1 Mo"so wa Moshe we' Arun: tao re2 dam: mho: ru wa , – Mo"so khang" to" ra" khang" dao: wa , no malo: , dalhang re: kyau: mavin: qu" , atung" ataug' made, nung: abau: ane re Israel zo: myid: qe she: li"3 genae" ta" ge, . – Khin jaung Eliaza" lo, mae qhaug' mung: vo yae khyo she: ye: yang: yao" qhid' kheim: mae getau dayaug: yang4 se' ca" nae". – Khin jaung Eliaza: wa sa: re lo; yang yu mung: volo seim zaung shaid' khyo nhaid' lhang pyi" sheim: ca" nae". –5 Khin jaung pho" qhid' kheim: mae ai: nung: jaung: shoqid , sho: , sa: , khyid', nhug we' daga" dagaung geim" re getau dayaug: yang6 myi: ngha" pye' ca" nae". – Khin jaung pho" re: jam no; sag' je; fin" bau: nyaug we' pin: ne mo, re yu mung: nung: jaung myi: nga" na: myi: khyeim" mae bopye' ngha" ca"7 nae". – Ai: thao mae yao: yao" ve, mai bau: re cid' shao: pye' ca" gaung bin: cid' lao" vo khug khyo agai: vao mung: myi" thao joe"8 sho' mashao magyang" boe" nae". – Myi: ngha" yaug re: yao" ve, mai bau: cid' shao: pye' , gaung cid' bin lao" vo khug khyo agai: vao nae". Ai: yaug re: myi" thao joe" sho' mashao magyang" ru boe" nae".9 Shao gyang" ra" byu dayaug wa nung: jaung bae" myiqe, re sham" zhang mung: vo yae shao lho" ra" jo, qo mae sham" bam: to: ca" nae". Israel volo byu qe: tau: shao kyang" ra" qid phung" yu nae" tau: shaung: to: ca" nae". Qobo shao kyang" nae" tau:10 ngaid: ra". – Nung: jaung bae: ngha" ra" myiqe, sham" bam: ra" yaug re: , yao" mai bau: cid' shao: pye' mung: myi" thao: ayo, joe" sho' mashao malho" boe" nae. Ce ru wa Israel qe: tau: we' bokhug ngha: na: ra" getau: amyu" zo: qe byu ngug xe qae: cao"11 nae" khyao jin kham ngaid: ra". – Byu shid mao re the' zao" tin" ra" yaug wa nhaid' ba12 mashao malho" boe" nae". – Ai: yaug wa sam ba ein: ba mae ai: myiqe, we' gaung re mashao kyang" mung: nhaid' ba lo" joe" shao lho" nae" ngaid: ra". Sam ba ein: ba mae yao" gaung re mashao kyang" ngaid: re wa nhaid' ba joe" re re: shao lho" nae"13 mangaid:. – Su shid mao re the' zao" tin: mung: gaung re mashao kyang" ra" yaug wa Mo"so: seim zaung re nyain: vho" pye' ra" ai: yaug Israel amyu" mae jao khae qab: pye' ca" nae". Shao kyang" byid' ra" qid pyi" sheim" ru makhae: yu: ra" mathao mashao malho" boe" ra". Shao gyang" ru mangaid: shi: .14 Seim zaung mae su shid: re cao" nae" cao" khyao wa , seim zaung khug khyo vao: ra" mo, zaung khug mae na: ra" mo, alhab' wa nhaid' ba geim" mashao malho" boe"15 genae". – Ug' pyid' mapyid' lo: to" to" ra" ug' jham alhab' re: mashao malho" ru boe"16 nae". – Dae de; mung: shid qere: , no yang: shid qere: , byu shid: sho: qug: , lab jham re seyo segae: the' myao mung: the' zao" tin" re nhaid' ba geim" mashao malho" ru17 boe" nae". – Mashao malho" mo; qobo re cid' kyang" shao nae" myi: ngha" pye' va" nung: jaung: myi: mhab myiqe, dajhid' re yu mung: yug: na: qid we' ug' mae ke' bin18 lao" , – Shao lho" ra" yaug wa fin" bau: dang" re qid mae jam mung: seim zaung dao mae re: zai jham su byu qe re re: , seim zaung khug mae" shid sho: qug: dae de; mung: shid yaug; no yang: shid yaug; lab re the' zao" tin: yaug re re: ai: qid pyi" sheim:19 ca" nae". – Ai re" ru: shao gyang" ra" yaug wa mashao malho" mung: ra" yaug re sam ba: ne, nhaid' ba: ne, mae pyi" sheim" ca" nae". Nhaid' ba joe" lao" ai: yaug re shao kyang" nhao: ru we' mai bau: zab gaung cid' lao" myi" thao joe" re shao lho" lo" li" nae".20 Mashao lho" ra" yaug wa yao" gaung re shao kyang" ru makaid' lao" Mo"so: yham re nyain: vho: nhao: ra" mathao mae volo phaung mae" jao khae qab: pye' ru qhug' nae". Shao kyang" ra" qid (Pyi" sheim") ru makhae: yu: ra" mathao mashao lho" lo"21 ru na: na: ra". – Ce ru wa yao: bam: tau: apyaid ato cao" nae" jin kham wa shao gyang" ra" qid re pyi" sheim" ra" yaug wa yao" ve, mai bau: re zab: pye' ca". Ai: qid the' zao" ra" yaug re: myi" thao: ayo, joe" sho' mashao malho" ru boe" nae". –22 Mashao lho" ra" yaug the' zao" tin" zai jham alhab' re: mashao lho" boe" nae". Ai: zai jham re the' zao" tin" ra" yaug re: myi" thao joe" sho' mashao malho" ru boe" nae" ga: mho: ra".