1 Dam: dalhang Mo"so ngo re qhu" byid' ra" myo, myhung" wa jhaung zug: we' tin" ra" gaug yaid bin yang: apain mae" abau: dam: taid' li" ra" yo, mae khyag' phaung"2 jham re myhung: ke' ra". – Ai: khyag' phaung" jham wa damang: geim" mhin: nyug jham re zo" kyam" gain: pye' thao mae ngo wa AsAng Mo"so we" qobo lhoe' byid: la, . Yaku' wa ngai shi: yang: khoru:3 qo" to" ye, nae" i"? ein: mho lao" – Mo"so re: naung myid qo" mung: ai jham maboe" lo: nae" ga: mho: ra".4 Dam: dalhang Mo"so ngo re qhu" ra" lamyhung" wa myi" yang qobo dae byid: nae" ga: myi: khai: yu mung: Baha qid dae re myi: nga" nhao: ra". Bug gaung re5 re: nga" nhao: ra". – Ngo re: Mo"so we" thang: to: shi: wa, . Yaku' ngai: na shi: mung: khoru: qo" gai: to" ye, shi: nae" i"?6 ein: mho lao" – AsAng Mo"so wa naung myid dam: qo" mung: ce re" ru: maboe" lo: nae" ga: mho: ra".7 Mo"so dalhang dam: qhu" ra" lamyung" wa ka" nae" taui" yang nyhang" din" to" ra" vokham" dao mae Mo"so ye; jo, mung: yao" lo, mae ka" nae" taui: ci yang: –8 Mo"so wa Amo" nao pe" nam re the' myao: ga: myid: lao" ka" nae" taui: re the' myao: ein: mho lao" Mo"so wa Nga" byu Israel qe: agaung: khyo ka" taui: re khyo" ke' nae". Thao dalhang yao: bam re maqo" zang:9 qhao" lo: . – Isag' nho: myhao: ra" jo, qo wa byu sheim manae lo: . Israel nho: shao gyang" ra" jo, qo jham wa sham" jhaid' pye' ru qhug' nae". Yerobom: jhaung zug' amyu" re re: shae: yang khe' zin" pye' nae" ga: mho: ra".10 Ai: dao: thoe: mathao mae Bethela' khin jaung Amezi' wa Israel jhaung zug: Yerobom: jhao" dao: kyo" ke' ru wa- Amo" wa Israel qe: phaung mae magai: ra" khyo" nao re gye tug' she nae" dao: ta" na: ra". Yao" dao: re mang: geim" maqo" zang:11 qhao" lo: ko" ngaid: ra". – Khoru: ga" re Yerobom: wa shae dae mae shid mung: Israel amyu" qe re: yao: bam na: mang: mae" mung: jeim toe' nae" keim" pyaung" lo" ru qhug' genae" ga: Amo" ta" na: ra" ga:12 ta" kyo" ke' ra". – Amezi' wa Amo" re re: khai: yu mung: lapa pho" we" Yuda mang: khyo phao: lo" wa, Ai: mang: mae lapa lo" pa mung: vae: gyi: mau" lo" qho wa,13 se, . – Thao phyao: Bethela' tau: lapa dapa lo: . Khoru: ein: re ai wa jhaung zug' shao gyang" jo, qo ngaid: . Jhaung zug' yham mo" jo; ra" vomo" re: ngaid: ga: Amo" re mho: ra".14 Alao" Amo" re: ngo wa lapa mangaid: . Lapa: yao: zo: re: mangaid: . Nung: zam" ra" yaug , pho' ham" shi: phyo' zo: mung:15 na: au: mae – Mo"so wa nung: zam: jao: mae" ngo re khyin: thug' yu mung: to" ye" lo" wa, . Nga" byu Israel amyu" mae lapa ye: kaid' wa, ga: thain" madaui Mo"so nhao:16 ra". – Ai ru: mung: Mo"so: mho dao: re tae" gyo: wa, . Israel amyu" we' tin: mung: lapa dapa . Isag: akaung we' tin" ru dao:17 dajhau ga: nao mho: mathao mae – Mo"so mho: ru wa ni" yham sang myhi" wa yaug zhang: myhi" boe" nae". Ni" zo: dau qe wa shae lhae mae shid genae". Mo, je labyu qe wa ni" mug: myid re jho" ka" kho' gae: yu: li" genae". Nao wa anyain: avho" mang: mae shid qhug' nae". Israel amyu" qe re na qao: mug: myid mae" keim" pyaung" tai: lo" ru qhug' genae" ga: Amezi' re mho: ra".