi: ngha" xeim: anhae mae ye; na:7 ra". – Ai: au: Balam: lapa dao: khyo" ta" ru wa Mo"ba' jhaung zug: wa li" la, nga" tau: Yaku' amyu" re nhang: kheim: ke' wa, li" wa, Israel amyu" re byo, qeim: shaid' khyo qhaug' wa, ga: khai mung: ngo re Arain: mang: ba thug' shaid' bam mae" khai: jhui"8 lo va". – Mo"so manhang" ra" yaug re ngo khoru: nhang: zai laug i"?Mo"so byo, qeim khyo maqhaug' yaug re Ngo khoru: qo"9 qhaug' nae" i? – Laung: mo" baui dao mae" ngo yao: re myao va". Bug gaung dao mae" ngo yao: re qu" va". Ai: amyu" wa gekai: lai ngaid ko" ra". Getau: byumyu" mae mabo:10 bo ko" ngaid: ra". – Yaku' amyu" myid phaui: lhug re khoyaug qo" nghe' genae". Israel amyu" damo, zhain re re: khoyaug qo" nghe' qug ko" i"? Din: main: yaug shid: ru re" ru: ngo shid veshao: nga" gau: thao" lao: wa yao" gau: thao" lao: ru" ru ngaid11 shao: ga: mho: ra". – Balag' wa nao ngo mae khoru: kaid' va" i"? Nga" gyevo jham re nhang: kheim: ke' byid: nae" tau: akhai: ru nao wa lam: maug yao: min gam byid: venhaung i"? ga: Balam: re mho: ra". –12 Balam: wa Mo"so nga" nhaid' sho mae ke' byid' ra" dao: re ta" nae" ngo lha" ca" nae"13 mangaid: i"? ga: mho: ra". – Balag' wa li" ri: , Israel amyu" alhab' geim" mathe' myao ngaid: ra". Dakhyae: re za: amyao: ra". Alhab' geim" re the' myao: ra" jo, qo khyo ngo we' daga" ye: lang: . Ai: jo, qo mae nga" tau: mae" nhang: kheim: ke' byid: la, ga:14 mho yang: , – Pisga: bam Zophin: jao: dau khyo jhui" ye: mung: xeim: ngaui" phain nhaid' lam: kaid' mung: phain daphain mae nung: jaung dadau: dau: , yao dadau: dau:15 caung da" ra". – Balam: wa ngo thoekhyo Mo"so re ye: qhug' nae" nao wa ni" xeim: ngaui" phain nhae mae na: na: lao: ga:16 Balag' re mho: ra". – Mo"so wa Balam: re lham: tug: yu mung: yao" nhaid' sho mae pin dao: ke' byid: yang: nao Balag' jhao" dam: lo" mung: ceru: ein: lo" ta" kyo: wa,17 ga: mho: ke' ru we' dakhyo: , – Balam: dam: joe" re Balag' wa yao" khaung: mhao: qe we' daga" yao" xeim: ngaui" phain nhae mae ye; na: jo, zo" re" Mo"so khoru: ga: mho: ra" i"? ga: lham: myid' ra".18 Alao" Balam: pa dao: kheim: khyo" ta" ru wa , Balag' we" to" wa, , nga" dao: thoe19 re gelho: za: tae" gyo: wa , – Mo"so wa ba: mhug' ta" ra" byu mangaid: , naung myid ba: qo" ra" byu ru" ru mangaid: , ta" pye' va" ru re mazai" pyang" lo: na nae" i"? Dao: so: to: mung mazai" pyang" lo: na: na nae"20 i"? – Mo"so wa min gam byid: wa, ga" ru re ngo khae: yu va". Mo"so wa min jhaung: byid: va" ra". Ai: min re ngo magai: phyo'21 qheim" lo: , – Yaku' amyu" khug mae shaid' nghung" ru mamyao. Israel amyu" khug mae qobo mamyao yao" Mo"so wa yao: bam we' daga" na: na: , qi" thao" ra" jhaung zug: yao: bam we' daga" ngaid:22 ra". – Mo"so Egutu mang: mae" jhui" thug' lo mung: Israel amyu" wa dam: bug: re"23 ru: qam: bo ko" ra". – Gai gai: yao: Yaku' amyu" re nhang: kheim: ke' yang: aung zai mangaid: . Israel amyu" mae vha" ru zao" nae" mangaid: . Mo"so ai ru: kaid' va" ga: mung: ana" yao: Yaku' we' Israel akhyo24 hau" nhao" li" genae". – Ce: amyu" wa lo: tin: ru: to" ye; li" genae". Lo: tin: nau" thug' li" nae". Qhug' taung" yu: ra" sho: re mazo: shi: re , bin" se' to: va" gug' nyhug' sa: re maqo" shaug' shaug' wa yao: qhaug' nae"25 mangaid: . – Balag' wa yao: bam re nhang: re: danhang: , min jhaung: re: dabyid: ga:26 Balam: re mho: ra". – Alao" Balam: wa Mo"so mho: ra" khyo: ngo kaid' cao" nae" ein: nao re ta" va" mangaid: i"? ga: Balag' re mho: ra".27 Dam: Balag' wa li" wa, getau: jo, qo khyo jhui" ye: nae". Ai: jo, qo mae yao: bam re nga" tau: nhang: kheim: ke' nae" Mo"so qaid: re qaid: li" maba ga: Balam:28 re ta" yang: , – Balag' wa Balam: re Peora bam nyaug khyo jhui" do, lo" ra". Ai mae" qu" ke' re ma mo" dam: re myao: jhoe"29 ke' ra". – Balam: wa ce: jo, qo mae xeim: ngaui" phain nhaid' lam: kaid' wa, amung: nung: jaung lo: nhaid' dau: , yao lo: nhaid' dau: nyhang" seim" wa, ga: Balag'30 re mho: ra". – Balag' re: Balam: mho: ru we' dakhyo: kaid' mung: phain daphain mae nung: jaung dadau: , yao dadau: dau: caung da" byid' ra".