1 Ngo qu" ke' re AsAng wa phain dao mae ye, yang: ta" ru wa kham: baung re lhaui: mung: kham: the:re be; ke' wa, . Ai wa mang: byu na mae" na: adao mae gyang: zag: nhai" veshao: . Yao: bam: zo: myid: qe re Ngo se' jheim" pye' nae". Khag' re: maqo" phao: loe, genae". Qo" phao: lo"2 ra" yaug re: maloe, nae". – Mo: vo: mug: joe" sho' dau" khyaung: laung" gengaid yang: re: Ngo she: thug' yu nae". Mug: nyug lasung" dao khyo do, qere: Ngo lao"3 khyo" yu nae". – Karamela' bam nyaug mae phao: vho' na gengaid yang: re: Ngo qho: she: yu nae". Ngo mae" loe, nug yang: qid dae thai: mae lo" vho' na qe re: Ngo wa mao jaung: re nhao mung: bin: nhao4 nae". – Gyevo qe sham" tai: lo" gengaid qere: joe" ra" jo, qo mae shae re nhao: ke' mung: se' nhao nae". Ngo wa jeju makaid' lo: qobo byid: nae" za: aqu" na lo".5 Gug: mang: din" gam Mo"so wa myid gaung re zao" tin: lao" byi: sin" lo" yang: ai mae na: bam ko" ra" Xaosu byu alhab' wa nhag' kaug' myo, yug qhug' genae". Ai: ru wa qid je: au: ru" ru damang: geim" boe" li" mung: Egutu qid zang gyaung: ru: kin"6 lo" li" nae". – Yao: wa yao" na jao: re mug: gaung: dao mae vai" to: mung: myid gaung dao mae yham mo" re kaid' to: va" ra". Qid dae mo" mae" qid re khai: yu yang: myid gaung dao khyo vhe' sheim" ke' ava". Gug: mang: din" gam ug Mo"so: mang khyao: ajo; jo, veshao: .7 O" Israel zo: myid: qe we" naonhaung" wa Nga" qhid' kheim: mae Khusha' zo: myid: qe re" ru: boe" veko" mangaid: i"? Israel amyu" re Egutu mang: mae" Ngo jhui" phao: thug' lo: ru ru: Philisti byu qe re Khabthora mang: mae" Suri' byu qe re Kira' mang: mae" Ngo jhui" yu va" mangaid: i"? ga: Mo"so mho: ra".8 Mo"so wa qobo qo" ra" mang: din" jham re qu" mung: myid gaung: dao mae" sham" khyo" pye' nae". Ngaid qere: Yaku' zo: myid: qe re shao" sho' phyo' qheim" pye' nae" mangaid: ga: Mo"so mho: ra". –9 Khoru: ga" re qu" ge, . Ngo pin: to: mung: cin phyu re o: khyang" yang khyang" yu: ru re" ru: Israel byumyu" re labug: amyu" khug mae" Ngo khyang" kyang" shao nae". Cin dace' lao" myid mae gyo" nae"10 mangaid: . – Gyaug din ci" ra" ja: ngon- haung" re myhi: zao" nae mangaid: . Ai jham ngonhaung" phau: nae" mangaid: ga: ta" yang: qobo qo" ra" Nga" byu alhab' wa shae lhae mae shid genae".11 Nga" byumyu" qe wa dang: na shi: ko" ra" Edom: amyu" qe we' Nga" mang yu12 ko" ra". – Taung bug amyu" qe re sang: yu nae" tau: gyoe; gyo" jo; ra" Davi nho: khin zaung re dam: tau: yhe' nae". Go; gyae" jo; ru re dam: pho nae". Byo; qeim: jo; ru re dam: byao: bin lao" ai: khin zaung re qhid' phyao: mae" re" ru: dam: tau: zhaung nae" ga: ce: mau" re zaui" ra" yaug Mo"so: lamy- hung" jo, gau ngaid: ra".13 Yothaung: phaug' yaug we' gaug yaid yaug re re: , sabyi' shi: pyag' yaug wa myug: shi: sin: yaug re re: bam mo" jham mae" sabyi' qang: yug mung: bug gaung bug dam: alhab' re: byi: sin" lo" nae" ayo, ba na14 joe" ga: Mo"so mho: ra". – Sham" pyaung" tai: sin" lo" ru qhug' ko" ra" Nga" amyu" Israel qe re dalhang dam: zhang" yu mung: yao:bam wa byo; qeim: byaug va" vogaung: jham re tau: yhe' yang: na genae". Sabyi' khyae kaid' yang: sabyi' qang: qhug' shaug' genae". Yothaung: yogug jham re zaui: so:15 mung: the' zo" genae". – Yao: bam: na qao: mug: myid mae Ngo tau: yhe' nae". Ngo byid' ra" mug: myid mae" thao phyao: khag' yang re: maqo" she: thug' lo: genae" ga: ni" Mo"so gug: mang: din" gam ug yaug mho: ra".