1 Mo"so: mung dao: dam: joe" ru wa Mo"ba' mang: wa Edom: jhaung zug' shoqug: re laug main re" ru: boe" sho' phaid' mhain" pye' ko" qobo sam ja: za: mangaid: byid ja" mathao mae Ngo qobo dae mabyid:2 lo: na nae" mangaid: . – Mo"ba' mang: dao khyo myi: khyo" ke' mung: Keriod' vo mae" jhaung: yham jham re nga" lo" nhao nae". Thoe mo" ke' ru zag: gyi: hug' ru labo" maid: ru we' daga" Mo"ba' mang: wa byo;3 baui" lo" li" nae". – Mo"ba' mang: gaung: mae" tarha" agyi re Ngo kang" lhaui" pye' mung: yao: we' daga" agyi khaung: mhao: alhab' re se' pye' nae" ga: Mo"so ta" ra".4 Mo"so: amyin" dao: wa Yuda amyu" zo: qe wa Mo"so khyo" to" ra" cao" khyao jin kham re macao". Khang" dao: re to" pye' mung: phug' phyid' qe cao" lai: ko" ra" yui dae" mau" yang shaid' nghung" ra" qobo sam ja: maka" byid ja" mathao mae Ngo wa qobo dae mabyid: lo: na: na nae"5 mangaid: . – Yuda mang: dao mae myi: khyo" ke' mung: Yerusalem: pa" jhaung: yham re nga" jeim" pye' nhao nae".6 Mo"so ceru: ga: mho: ra". Israel amyu" qe wa din: main" ra" yaug re , myaung sho: mo, re khyid zhaung: dazam" we' aung:7 zo" qobo , – Myaung sho: mo; au: mae phaui: lhug gag: gyain: nae" tau: o ngaui yang: nyham: gyo" yaug re matin: ma-ang: ra" khyo: dao: phyid' ra" qobo , Nga" myo, nho nga: lao: re jung" khyoe' nae" tau: myiqe: dayaug re za: yao: pho" yao: zo:8 ceim" ngho" ra" qobo , – su mae baung: to" ra" mai bau: re xeim: ngaui" phain nhae mae myhung: mung: yab: ra" qobo , yug: khyug' ngaui: yang vai: ra" sabyi qang: re yao: bam: Mo"so: yham khug mae shaug' ko" ra" qobo sam ja: za: mangaid: byid ja" mathao mae Ngo qobo dae mabyid: lo: na nae" mangaid: .9 Shaug' gae myhao" myhao mung: lashe' gae re" ru: jhe, qao: ra" Amori' byumyu" qe re naonhaung" qhid' kheim: mae kang" lhaui" pye' nae". Ashao" mae" ashi: jham re re: apain mae" agyi: jham re re: Ngo10 mhain" khyo" pye' va". – Amori' mang: re vao: sang genae" tau: mae Egutu mang: mae" jhui" thug' yu mung: seyo segae: mae byid xe zin lam: lam: jhui" dai" lo va". –11 Naonhaung" zo: myid: daqhae: lapa aya: , ve, qae" daqhae: re Nazari: byu aya: mae nha: to: va". O" Israel amyu" qe we" ce: dao: kheim: wa dang va" mangaid: i"? ga:12 Mo"so myid' ra". – Naonhaung" kam" wa Nazari: qe shaug' nae" sabyi yhid byid: veko". Lapa qe re re: lapa dapa ge, ga: tam" kyo" veko".13 Ai ru: mung: gaug dang: byang" sho' ke' to" ra" lhin" re gaug dang: jham: yang nhai" zag: to" ru we' dakhyo: naonhaung" na jao:14 mae re: Ngo deim" zag nae". – Tao: gyai qao: ra" yaug wa tao: nae" akhang" maqo" nae". Qam: mo" bo: ra" yaug re: qam: phin: nae" akhang" maqo" nae". Sulhe: yao"15 gaung re maqo" zug: gam nae". – Lo, la: ci yaug wa maqo" ye; jo, nae". Tao: qao: ra" sulhe: re: maqo" tao" phao nae". Myao: jui: sulhe: yao: yao: re maqo" gug: gam16 nae". – Gyai vae" ra" sulhe: wa ai: ba na mae gaung: lam: sho pyaid' phao: dae" ye; lhau: li" genae" ga: Mo"so mho: ra".