1 Dam: dalhang Mo"so Arun: re mho: ru wa , ai: shao gyang" ra" yham we' tin" ra" zai" shaid' qobo re nao we' ni" zo: myid: qe vin ca" genae". Naonhaung" khin jaung jham we' tin" ra" shaid' nghung" qobo re2 vin ca" genae". – Ni" phug' pho" akaung mae" gyo" lo: ra" mo, nao re mau" bao" vin vo, nae" tau: khai: zhang" to: wa, . Ngaid qere: nao we' ni" zo: qe za: sagso:3 yham: mau" re agai: zaui: so: nae". – Levi amyu" zo: qe wa nao re re: , seim zaung mae jo; ra" gu: alhab' re qu" gam caung geshao: . Ngaid qere: naonhaung" we' yao: bam shid: ru maqhug' nae" tau: yao: bam wa seim zaung zai khug' , xeim: phain zai khug' jham re magai: zao" tin: nae". –4 Yao: bam wa naonhaung” we' daga" bao" thaug' mung: volo seim zaung re qu" gam caung zo" re" seim zaung: mau" zo" alhab' re vin vo, geshao: . Matin: ang: ra" mo, wa naonhaung" anhae khyo magai: te' li"5 nae". – Thao phyao: Israel zo: myid: qe: adao mae nhag' gyid' ru majo, veshao: , shao gyang" ra" yham we' xeim: phain re lhaug' zaung" ge, .6 Naonhaung" mao: nhaung: Levi zo: qe re Israel zo: myid: jham: khug mae" Ngo khyin: yu mung: volo seim zaung: mau" vin vo, nae" tau: Mo"so re qhaug' ngaui" ra" xeim: re" ru: naonhaung" re Ngo byid:7 va". – Ai ru: mung: nao we' ni" zo: qe wa xeim: phain we' tin" ra" mau" , qe, kyo akhug mae zaui: so: ca" mau" zo" alhab' re khin jaung kaid' mung: zaui: so: ca" genae". Naonhaung" re jeju khyo" khin jaung aya: re Ngo byid: va". Matin: ang: ra" mo, anhae khyo qui" te' li" ko" re kao dau: je; ru phau: genae".8 Mo"so dalhang Arun: re dam: mho: ru wa , Israel zo: myid: qe shao kyang" mung: Ngo re vo; lhaui: jhaung qhu" xeim: jham nao re qhaug' va". Nao we' ni" zo: myid: qe: tau: boe" nae" apyaid ato: jo, nho" re9 Ngo byid: va". – Shao lho" ra" zai jham mae" myi: mae phaid' nae" mavao: ra" naonhaung" jo, nho" boe" nae" ngaid: ra". Israel zo: myid: qe byid' ra" aung lam zai yo gaug zo xeim: , qobo khyaid' xeim: , zai" shaid' nghung" qobo khyaid' xeim: qhaug' ngaui" ko" ra" gu: alhab' nao we' ni" zo: qe: tau: shao lho" ra".10 Shao gyang" ra" jo, qo mae zo: ca" genae". Yaug gai qe alhab' zo: nae" akhang" qo" genae". Ai wa naonhaung" tau: shao11 lho" ru ngaid: ra". – Ai mae" getau Israel zo: myid: qe caung da" ra" vo; lhaui: jhaung qhu" xeim: ,vo; pyao" jhaung qhu" xeim: jham re nao we' ni" zo: myid: qe re apyaid ato: khang" dao: tarha" khyo" Ngo byid: va". Ni" yham mae shao lho" ra" mo,12 alhab' zo: nae" akhang" qo" ra". – Israel zo: myid: qe Mo"so re caung da" ko" ra" gai: thao" xau , gai: thao" sabyi' qang: gai lho" thao" ra" gaug zo maui: lam: re Ngo13 naonhaung" re byid: va". – Mo"so jhao" ci: li" ko" ra" gu: mae" sao qhid' mhang" ra" shi: re re: nao re byid: va". Ni" yham mae shao lho" ra" mo, alhab' gai: zo" ra"14 akhang" qo" ra". – Israel zo: myid: qe dao: so: to: mung: caung da" ko" ra" gu: alhab' re re: nao sang nae" ngaid: ra". –15 Byu ngaid ngaid , gug' nyhug' ngaid ngaid Mo"so: qhid' kheim: khyo ci: li" ko" ra" gu: alhab' re nao sang nae" ngaid: . Ngaid qere: byu: zo:qhid' we' mashao lho" ra" gug' nyhug' au: khaui: qhid' re dam: khyaid'16 phoe' yu ca" nae". – Dam: khyaid' phoe' yu nae" gau wa nao nghae" qu" yang: kao lho" mo" dakhye' ngaid lao" pa" jao: mae jao lag: Shekela khyo" cao" yang: Shekela: ngo" kye' yang khyaid' phoe' yu ca" nae". Shekela: dakye' wa Gera: shid' xe kye' ang: ra".17 Nung: jaung , yao , caid' be, au: khaui: qhid' jham wa shao lho" zai ngaid mung: makhyaid' yu ca". Ai jham: sa: re xeim: phain dao nae pyi"sheim: ca". Xau thaung: xau kug' jham re Mo"so sheim nae pyo: nae" tau: myi" yang ngha" hab' ca" nae". –18 Sho: re ngaid lao" vo; pyao" caung da" xeim" qao cu: we' lo, yo paung sin wa ni" tau:19 ngaid ca" nae". – Israel zo: myid: qe Mo"so caung da" ko" ra" shao lho" ra" jhaung qhu" xeim: jham re nao we' ni" zo: dau qe re so: xam: khyo" Ngo byid: va". Nao mae" da du ni" amyu" akaung we' mung: xo: we' tau" qhi" ra" apyaid ato: dao: thang: ngaid20 nae" ga: mho: ra". – Dam: dalhang Mo"so Arun: re mho: ru wa , Israel zo: qe: mug: myid mae nao sang nae" mug: myid Ma maqo" nae". Yao: bam mae ni" Ma bo nae" mangaid: . Ngo wa yao: bam mae ni" khyao kham khyao khae: ngaid va".21 Levi amyu" zo: qe wa volo seim zaung mau" re vin vo, ko" mathao mae yao: bam: jo, nho" dai kham boe" nae" wa Israel zo: myid: qe: dai kham jo, nho" mae" daxe22 bam mae" dabam re Ngo byid: va". – Ana" mae" thao phyao: Israel zo: myid: qe mae yao: yao: shaid' nghung" qobo mae shid: ru maqhug' vegeshao: . Volo seim zaung anhae23 khyo magai: te' ye: nae". – Levi amyu" zo: qe wa volo seim zaung: mau" re vin vo, ko" mung: yao: yao: shaid' nghung" qobo yao: yao: khae: yu ca" genae". Yao: bam wa Israel zo: myid: qe re" ru: Ma magai: qo" genae" ein: ni" amyu" zo: qae: myid: xag' cao" na nae" cao" khyao jin kham ngaid:24 ra". – Israel amyu" zo: qe Mo"so re caung da" ko" ra" jo, nho" xe bam mae" dabam re Levi amyu" zo: qe re Ma khyo" Ngo byid: va". Ai ru: mung: Israel zo: qe re" ru: mug: myid Ma magai: qo" lo: nae" ein: Ngo khang" dao: to" to: va".25 Mo"so wa Moshe re dalhang dam: mho: ru wa, Levi amyu" zo: qe re ceru:26 ein: ta" kyo: wa, . – naonhaung" re Ma ein: Ngo byid' ra" Israel amyu" zo: qe: jo, nho" xe bam mae" dabam naonhaung" qo" ru re xe bam dam: bam mung: dabam re27 Mo"so re caung da" byid: ca" nae". – Ai: caung da" jhaung qhu" xeim: re gaug be, jao: mae" gaug re" ru: , sabyi' pyag' jao: mae" sabyi' re" ru: naonhaung" tau: mae"28 ngaid: ru xam" to: ge, . – Ai re" ru: Israel amyu" zo: qe khae: yu: ra" daxe bam khug mae" dabam re Mo"so re caung da" byid: ca" genae". Ai: caung da" jhaung qhu" re re: khin jaung Arun: re qhaug' byid: ca"29 genae". – Naonhaung" qo" khae: yu: ra" aung lam khug mae" gai: lho" gai: thao" ra" ru re shao lho" ra" gae bam re yu mung:30 Mo"so re caung da" byid: ca" genae". – Ai ru: mung: yao: bam re ceru: ein: ta" kyo: wa, Levi amyu" zo: qe wa gai lho" thao" ra" gae bam re yu mung: caung da" bin lao" dang shi" ra" gu: re gaug be, jao: mae" gaug ru: sabyi' pyag' jao: mae" sabyi' ru" ru jeju31 ngaid: xam" ci ca" genae". – Ai: dang shi" ra" gu: re yao: yao: mae"dadu yham byu ma" ho' wa zo: nug: ra" jo, qo mae gai: zo: gai: shaug' nae"akhang" qo" ra". Volo seim zaung: mau" re vin vo, geyang: Ngo byid'32 ra" jhaung qhu" ngaid: . – Gai lho" thao" ra" gae bam re yu: caung da" bin thao dang: jo, shi" gu" yang qobo qo" nae" akhyo majo, shid: ru maqhug' nae" tau: Israel zo: myid: qe: shao lho" ra" zai re anyain: avho: magai: kaid' nae" ga: mho: ra".