1 Yuda jhaung zug: Uzi' Israel jhaung zug: Yosha' yao: zo: Yerobom: ug: ra" ayo, myid lab: malab: shi" qhid' shid' zin mae yao zaung" phung: mae bobo: ra" Teko" vobyu Amo" wa Israel mang: we' tin:2 mung: pa: ra" pa dao: wa , – gug: mang: dae gam ug: Mo"so wa Ziun: bam mae" kyid' ke' mung: Yerusalem: mae" thoe mo" ke' ke' yang: yao zaung" jo, qo jham nhag' ngai: na mung: Karamela' bam nyaug wa jhoe' lo" li" nae".3 Mo"so: amyin" dao: wa Damasku' wa Giled' mang: re gaug nao: jao: mae" khofo re" ru: nao" sham" nai: pye' ra" qobo sam ja: za: mago" byid ja" mathao mae Ngo qobo dae mabyid: lo: na nae" mangaid: . –4 Hazaela' zug: bug qe: adao re myi: khyo" ke' mung: Binhadaid' zug' jhaung: yham re ngha" pye' nae".5 Damasku" vokham" kham: kyao" re nag: khyug' pye' byid: nae". A:vin: lao: khaung: mae na mo, re re: Bed' Eden: vo mae zug' na mo, re re: be; qab: lhaui" pye' nae". Suri' mang: byu qe re Kira' vo khyo sham" pyaung" lo" nhao nae" ga: Mo"so: mho: ra".6 Gug: mang: din" gam Mo"so dam: ta" ru wa Gaza: vomo" wa kyam: lhaung" to" ra" mo, alhab' re Edom: zug: re qhaug' pye' nae" tau: sham" pyaung" lo" ra" qobo sam ja: maka" byid ja" mathao mae Ngo qobo dae mabyid: lo: na nae" mangaid: ga: ta" ra".7 Gaza: vomo" dao mae myi: khyo" ke' mung: jhaung: yham jham re ngha" pye'8 nae". – Azug' vobyu qe re: Ashakelung: vo mae zug: mo, re re: kang" lhaui" pye' nae". Ejhung: vo re re: khe' sin" ke' mung: dang: gyo" ra" Philisti byu qe byo; baui" lo" li" genae" ga: Mo"so mho: ra".9 Mo"so dam: mho: ru wa Turu' vo wa mao: nhaung: yao: cao" gyo: mae" dao: so: re macao". Kyam: lhaung" to" byu qe re Edom: zug: jhao" lhai: ke' ra" qobo sam ja: za: mago" byid ja" mathao mae Ngo qobo dae mabyid: lo: na nae" mangaid: ga:10 Mo"so ta" ra". – Turu' vo kham" dao mae myi: khyo" ke' mung: jhaung: yham re nga" jeim" lo" nhao nae".11 Mo"so dam: mho: ru wa , Edom: mang: wa nhag' myain: nhag' khyag' myid mabo . Mao: nhaung: re shae ci yang: cao" khe' ra" qobo , yao" nhag' gyid' ra" myid we' mathang mano: lao" kao: mung: apyaid ato manug makhyaid' kaid' ra" qobo sam ja: za: mangaid: byid ja" mathao mae Ngo qobo dae mabyid: lo: na nae" mangaid: . –12 Temain: vomo" dao khyo myi: khyo" ke' mung: Bozara' vomo" nho: jhaung: yham jham re nga" gyoe; gyo" nhao nae".13 Mo"so dam: mho shi" ru wa Ammon: byu qe wa yao: bam: mug: myid re je: lae: lo veshao: ga: Gilaid' mang: mae" maqao" gaung ngaid: ra" myhi" zang jham: vae: dug: lhai" kho' byid: ko" ra" qobo sam ja: za: mangaid: byid ja" mathao mae Ngo wa qobo dae mabyid: lo: na: na nae"14 mangaid: . – Raba: vokham" re myi: te' ke' mung: jhaung: yham jham re nga" jeim" pye' nhao nae". Mang: zin" ra" ba mae zag: gyi: hug' ru mug: qu la qam" joe" ra" ba15 mae ci: dao" lo" ru jo; li" nae". – Yao: bam: jhaung zug: mae" du agyi khaung: mhao: jham re sham" pyaung" tai: lo" ru qhug' genae" ga: Mo"so: mho: ra".