1 asang Moshe re dam: mho: ru wa Israel zo: myid: qe re ceru: ein: ta" kyo:2 wa, – asang: poe ein nae" ru wa naon- haung" nyhang" to" ra" shao gyang" ham phaung ayo, jham wa Ngo khang" to" gu: ngaid nae".3 Khyaug' ba: gu: wa mau" zaui: jid: nai: genae" ngaid: ra". Nhaid' ba ein: ba wa yaug yo za: dug no" na nae" ba ngaid nae". Shao lho" ham phaung kaid' nae" ba na ngaid: . Ai: ba mae pe" mau" re: magai: kaid' nae". Naonhaung" na: ra" jo, qo khao: ngo" mae asang: dug no: ba na ngaid: ra".4 Ce: ru wa ayo, akhin: joe" lao" naon- haung" cao" khai: to: nae" shao lho" ham phaung ga" ra" asang: poe jham ngaid:5 ra". – Lho" mo" dakhye' ein: ra" khye' daxe: byid ba: ne, myi" mae asang: lhai:6 lhoe' ke' poe ngaid nae". – Lho" ai: khye' daxe: ngo" ba: ne, mae asang: tau: Azuma: poe ngaid: ra". Nhaid' ba: geim" mae main" phaui: mabo: cinmain" naonhaung" zo: genae" ngaid: ra".7 Sao qhid' ba mae shao lho" ra" ham phaung kaid' genae" ngaid: ra". Ai: ba8 mae pe" mau" magai: kaid' nae". – Nhaid' ba geim" asang re myi: ngha" ngaui" ca" genae". Nhaid' ba: ne, mae re: shao lho" ham phaung re kaid' ca" genae". Myid kin: mau" pe" re: magai: kaid' ga: mho: ra".9 Moshe re asang dam: mho: ru wa –10 Israel zo: myid: qe re ceru: ein: ta" kyo: wa, naonhaung" Ngo byid' ra" mang: khyo joe" mung: gaug yaid: ra" au: sao qhid' yaid: yu: ra" gaug dang: dadang: re khin jaung pho"11 jhao" ci: li" ca" genae". – Nao-nhaung" jhaung qhu" re lham: khae: yu nug sho' khin jaung pho" wa dug no: thao: ne, mae ai: gaug dang: re asang: qhid' kheim: vo; pyao" nae" ngaid: ra".12 Gaug dang: vo; pyao" ra" ba mae dazin byang" no malo" ra" yao nau" alo: re asang: tau: phaid' ngaui" xeim: caung13 da" ca" nae". – Ai: xeim: we' tin" ra" gaug zo xeim: caung da" nae" ru wa asang nae ham" nae" tau: phaid' ngaui" nae" xau we' lhag' ra" cinmain" nhug shid' thaug' pyid' ngaid ca". Vhe' sheim: xeim: sabyi' qang:14 sam loga: ngaid: ca" nae". – Naonhaung" Mo"so re xeim: qhaug' nae" ba na majoe" shi" re cinmain", gaug shin: , ashi: ajam: re magai: zo: nae". Naonhaung na: ra" jo, qo khao: ngo" mae byungug xeqae: cao" nae" pin dao: cao" khyao ngaid: .15 Vo; pyao" jhaung qhu" gaug dang: ci: li" ra" ba dug no: ne, lo" thao" ba mae" qhid mung: nhaid' dug no: byang" sho' nghe'16 qug ca"nae". – Nhaid' dug no: joe" ra" dug no: ne, lai thao: ne, joe" sho' ngo" xe ba nghe' qug bin lao" asang re gaug zo xeim:17 asag' re qhu byid: ca" nae". – asang: tau: sao qhid' mhang" ra" ashi: toe' nae" main" yang baung" hug: ra" cinmain" nhug: shid' thaug' pyid' yang hab' yu: ra" vo; pyao" nae" cinmain" shid' yho' re naonhaung"18 yao" yham mae" ci: li" mung: , – Ai: cinmain" we' daga" dazin byang" no malo" ra" yao nau" nhaid' dau: , nung: jaung lo: nau" dadau: , caid' be, shid' dau: re qhaug' mung: gaug zo xeim: , vhe' sheim: caung da" xeim: we' daga" asang re nae ham" nae" tau: , myi: ngha" caung da" nae" phaid' ngaui" xeim: re asang re caung da" ca". –19 Qobo khyaid' xeim: kaid' nae" caid' be, nau" dadau: zam" khug xeim: kaid' nae" dazin mabyang" shi" yao nau" shid' dau: re20 caung da" mung: , – Khin jaung pho" wa sao qhid' zaui" ra" ashi: cinmain" we' daga" vo; pyao" yang: yao nau" shid' dau: bobo mung: asang: qhid' kheim: mae vo; pyao" qhu" ca" nae". Ai jham re: khin jaung pho" tau: asang: qhid' kheim: mae shao lho" ra"21 ru ngaid: ra". – Ai: ba mae re: shao lho" ham phaung kaid' ca" genae". Myid kin: mau" magai: zaui: , naonhaung" na jao: khao: ngo" mae byu ngug xe qae: cao" nae" cao" khyao jin kham ngaid: .22 Naonhaung" taung yo , yo thaung: mae gaug yaid: re ajheim ajhe' khain mae" shao" sho' magai: yaid , gaug qab: zhang" re gyo" dang: ru re gaug gyo" magai: gaug nae". Ai wa sho: jhin mo, gyaung: su: bang" vo qe: tau: tang" to: ca". Ngo wa naonhaung" Mo"so ngaid: ga: mho: ra".23 Moshe re asang dam: mho: ru wa , Israel amyu" zo: qe re ceru: ein: ta" kyo:24 wa, . – Naonhaung" lho" mo" nhaid' khye' mae sao qhid' ba mae labo" maid poe shao lho" ham phaung re kaid' ra" yaug yo za:25 na nae" dug no: ba ngaid: ra". – Myid kin: mau" magai: kaid' , asang re myi" yang caung da" xeim: qhu" ca" nae" ga: mho: ra".26 Dam: dalhang asang Moshe re mho: ru27 wa – lho" mo" nhaid' khye' khye' daxe ba: ne, wa qobo khyaid' ba na, shao lho" ham phaung kaid' ra" ba na ngaid: ra". Mazai" nghung: lo: cao" ca". asang re myi" yang28 caung da" xeim: qhaug' ca" genae". – Ai: ba: ne, mae pe" mau" re: magai: zaui: nae". Naonhaung" asang Mo"so: qhid' kheim: mae yao: yao" qobo khyaid' ru re kaid'29 nae" ba na ngaid: . – Ai: ba na mae yao: yao" nhag' lam: manyham: khyo" ra" yaug wa yao" amyu" mae" jao khae qab: pye' ru30 qhug' nae". – Ai: ba na mae mau" daja: ja: re zaui: so" ra" yaug re wa yao" amyu"31 mae" qab: lhaui" pye' nae". – Pe" ja" mau" re: magai: zaui: nae", naonhaung" na jao: khao: ngo" mae naonhaung" amyu" byu ngug xe qae: cao" pyang" nae" khang" dao:32 ngaid: ra". – Ai: ba wa yaug yo za: na nae" ba na nhag' lam: nyham: khyo" nae" ba na ngaid: . Gug ba ein: ba myi" thao mae" qhid mung: thao: ba: ne, joe" sho' dug no: ca" genae" ga: mho: ra".33 Moshe re asang dam: mho: ru wa –34 Israel amyu" zo: qe re ta" kyo: nae" ru wa , naonhaung" lho" mo" nhaid' khye' daxe: ngo" ba: ne, mae" qhid mung: nhaid' ba lam: lam: asang: tau: khin jhaung poe"35 kaid' ca" genae". – Sao qhid' ba mae shao lho" ham phaung kaid' ca" nae". Mau"36 magai: zaui: nae". – Nhaid' ba lam: lam: asang re myi: theim" ngaui" ru kaid' ca" nae". She' ba ein: ba mae re: shao lho" ham phaung kaid' mung: asang re myi: theim" ngaui" ca" nae". Gekai: lai ham phaung mung: myid kin: mau" zo" magai: zaui: nae".37 Ce jham wa asang: dug no: ba , asang38 re qhaug' ra" aung lam. – Dao: thang" we' tin" ra" caung da" xeim: , yao: za: yao: caung da" ra" xeim: mae" getau: ba na khao: ngo" mae myi" yang caung da" ru phaid' ngaui" xeim: gaug zo: xeim: , caung da" xeim: , vhe' sheim" caung da" ru re zaui: so: nae" shao lho" ham phaung: ra" asang: poe jham ngaid: ra".39 Ai mae" getau naonhaung" qho vo: bin: jham: thao lho" mo" nhaid' khye' khye' daxe: ngo" ba: ne, mae" qhid mung: nhaid' ba lam: lam: asang: poe kaid' ca" genae". Sao qhid' ba we' she' ba: ne, mae dug no:40 ca" genae". – Sao qhid' ba mae gai: thao" ra" shi: , xaung" pa kyao jam gae ru" ru avho' maung" ra" sag' kaung akyao jham yu mung: naonhaung" asang Mo"so: qhid' kheim: qi sam: su kaid' na nae" ngaid ko"41 ra". – Ai: poe re dazin mae nhaid' ba lam: lam: asang: tau: mae kaid' na ca" genae". Naonhaung" amyu" byu ngug xe qae: kaid' cao" na nae" cao" khyao ngaid: . Ai: poe re lho" mo" nhaid' khye' ein: khye' mae kaid'42 ca" nae". – Israel amyu" zo: qe re Egutu mang: mae" jhui" phao: thug' lo" ra" au: sag' kyao khin zaung mae na: lai: lo: ru re naonhaung" amyu" zo" qae: myid: xag' mae43 ba: xam" to: nae" akhyo – Israel amyu" zo: qe alhab' wa sag' kyao khin zaung mae nhaid' ba lam: lam: na: bam ca" nae". Ngo wa naonhaung" Mo"so asang ngaid: ga:44 mho: ra". – Moshe re: asang: poe jham re Israel amyu" zo: qe re dam: ta" kyo" ra".