1 Khin jaung mo" Yoshu wa Moso: mug: lhaug' logyo" qhid' mae ye; jo; ru re Satain: wa yao: re qobo vhin nae" tau: yao" lo, yo2 shaid' mae ye; jo; ru re qhu" ra". – Thain" madaui gyag maqui: Moso: mug: logyo: re: satain: we" Moso nao re mho" shid' pyam" veshao: , Yerusalem: vomo" re khyin: yu yaug Moso nao re mho" shid' pyam" veshao: ce: yaug wa myi: khyeim" mae" xoe: yu: ra" myi: baui" mangaid: i"? ga:3 Satain: re ta" ra". – Yoshu' wa pang lhag' anyain: avho: mai bau: ve, mung: mug: logyo" qhid' kheim: mae ye; na: ra". –4 Mug: logyo: wa pang lhag' ra" mai bau: re khyaid' pye' ge, ga: yao" qhid' kheim: mae ye; na ko" ra" mo, re ta" ra". Dam: Yoshu' re re: qu" wa, ni" qobo re Ngo shao: pye' va" ru mung: yaung" lho" ra" mai bau: re5 ve, nhao nae" ga: mho: ra". – Ngo re: shao lho" maug yao: re zhaung: byid: ge, ein: mho: ru we' dakhyo: yao" au: mae shao lho" maug zhaung: byid: mung: yao: re mai bau: ve, nhao: ra". Mug: logyo: anhae mae ye; na: ra".6 Dam: mug: logyo: wa thain" madaui: gyag maqui: Moso: kheim: dao: xo' kyo:7 mung: Yoshu' re khang" to" ru wa – Thain" madaui gyag maqui: Moso ce ru: ga" , nao wa nga" gau: khyo re cao" na mung: nga" khang" dao: tarha" re cao" pyang" re wa nga" yham khug mae khaung: mhao: boe" mung: nga" vang" re lhaug' yaug nao boe" nae". Lhang" gam: mae ye; jo, ko" ra" agaung: mae khyo jhui: yaug nao re kaid'8 nhao nae". – Khin jaung mo" Yoshu' we" ni" qhid' kheim: mae na: bam ko" ra" byin cao: qe we' daga" tae" gyo: ge, yao: bam wa ve, lho boe" nae" byu qe ngaid ko" ra". Qu" wa, nga" daui daui yaug ein: ru again"9 re gain" thug' li" nhao nae". – Yoshu' qhid' kheim: mae ngo zhaug' to" ra" laug baui re qu" ge, ai: laug baui re myo, jid' nhaid' jid' yang qu" na: li" genae". Ai: laug baui re ngo be; nyhang" nae". Daba re za: ai: mang: din" qobo re ngo shao: pye' nae" ga: thain"10 madaui Moso mho: ra". – Ai: ba mae naonhaung" dayaug we' dayaug yao: yao" sabyi' naui , pho' ham" gae qao: mae jho" khai: zhang" li" genae" ga: thain" madaui gyag maqui: Moso ta" ra".