1 Dam: dalhang asang wa Moshe re Sina,2 bam dao mae mho: ru wa – Israel amyu" zo: qe re ceru: ein: ta" kyo: wa, naonhaung" wa Ngo byid' ra" mang: din" khyo joe" lo" au: ai: mang: din" wa asang: tau: mae dug3 no" ru vao ca" genae". – Khyaug' zin zaui: zo: mung ve, nae" we' sabyi' khyae kaid' mung: qhovo: qhoshi: jham" yu: na genae"4 ngaid: ra". – Nhaid' zin ein: zin wa asang: tau: dug no: zin na ngaid nae". Damang: din" geim" yaug yo za: na mung: dug no" ra" zin ngaid nae". Taung yo yothaung: magai: kaid', sabyi' khyae re: gai: shaung5 nae" mangaid: . – Taung yo yothaung: mae qao: baid: yaug: li" ra" kyo" shi: re lhao" magai: jham" yu nae" manyhang" shaung: ra" sabyi' khyae mae" ashi: re re: magai: phyo' yu nae". Damang: din" geim" yaug yo6 za: na nae" zin na ngaid: . – Ai: mang: din" dug no: zin mae" yao: za: yao: thug' zaui" li" ra" kyo" shi: wa nao yao: mae" dadu ni" jeim myhi" jeim pho", o: kaung we' bang"7 vo qe: zo: pho: , – ni" mang: din" mae na: ra" gug' nyhug' zoqhid jham: zo: pho: boe" veshao: .8 Dug no: zin na nhaid' lhang nghe' mung: nhaid' zin zin mung: nhaid' lhang9 ga" ra" byid xe: gug zin ein: zin mae – lho" mo" nhaid' khye' khye' daxe ba ne, qobo khyaid' ru kaid' ra" ne, mae damang" geim"10 labo" maid: yhai: ke' nhao ca" nae". – Ngo" xe zin ein: zin re shao gyang" veshao: damang: geim" mae" mang: byu qe re loe, beim nae" akhang" re hau" kyo: ca" nae". Ai wa naonhaung" tau: mae" labo" maid zin na ngaid: mung: byu yaug nge, yao: yao" mug: myid yao: yao" sang: tin: qe jhao"11 dam: qo" phao gezai ngaid nae". – Ngo" xe zin ein: ra" zin wa labo" maid zin na ngaid: ra" ru mung: mau" magai: zaui: qao: baid: yaug: li" ra" ru re lhao" magai: yaid: yu nae". Manyhang" shaung: ra" sabyi' khyae mae" ashi: re magai: phyo' zo: nae". –12 Labo" maid: ra" zin wa shao gyang" ra" zin ngaid: ra" mathao taungyo yothaung: mae" qo" ra" ashi: anhae re gai: zo: genae".13 Labo" maid: ra" zin mae yao: yao" mug:14 myid khyo gai: phao nae". – Naonhaung" yao: cao: zai vai zai aung" ru mae dayaug we' dayaug deim: so: zag magai: kaid'. –15 Ni" yham kyo: cao" khyae yo thaung: nao vai ngaid qere: yao: nao re aung: byid: qere: dam: joe" lo nae" labo" maid poe ayo, re qug: qu" mung: gau jho" ta" dang ca"16 genae". – Zin na ayo, myao" shi" re myao" shi" khyo: mamyao" re mamyao" khyo: gau re do, do, gyo" gyo" ngaid zai ngaid: ra". Pe" mung: ein: qhovo: khyo" nae" zin na re cao" yang: ashi: re aung" ru za: ngaid:17 ra". – Naonhaung" dayaug we' dayaug magai: jho" vhain" zo: mo, naonhaung" Mo"so re gyaug ca" nae". Ngo wa naon- haung" Mo"so asang ngaid: .18 Naonhaung" Nga" mho dao: re cao" pyang" ko" re wa ai: mang: din" mae ngaui19 pyo: yaug yotaung" qo" na genae". – Nao- nhaung" mug: myid re: gaug zo maui: lam: mo byid: mung: gyi: gyi: baug baug qhug'20 zo: qhug' shaug' na: li" genae". – Nao- nhaung" wa nhaid' zin: khug mae pe" zo: zai i"? taung yo , yothaung: re: gai: kaid' ru mangaid: , qhovo: qhoshi: jham" yu nae" re: majo, ga: myid genae".21 Khyaug' zin ein: ra" zin mae Ngo naon- haung" re min byid: nae". Ai: zin mae sam zin: tau: mae" gaug zo maui: lam: la laug22 nhao nae". – Naonhaung" wa she' zin mae taung yo yo thaung: kaid' mung: gug zin ein: zin mae qhovo: qhoshi: jham" yu: ra" ayo, joe" sho' gaug xug' maui: xug' re zo: shaug' na genae".23 Mug: myid re su apyaid ato: sang nae" khyo" magai: aung: nae". Mug: myid wa Nga" re" ngaid:. Naonhaung" wa Ngo mae li" lhau" na: bang" vo qe ngaid ko" ra". –24 Naonhaung" mug: myid qo" ra" jo, qo khyi" khao: ngo" dam: she, dam: khyaid' yu25 nae" ru re to" to: ca" genae". – Ni" mao: nhaung: pho" myaung sho: yang: yao: qo" ra" myid gaung dakhyae: aung" pye' ngaid: re yao: we' jhao" ra" mao: nhaung: pho" wa aung" pye' va" ru re bao" khyaid'26 yu byid: ca" nae" ngaid: ra". – Ai: mug: myid re bao" khyaid' she nae" byu mabo mung: aung" ra" yaug yao: ngaui the' qho27 mung: khyaid' yu nae" ngaid: re – azhao: mae" myid gaung dam: the' yu nae" tau: mae" aung" pye' ra" zin: na re nghe' qug: qu" yang: ca" shi" ra" aphug' ngaui re vai:28 ra" yaug re dam: byid: ca" nae". – Madam: qo" khyaid' yu ngaid: re wa vai: ra" yaug: lo, mae labo" maid zin na joe" sho' vai: ra" yaug: lo, mae jo: na shao: . Labo" maid poe zin na re kam" wa azhao: mae" myid gaung sang: lo, mae dam: qhaug' byid: ca" nae".29 Byu dayaug yaug vo kham" kyae" ra" vomo" khug mae" yham re yham sang yao: aung" ngaid: re dazin: aqho" mae dam: khyaid' yu nae" akhang" jo, ca" nae". –30 Dazin: aqho" mae maqo" dam: khyaid' yu lo: ngaid: re ai: yham re vai: ra" yaug we' yao" zo: myid: qe apyaid ato: sang genae" ngaid: . Labo" maid poe zin na joe" ngaid31 qere: lhag' ke' lo: zai: mangaid: . – Vo kham" makyae" ra" vo mae" yham re wa yo yothaung: we' dakhyo: ngaid mung: dam: khyaid' yu nae" akhyo jo, shi: nae" labo" maid poe zin joe" lao" dam: byid' pye'32 ca" nae". – Ngaid qere: Levi' amyu" zo: qe: vogaung: we' yham jham re kho-au: khoyo, mae ngaid qere: khyaid' yu nae"33 akhyo jo; ra". – Levi' amyu" zo: qe sang: ra" vo re re: , yham re re: , su geje vai ko" re labo" maid poe zin na joe" ra" au: dam: byid: ca" nae". Khoru: ein: re, Israel amyu" zo: qe mae Levi' amyu" zo: qe wa yao: bam sang: ra" vo , yham mae" lai mung: getau:34 jo, nho" dai kham maqo". – Ngaid: qe re Levi' qe: vo lhang" mae jo; ra" khyae yo thaung: jham re magai: aung: apyaid ato sang geshao: .35 Ni" sang: tin: mao: nhaung: myaung sho: mung: qam: o: mabo: byaug ngaid: re nao yao: re bao" thaug' ca" nae". Getau: amyu" khug ngha bang" vo re re" ru: nao36 yao: re qu" gam caung: na ca" nae". – Yao: mae gau pai: abai: magai: yu. Ni" mao: nhaung: pho" nao mae qo" na sho' Mo"so re37 gyaug phug' wa, . – Gau pai: abai: re myo, no, mung: ngaui re re: zo: pho: re re: yao38 mae magai: jhid' shai byid: nae". – Ngo wa Khanain: mang: re naonhaung" re byid: mung: naonhaung" Mo"so asang boe" nae" tau: mae" Egutu mang: mae" jhui" thug' lo: ra" naonhaung" Mo"so ngaid: .39 Ni" mao: nhaung: pho" saung" myaung sho: mung: yao" gaung nao re li" aung" re daui nhao jeim re" ru: gai: nhao zo: nae"40 mangaid: . – Yao: wa o: kaung re" ru: , bang" vo re" ru: labo" maid poe zin na joe"41 sho' nao re zaui: zho: veshao: . – Ai: zin na joe" lao" zo: dau qe we' daga" thug' mung: qhid' phyao: mae" yao" phug' phyid' we' yao" myhi" pho" qe: mug: myid khyo dam:42 lo" veshao: . – Khoru: ga" re: yao: bam wa Egutu mang: mae" ngo khyi: jhui" lo: ra" Nga" daui mung mo, ngaid mung: daui daui jeim boe" nae" khyo" magai: aung: . –43 Nao yao: bam re ashid ano: magai: nhao zo: nae" ni" Mo"so re gyaug phug' ca"44 nae". – Nao nhao zo: nae" ra" jeim , jeim myhi" jham re ni" avai: ayae mae na: bam ko" ra" malam khug mo, jham mae" vai: yu wa, .45 Ai mae" getau , naonhaung" jhao" li" khug ngha: na ko" bang" vo qe re ngaid ngaid naonhaung" mang: mae li" khau: ra" zo: dau qe re ngaid ngaid vai: sang: yu46 ge, . – Yao: bam wa jeim: zo: dau qe ngaid mung: naonhaung" we' naonhaung" zo: dau qe: khyao kham khyao khae: khyo" apyaid ato gai: jeim zo: genae" ngaid: ra". Ngaid qere: mao: nhaung: ngaid: ra" Israel amyu" zo: qe mae" ngaid: re ashid ano: magai: jho" nhao zo: nae".47 Ni" nhae mae li" bang" na: ra" byu bang" wa ngaui hhang qo" mung: ni" nhae mae na: ra" ni" mao: nhaung: myaung sho: qhug' mung: ai byu bang" jhao" mangaid: lao" yao" sang: tin: jhao" mae yao" gaung48 re aung" ngaid: re – Aung" bin yang: re: dam: khyaid' she: yu nae" akhyo to" to: ca" genae". Yao" mao: nhaung: dayaug yaug yao: re khyaid' she: yu genae" ngaid: ra". –49 Yao: phomo" yao: gain yao: mao: yao: nhaung: khoyaug ngaid qere: khyaid' she: yu ca" nae". Yao" gaung yao: gai: boe" re50 yao: re yao: khyaid' ca" nae". – Jeim sang we' jeim doe, yaug wa yao" gaung aung" ra" ba na mae labo" maid poe joe" aqho" gyo: mae" zin na re nghe' qug: qu" mung: khonho" zin ngaid: re khonho" zin tau: gau jho" toe' to: ca" genae". Yao: o: kaung kaid' ra" ba na re nghae" qu" mung: gau phyid'51 zai ngaid genae". – Labo" maid poe zin na majoe" shi: re zaui: zho" lo va" zin na jham52 re nghe' qug: qu" yang: – zaui: zho: ca" shi" zin na mae cao" yang: khyaid' yu nae" gau jho re vai: ra" ngaui dao mae" she: pye' mung: dang: ra" gu: dam: xe' ca" nae". –53 Ai: yaug wa dazin we' dazin mae o: kaung re" ru: na: na ca" nae". Yham sang wa ni" qhid' kheim: mae ashid ano: gai: nhao zo:54 nae" mangaid: . – Ai re" ru: maqo" khyaid' she: yu ngaid: re labo" maid poe joe" ra" au: yao: re myi: zo: qe we' daga" lhoe' nhao:55 ke' ca" nae". – Khoru: ein: re Israel amyu" zo: qe wa Nga" daui mung mo, ngaid ko" ra". Egutu mang: mae" Ngo jhui" khyaid' jhui" lo" ra" Nga" daui daui mo, ngaid ko" ra". Ngo wa naonhaung" Mo"so asang ngaid: .