1 Ngo we' jho" jhau: ra" mug: logyo: dam: lo mung: yab: jo, yaug re nhug' ru2 re" ru: ngo re nhug' mung: – Nao pe" nam the' myao: ga: ngo re myid' ru re ngo wa ngo tau: qu" ke' re hhang: yang kaid' ra" myi: keim gai" re myao: ra". Myi: keim zang au: mae xau ug' dalam: , myi: keim nhaid' lam: xau ug' we' myi: keim nhaid' lam: jho" xo' to" ra" pyaung: nhaid' lam: jo;3 ra". – Xau ug' lo, vai: lo, yo mae xau ug' re ug: nghoe' to" ra" Zhainlun: gae shid' gae4 jo; ra" ein: ta" lao". – Nga" AsAng we" ce: ru pe" ngaid: ra" i"? ein: ngo we' jho" jhau:5 ra" mug: logyo: re myid' re – Ngo we' jho" jhau: ra" mug: logyo: wa pe" ngaid: ga" ru nao maba i"? ga: ngo re myid' ra". AsAng we" ngo maba ein: yao: re dam: tau" au: .6 Zerubabela, jhao" joe" ra" Moso kheim: dao: wa ce: mau" zo" wa kheim: so' qam: o" yang re: mangaid: phung bao qam: mo" khyo" re: mangaid: nga" solo: yang za: aung doe, nae" ga: thain" madaui7 Moso mho: ra". – O" bam mo" nao wa khag' ngaid: , Zerubabela, qhid' kheim: mae jao: dae boe" nae". Yao: wa khaung phug' laug pye: re tau: kai: mung: byu jham wa jeju jo, veshao: jeju jo, veshao: ga: zag: yao genae" ngaid: ra" ga: ngo re ta" ra". –8 Thain" madaui gyag maqui" Moso: kheim:9 dao: ngo jhao" joe" ru wa – Zerubabela, ce: yham: qao: tae re qhid: ava". Yao" lo; yang kaid' pin" nae" ngaid: ra". Ai mung: thain" madaui gyag maqui: Moso wa ngo re naon- haung" jhao" nhao: ke' ru re nao-nhaung" ba genae". Mau" zo" angai zo: zai" boe" ra" ba re manug makhyaid' kaid' ru khag' ngaid: ra". Zerubabela; lo, mae ka" taui: ci: ru re yao: bam myao lao" Ai: nhaid' yaug ngaui bau: genae".10 Ai: myi: keim nhaid' lam: kam" wa myidkin geim" re qo" myao: kyao" ra" Moso: myo, jid' ngaid: ra" ga: ta" ra".11 Alao" ngo wa myi: keim to: gai" lo, kaung: lo, yo mae yaug: ra" Zhainlun: shid'12 gae wa pe" ngaid: ra" ein: myid' re – Hhang ru" ru xau jhab' yu: ra" hhang pyaung: shid' lam" nhae mae jo; ra" Zhainlun: kaung shid' lam: wa pe" nam: lase" i" ein: dam:13 paug' myid' ke' re . – Ai: au: mug: logyo: wa ai pe" ngaid: ru nao maba i" ? ga: dam: myid' ra". AsAng we" ngo maba ein: tau"14 re – Mug: logyo: wa ai: akaung shid' kaung wa damyid kin geim" re sang: ra" Moso: qhid' kheim: mae ye; jo, ko" ra" xau gyain: khae: yu va" shid' yaug ngaid ko" ra" ga: ta" kyo" ra".