1 Israel zo: myid: qe we" Egutu mang: mae" Ngo jhui" pyaung" thug' lo: ra" mo, alhab' we" naonhaung" re qang yang: Ngo Mo"so ta" ra" mung dao: re tae"2 gyo: ge, wo". – Myid gaung: dao mae na: ra" byumyu" cao jab mae naonhaung" damyu" re za: Ngo khyin: yu: ru mung: naonhaung" qobo alhab' re Ngo ca: qu"3 nae". – Byu shid' yaug myid majho" vang"4 re daga" gyaung: gai: su: nae" i"? – Lo: tin: wa taung: zo: sho: mana re seyo mae kyid' lhang: qin" nae" i"? Lo:tin: nau" wa sho: maqhug' taung: shi: re yao: na: khyaung5 mae" myang thoe kyo: nae" i"? – Myid gaung: dao mae taui: makhae re ngho' the' nae" i"? Pe" daja: lao" maqo" shi: re taui:6 lhaung" qab: yu ko" i"? – Vo mae labo" mamaid re vobyu qe gyaug din genae" la, . Mo"so mae" mangaid: re vo mae gyaug din ci" ja: pe" re: vo mae joe" zao" nae" i"? –7 Gai gai: yao: AsAng Mo"so wa yao" jeim lapa qe re sao qhid' maqhu" lo: pe" ja: re8 re: mazaui: maso: . – Lo:tin: kyid' na: ra" au: magyaug lo: khoyaug qo" tae" na nae" mangaid: . AsAng Mo"so: kheim: dao: the' gyo" au: khoyaug wa lapa mapa lo: qo" na genae" i"?9 Azug' vo: jhaung: yham we' Egutu jhaung: yham jham mae hau" kyo: nae" ru wa Samari bam dao mae zang" ham mung: Samari vo khug mae boda: bosin: mung: na: ru re re: vo khug pyam" yhin" qhug' na mo,10 re re: ceim" qu" genae". – Vobyu qe wa tarha" mavao: mau" re kaid' ako". Lhaid' yu khug' yu: ra" jo, nho" re pa" jhaung: yham mae qaung" to: ba: ako" ga: Mo"so mho:11 ra". – Ai ru: mung: Mo"so ta" ru wa , gyevo jham wa Samari vo re li" lhang" kham" ci mung: ni" kheim: so' qam: o: re deim" zag: khyo" mung: pa" jhaung: yham re phyo'12 sin" pye' li" genae". – AsAng Mo"so ta" ru wa , yao zaung" yaug wa lo:tin" nhaid' mae" khyid shid' khyid mangaid: lao" no: khye' dakhao: re qo" lao" thaid' yu: ru ru: Samari vo mae" yab jaung: thao Damasku' myho lau dao mae mug' zaung: na: jo; ra" Israel byu qe re she: thaid' lhoe' yu ca" li" nae".13 Gug: mang: din" gam re ug: ra" AsAng Mo"so we" AsAng Mo"so: amyin" dao: re naonhaung" tae" gyo: mung: Yaku' zo:14 myid: qe re ta" kyo: nae" ru wa – Gaigai: yao: Israel a myu" re yao: bam shaid' qobo: mathao mae qobo dae byid' ra" ba na mae Bethela' xeim: ngaui" phain re re: qobo dae byid: mung: xeim: ngaui" phain: khyug re be; khyug' mung: myid khyo khyo" ke'15 nae". – Xaung: gaung: yo, mae khug ngha: ra" jhaung zug' yham we' zin vao kheim: mae khug ngha: ra" zug' yham re Ngo phyo' pye' nae". Xao zaui: yang kaid' to" ra" yham re: byo; qeim: lo" mung: yham zang yham zo: jham re: byo; baui: lo" li" genae" ga: Mo"so mho: ra".