1 Ziun: vomo" mae yaug yo za: na: ra" yaug , Samari bam dao mae gaung yug sho: byo, maca" lo: na: ra" yaug , byumyu" qe mae lo" thao" zhao" myhao: ru we' na yaug Israel amyu" khug ngha: na ko" ra" mo, wa2 byuxa: voqoe, genae". – Khalana' vo khyo ye: mung: qu" qu" ge, . Ai: vo mae" Hamad' qe: vo khyo re: , ai: mae" qi: qhang: ra" vo khyo re: , Philisti qe na: ra" Gaid' vo khyo yequ" ge, . Ai: mang: din" jham wa ngonhaung" mang: tho' je: gai ko" ra" i"? Yao: bam: mug: kyo: wa naonhaung" mug:3 kyo: tho' je: lae: ra" i"? – Naonhaung" wa qug: khai: kyi" khyag' nae" ba na ayo, re qhui" ke' mung: tarha" madin" ra" khyo" dao: phyid' ra" la kin re qhui" te' to: veko"4 ra". – Xao zaui: yang kaid' ra" yab jaung: dao mae yab , mai myhung: thau dao mae yoe" jhao" ru , yao phaung mae" yao nau" re re: . Nung: yham mae" nung: jaung5 nau" re yu: se' zo: mung: – Tang: she thoe we' dau nyang za: nghaui" ru , she maid be; myhang" ja: asag' sag' re qho: ca yang: Davi jhaung zug: kaid' re re" ru: kaid'6 ru , – Sabyi' yhid re keim baung: mae tau: zhaung: shaug' mung: phug' de; ra" sheim nae pyo" ra" xau re qo" gyaid: ako". Yao: bam wa Yoseb' zo: myid: qe phau" ra" qug: khai: kyi" khyag' re nhag' mamyain: lo: na7 ko" ra" i"? – Yao: bam wa sao qhid' lhang sham" pyaung" lo" ru mae bobo: lo" li" genae". Yoe" jhao" jo, yang: yao: yao" gaung re nga: yu: ra" pyo: poe re: baui" lo" byaug: li" nae".8 Gug: mang: din" gam ug Mo"so wa yao" mang re lao: mung: nhang" ke' ru wa Yaku' nho: ngaid beim" ru re Ngo ca' mung: yao" jhaung: yham re qu" nghang: yang: vomo" we' vomo" khug mae na mo,9 re Ngo shelhaui" pye' nae". – Ai ru: mung: yham dayham mae daqui yaug dang ngaid10 qere: shid: dam: genae". – Su shid: nho: yao: pho" le; wa phaid' nae" mao gaung re yham khug mae" ci: thug' lo" ra" au: yham khug mae na: ra" yaug re yham khug mae byu khag' na shi: ko" ga: myid' ke' re khag' mana lo: . Mao vo; ye" na yaug re: sae za: na wa, . Mo"so: mang khyao: re caung: khin" nae" khyo mabo lo: ga: ta" li" nae". –11 Pe" mung: ein: re Mo"so: mung dao: jo; ru we' dakhyo: yham zang re phyo' sin" pye' mung: yham zo: re re: byo; main" lo" li" genae".12 Myao: wa laug thin dao mae qo" tao: nae" la, . Byu re: laug thin dao mae nung: jaung: yang gai: phaug' nae" la, . Naon- haung" wa dang main" ra" khyo: dao: phyid' ru re ao: kho: vho' ru: din: main" ru re madaug' fo' ru: boe" nhao veko"13 i"? – Akeim aseim mae bau" nghao" mung: ngonhaung" qam: o" yang kheim: so' re qab: lhaid' yu va" mangaid: i"? ga: ba: ta"14 na ko" i"? – Gai gai: yao: Israel amyu" qe we" naonhaung" gye she nae" byu damyu" re Ngo to" ye, nhao nae". Ai: byumyu" qe wa Hamaid' vomo" khyo mae" qhid mung: Araba' qid gyaung: joe" sho' naonhaung" re se' da: be, khyaid' kaid' li" genae" ga: gug: mang: din" gam Mo"so mho: ra".