1 Mo"so ngo re dam: qhu" ra" lamyhung" wa zin vao kheim: mae mhang" ra" shi: bo:2 ra" gyain dagyain re qhu" ra". – Amo" nao pe" nam the' myao: ga: myid: lao" zin vao kheim" shi: bo: ra" gyain re the' myao: ein: ngo ta" lao"- Mo"so wa Nga" byu Israel qe mae lo" thao" ba na joe" va". Thao phyao:3 Ngo yao: bam re malhai: ke' lo: nae". – Ai: ayo, adau mae pa" jhaung: yham mae" nghaui" thoe wa ngug thoe boe" byaug nae". Khyi" khao: khyi" ngo" mae su shid mao jo qaung" bam mung: byu jham wa sae sae za: cao" she: khyo" pye' genae".4 Masho: majhin mo, re ngaui: yang , myaung: sho: mo, re khyid zhaung: dazam" yang vai: yu mung: saungso cin5 gaui: re qo" aung" gyui nae" tau: – jo, lag re angai kaid' . Jao laug: re aqi: kaid' mung: mhug' vhain" mo, we" ngonhaung" gaug gau qo" nae" khyo" lho" xin: yo, re gaug aung: nae" khyo" saung so re aung: nae" dug no: ba phyaid lai: lo" veshao: ga: ta"6 ru we' – moe, shab' na mo, re deim: so: zag kaid' mung: myaung sho" ra" mang: byu qe re na: qug: na: khai: nhao: ra" so' kho' myo, no, mo, we" ce: dao: thoe re the'7 gyo: ge, wo". – Mo"so wa Yaku' phung bao re lao: mung: jham tang" dao: wa gegai: yao: yao: lo, qaug zaui: so" ra" gu: alhab' re8 Ngo khonhae" re: mato" myhid' nae". – Ai: qobo: mathao mae myid gaung lab: nain" li" nae" mangaid: i"? Ai mae na mae" na alhab' mo, wa kaug' myain" qhu: thoe mung: li" genae" mangaid: i"? Damang" geim" qid je: au: ru" ru boe" mung: Egutu qid zang: gyaung: ru: dang: nhug' lo mung:9 nab: lo" pye' genae" mangaid: i"? – AsAng Mo"so ceru: ga: mho: ra". Ai: ayo, abang: mae ba gaung tau: yo, mae ba vao nhao nae". Mug: nyug gyang" ra" ne, mae mug:10 caid' lo" nhao nae". – Naonhaung" kaid' pyo: poe re kaug' myain" qhu: thoe boe" nhao nae". Naonhaung" caung: nghaui" ru re kaug' ngug: ru boe" nhao nae". Volo byu alhab' wa jid: mo" mai yang" ci mung: xae myhaug' pye' nae" khyo: Ngo kaid' nae". Zote: zo: shid: ba mae kaug' myang: ru re" ru: Ngo boe" nhao nae".11 AsAng Mo"so mho: ru wa damang" geim" mae moe, shab' qam" joe" li" nae". Bao" khug' yang moe, shab' ru mangaid: . Qid shab' yang: re: mangaid: . Mo"so: mung dao: re mathe' gyo: lo" ra" moe,12 shab' qam" ngaid: li" nae". – Byu xaosu qe wa Mo"so: mung dao: re qho: ga: bang: lae dalae mae" dalae khyo mug: am: mug: za: tao" lhang" qin" ngaid qere: maqhug'13 genae". – Ai: yo, khin: mae gyai yaung" ra" tang: shain" zomyi: zo: qe we' zolau: zo: qe myaung: qhaid' ru we' qid shab'14 ru phau: genae". – Samari nho: shaid' nghung" qobo khyo mae cao" yang: Dain: we" ni" mo"so daui: na: ru we' dakhyo: ga: re: Berasheba' li jo; jo; ru we' dakhyo: ga: jham tang" ra" mo, wa thao re madam: qo" to" ye, lo: sho' gyang: gyo" mung: na: na: li" genae" ga: mho: ra".