1 Dam: dalhang asang wa Moshe re2 mho: ru wa – volo seim zaung mae sagso: bain" re kyo: to" pin: lung: ngha shaid' myi: baung: kai: tao" mae masham lo: myi: te' nae" tau: Israel amyu" zo: qe Zhainlun: xau agyang" nao jhao" ci: zang" li" genae"3 tau: mae ta" ke' wa, . – Arun: re: myi" thao: yo, mae" ne, seim joe" sho' asang: qhid' kheim: ai: mau" re zaui: so: nae" ngaid: ra". Nao-nhaung" amyu" aqae: qae: mae zaui" cao" ye" lo" nae" cao" khyao4 ngaid: ra". – Shao lho" ra" myi: tao" myi: keim jham re Arun: wa asang: qhid' kheim: mae malam: lai: nyhang" caung: na ca" nae".5 Nao wa cinmain" phaui: nhug yu mung: cin: main" dathaung: re shid' thaug' pyid' yang cinmain" daxe: shid' thaung:6 kaid' bin lao". – asang: qhid' kheim: shao lho" ra" gai" dao mae cinmain" dathaung" dao mae dathaung: re zhao" mung: dabam mae khyaug' thaung: shid' bam zhao" ca"7 nae". – asang re myi" yang qhaug' ra" jhaung qhu" ga: beim: so" na byid: nae" tau: ai: cinmain" shid' bam zhao" to" ra" dao mae gyang" ra" Lo:bain: re kai" to:8 nae" ngaid: ra". – asang: dao: thang" we' dakhyo: Israel amyu" zo: qe: lo, mae" yu: ra" ai: cinmain" re Arun: wa dug no: ba khao: ngo" asang: qhid' kheim: malam: lai: nyhang" caung yhaung" to: nae" ngaid:9 ra". – Ai: cinmain" re Arun: we' yao: zo: qe gai: yu nae" ngaid mung: shao lho" ra" jo, qo mae zo: ca" genae". asang re myi" yang qhaug' ngaui" ra" jhaung qhu" gu: mae" ai: cinmain" wa asang malam: lai: lo" dao: thang" we' dakhyo: Arun" tau: shao lho" thao" ru ngaid: ga: mho: ra".10 Ana" Egutu yaug gai wa Israel myiqe: yu mung: Israel amyu" zo: qe we' daga" cao" lo: ra" yao: zo: dayaug wa vo khug mae Israel byu dayaug we' jho" byo,11 yang: , – ailao" ai: Israel myiqe: myhi" yao: zo: ai: mang khyao: re jung" khyoe' ru we' nhang" ra". Ai: yaug: yao: myhi" wa Dain: amyu" Dabri' yao: zo: Shelomi ngaid: ra". –12 Ailao" ai: yaug re Moshe jhao" taui" she: li" mung: asang: nhaid' thoe the' gyo: yo, joe"13 sho' kyam: xao" to" ako". – Ailao" asang wa Moshe re mho: ru wa nhang" ra" yaug re vo yae khyo she: thug' mung: ,14 Yao" dao: re the' gyo" ra" mo, alhab' geim" yao" au: dao mae lo, kai: bin lao" volo byu alhab' laug baui: yang ceim"15 pye' se' geshao: . – Ai mae" getau Israel amyu" zo: qe re ceru: ein: ta" kyo: wa, yao: yao" Mo"so re nhang: myain" nhang: thoe mung: ra" yaug wa yao" qobo yao:16 phau: veshao: . – asang: mang khyao: re zai" shaid' ra" yaug wa dang dang shid: ru qhug' nae". Volo byu qe alhab' ai: yaug re laug baui: yang gai gai: yao: pye' se' genae" ngaid: ra". Israel amyu" mae" ngaid qere: , getau: amyu" ngaid qere: asang: mang khyao: re jung" khyoe' ra" yaug se' pye' ru17 qhug' nae". – Byu re se' yaug re: dang dang se' pye' ru qhug' nae".18 Gug' nyhug' re se' ra" yaug re: , dadau:19 mae dadau: dam: xe' ca" nae". – Yham kyo: cao: re no sho' kaid' ra" yaug re: ai: re"20 ru: kaid' ru phau: nae". – Qug: khyug' ru re qug: khyug' ru , myo, phaug' yaug myo, phaug' ru , zaui khyug' yaug zaui khyug' ru, su re no sho' kaid' ru we' daru: za: yao:21 yao: no sho' ru phau: nae". – Gug' nyhug' se' pye' byid: yaug wa dadau: mae dadau: dam: byid: ca" nae". Byu re se' ra" yaug wa22 se' pye' ru qhug' nae". – Yao: yao" amyu" ngaid qere: getau: amyu" ngaid qere: tarha" dalam" yang za: dao: phyid' ca" nae". Ngo wa naonhaung" Mo"so asang ngaid: ga: Moshe re mho: ra".23 Israel amyu" zo: qe wa nhang: myain" nhang: thoe mung: ra" yaug re vo yae khyo she: thug' mung: laug baui: yang ceim" pye' ca" ga: Moshe mho: to: va" ru mung: asang wa Moshe re pin: to" ru we' dakhyo: yao: bam kaid' ko" ra".