1 Ana" Israel amyu" zo: qe Atharim: gau: khyo" do, lo ko" ra" ga" lau dao: the' gyo: mung: qid bang: shaid' mae" Khanain: jhaung zug: Araid' mang: lham: khaid'2 mung: byu daqhae: re myhag' lo" ra". – Ai mung: Israel wa Mo"so we' dao: thang" ru wa Mo"so ce: amyu" re nga" lo, mae qhaug' ngaid: re yao: bam: vomo" vogaung: jham re shao" pyaid' sho' phyo' sin" pye' nae" ga:3 mho ko" ra". – Mo"so re: Israel dao: re tae" gyo: mung: ai: Khanain: amyu" re qhaug' byid' ra". Alao" yao: bam: vomo" vogaung: jham re Israel zo: myid: qe shao" pyaid' sho' phyo' sin" pye' ko" ra". Ai mung: ai: jo, qo re Hormah ga: mhang" ko" ra".4 Ana" yao: bam Hora' bam mae" qui: mung: Edom: mang: re lhang" to: co' nae" ga: Edom: qid dae gau: khyo" lo" ko" re khyo saung" qug' ra" 'mathao volo byu qe5 nhag' lam: su" thao" ko" ra". – Ai ru: mung: volo byu qe wa ngonhaung" re ce: seyo segae: mae shid: gain geshao: ein: Egutu mang: mae" jhui" byaung" lo: i"? Cinmain" majo, qid majo, ce: min mabo: ra" cinmain" ngonhaung" zo" nghang: va" ga: Mo"so we'6 Moshe re tau: lhain" dao: ta" ko" ra". – Ai: mathao mae Mo"so wa Israel zo: myid: qe jhao" myi: lhao maui nhao: ke' mung: byu myo: sho' lhao maui thoe: gemung: shid7 ko" ra". – Alao" volo byu qe wa Moshe jhao" li" mung: ngonhaung" wa Mo"so we' nao re tau: lhain" ra" khyo" ta" ra" mathao shaid' nghung" bam va" Mo"so lhao maui jham re qab: pye' veshao: jhaung: mho' wa, ga: bain: gemung: Moshe wa volo byu qe: tau: jhaung: mho' ra".8 Alao" Mo"so wa myi: lhao maui alho kaid' mung: khyi zang re" ru: tau: yhe' to: wa, lhao maui thoe: qhug' mo, ai re tau: nghao"qu" lao" kao loe, genae" ga: Moshe re9 mho: ra". – Moshe re: Mo"so mho: ru we' dakhyo: gyid: bo" yang lhao maui lho kaid' mung: khyi zang re" ru: tau: yhe' bin lao" lhao maui thoe: qhug' ra" mo, ai: gyid: bo" lhao maui lho re qu" lao" kao loe, ko" ra".10 Ai: thao Israel zo: myid: qe dam: qui" byaung: mung: Obod' ga" jo, qo mae11 thang: na: ko" ra". – Obod' jo, qo mae" qui" byaung: mung: ba thug' shaid' Mo"ba' mang: nhae mae jo; ra" seyo: din" mae"12 Iz-abarim: mae thang ko" ra". – Ai mae" dam: qui: mung: Zared' qid gyaung: nhae13 mae thang ko" ra". – Ai mae" dam: qui: mung: Amori mug: kyo: Arnon: gyaung: thoete' mae thang ko" ra". Arnon: gyaung: wa Amori mang: we' Mo"ba' mang: re kho'14 kyo: to" ra" mug: kyo: ngaid: ra". – Ai: ru we' dakhyo: AsAng: mang: zin: paug' mae Zared' jo, qo , Tupa' jo, qo , Arnon:15 gyaung: jham we" , – Ara' mang: khyo yug: lo" mung: Mo"ba' mang: anhae mae qid yo yug: lo" ra" gyaung: zo: gyaung: zang16 jham ngaid: ga: bo: ra". – Arnon: gyaung: mae" Bera' qid thaung: khyo lo" ko" ra". Ai: qid thaung: getau mangaid: Mo"so wa byu myo: sho' re khai: zhang: wa, qid Ngo byid: nae" ga: Moshe re mho: ra" dao: re cao" yang: qid thaung: boe" ru ngaid: ra". –17 Alao" Israel wa ce: caung: nghaui" thoe: yang qid thaung: we" qid thug' li" ri: , qid18 thug' li" sho' caung: khin" ge, wo". – Qid thaung: ai re zug: agyi qe dau: veko" ra". Au: she nhag' bo ade, qe wa lhae daung" yang qid thaung: re dau: veko" ra" caung:19 nghaui" ko" ra". – Ai: jo, qo mae" Matla- na' , Matlana' mae" Nahaleil , Nahaleil20 mae" Babug' jo, qo khyo , – Babug' jo, qo mae" re Mo"ba' jao: gyu" mae seyo: din" khyo myo, nho qang: ra" Pisga: bam nyaug joe" sho' byaung" lo" ko" ra".21 Alao" Israel amyu"zo: qe wa Amori' jhaung zug: Shihung: jhao" logyo: nhao:22 ke' mung: , – ngonhaung" jhaung zug: pho" mang: gaung: khyo" lai: jao" lo" nae". Yo thaung: sabyi' khyae jham re mazab: nhaug' nae". Qid thaung: mae" qid re: mashaug' nae". Zug: pho" mang: lai sho' hau" mo" khyo khyo" za: lai: lo" nae" ga:23 akhang" mho' ko" ra". – Shihung: wa Israel qe re mang: gaung: khyo" lai nae" maqaid ngaid: ra". Yao" byu jham re khai: zhang" yu mung: Israel qe re tam" kyo" nae" tau: yao: bam thang: na ko" ra" seyo khyo to" thug' ye: mung: Yahaid' vo nhae mae ye:24 khaid' ko" ra". – Alao" Israel qe yao: re se' pye' mung: yao" mug: myid re Arnon: qid gyaung: mae" Yabug' gyaung: joe" sho' re: , Amon: amyu" jo, qo mug: kyo: wa qam:25 qi: ko" ra". – Ai re" ru: Israel amyu" zo: qe wa Heshabung: vo mae" da du Amori' amyu" qe vo mo" , vogaung: jo, mae" jo, qo"26 lhaid' yu ko" ra". – Heshabung: vomo" wa Mo"ba' jhaung zug: we' jho" khaid' mung: Arnon: gyaung: joe" sho' lhaid' yu: ra" Amori' jhaung zug: Shihung: na: ra" vomo"27 ngaid: ra". – Ai: akhyo re qang yang: dao: zham" mo, wa Heshabung: khyo ye: yang: dalhang dam: tau: yhe' gelang: Shihung:28 na: ra" vomo" re byao gelang:. – Shihung: jhaung zug' na jao: Heshabung: vo mae" myi: she thug' mung: Mo"ba' mang: Ara' vo we' daga" Arnon: gyaung: nhae bug myhao mae ug; ra" zug' jham nga" gyo" veko". –29 O" Mo"ba' mang: nao wa byu xa: vo: qoe, va". O" Mo"ba' daui mung mo, we' naon- haung" pe" so' ha" maqo" , phao: sin" lo" ra" naonhaung" zo: dau qe re Mo"so wa Amori jhaung zug' lo, khug vao vegenhaung30 wo". – Ngonhaung" dam: kaid' ru wa yao: re lham: khaid' yang: Heshabung: wa Debon: vo joe" sho' byo, qeim: lo" byaug va". Medaba' vo we' te' ra" Nopha vo joe" sho'31 pyaid' shao" sho' kaid' pye' bam va". – Ai re" ru: Israel zo: myid: qe wa Amori' mang:32 mae na: bam veko" ra". – Moshe wa Yaza: vo khyo jo" qu" nae" byu re nhao: ke' mung: ai: vo jham ug gam: yu va". Na xug' Amori' byumyu" qe re khe' thug' pye' ko" ra".33 Israel amyu" zo: qe dam: tug' mung: Bashain: mang: khyo do, lo" ko" ra". Bashain: jhaung zug: Oga' wa yao" byu jham we' Edri' jo, qo khyo mang: khaid'34 nae" to" thug' ye" lo" ko" ra". – Mo"so wa yao: bam re dagyaug; yao: we' yao" byu qe alhab' re re: , yao" mug: myid yo so: re re: ni" lo, mae Ngo qhaug' va". Heshabung: vomo" mae" Amori jhaung zug: Shihung: re kaid' ru re" ru: ce: jhaung zug: re re: kaid'35 wa, Moshe re mho: ru we' dakhyo: , – ai: jhaung zug: we' yao" byu jham , mang: byu na mae: na alhab' re dayaug re: madang lo: sho' se' pye' mung: yao" mug: myid re lhaid' yu ko" ra".