1 Yao: dam: mho: ru wa xaosu byu we" nao myao: ja: re zo: wa, . Ce: tung" dang: re zo: mung: Israel amyu" zo: qe re ye: ta" kyo: wa, ga: mho: ru we' dakhyo: ,2 Ngo nhaid' ho" ke' re ai: tung" dang:3 ngo re zo: nhao: ra". – Xaosu byu we" ngo byid' ra" ce: tung" dang: re zo: yang: vae: dug: zai" pyang" wa, ga: mho: ru we' dakhyo: ngo zo" re byo: yhid ru: cug: myho'4 ra". – Dam: dalhang xaosu byu we" Israel amyu" jham jhao" ye: mung: nga" dao:5 re ye: ta" kyo: wa, . – Nao maba mase" myain" maba: gyo" ra" mo, jhao" ngo nao re nhao: ru mangaid: . Israel amyu" jham:6 na jao: khyo nhao: ru angaid: . – Getau: myain" thoe we' ba qug' ra" mathao nao maba: gyo" ra" myain" jhau mo, jhao" nao re nhao: ke' ru mangaid: . Kho khoru: ai bam jhao" nhao: ke' ngaid: re yao: bam7 ni" dao: re tae" gyo" li" genae". – Israel amyu" jham wa ni" dao: re matae" gyo: . Nga" dao: re lao" matae" gyo: ko". Israel amyu" qe wa myo, qho' mabo: ru we' au:8 qao mo, ngaid ko" ra". – Ngaid qere: yao: bam: myo, nho nga: lao: tho' mae ni" myo,9 nho nga: lao: re qao nhao nae". – Ni" myo, nho nga: lao: re laug baui tho' maka" laug qhi tho' je: qao nhao nae". Yao: bam wa tau: lhain: ba: ra" amyu" ngaid mung: nao dagyaug. Yao: bam: myo, phung" re qu" yang: nhag' lam: dabyo, ga: mho: ra". –10 Xaosu byu we" nao re ngo ta" nae" dao: kheim: jham re tae" gyo: mung: nhag'11 khug mae xam" to: wa, . – Sham" pyaung" jhui" lo: ra" ni" amyu" qe jhao" ye: mung: AsAng Mo"so mho: ra" ein: yao: bam tae" gyo: ko" qe re: matae" gyo: ko" qe re: ye:12 ta" kyo: wa, ga: mho: ra". – Ai: au:solo wa ngo re vo; lo" mung: nga" nhaung thao" khyo Mo"so: phung bao wa yao" jo, qo mae nga: lho" na shao: wo" ga" thoe ngo13 the' gyo" ke' ra". – Dalam: we' dalam: xo' taui" ci ko" ra" gug' nyhug' jham: daung phab' thoe re: , yao: bam: anhae mae" lhin" ce' jham: myang thoe re: yao: bam: thao khyo qi: sho' myang: ra" thoe re re:14 ngo the' gyo" ke'. – Solo wa ngo re vo; lo" mung: ngo wa myid myo: myid laug: ru we' gaung yug zo" cao" lo" va". Mo"so: lo,15 wa nga" dao mae la: sho' kai" ra". – Ngo wa sham" pyang" jhui" lo: ra" mo, na: ra" Kheba: qid yae Tela-abiba' khyo joe" ye: mung: ai mae nhaid' ba lam: lam: myid: mug' ru we' na: na: .16 Nhaid' ba lai thao Mo"so: mung dao:17 wa ngo jhao" li" mung: – Xaosu byu we" nao re Israel amyu" mae lhaug' zaung" qu" gam nae" aya: mae ngo nha: to: va" ru mung: ngo ta" peim" ra" dao: re tae" gyo: mung: yao: bam re dam: kai" ta"18 kyo: wa, . – Ngo wa makhyang: yaug re dang dang shid nae" ein: makhyang: yaug re ta" na gau nao wa yao: re mata" peim: mamho" kyang: yao" kao seim shao: ga: to" to" ngaid: re makhyang: yaug wa yao" qobo mae shid: li" nae". Yao" sa: re ngo ni"19 lo, mae" mho' nae". – Mangaid: lao" nao wa makhyang: yaug re ta" peim: mho" shid' va" ru qobo kaid' ra" mau" re re: , yao: cao" ra" khyo dang mae re: , malha" majao" lo: na: re yao" qobo mae shid nae".20 Nao kam" ni" kao re khyi: yu: ava". – Dam: dang main" ra" yaug wa lae" lo" yang: dang main" ra" khyo mae" nghung" lo" mung: shaid' nghung" na: getau re ngo wa yao" qhid' au: mae tha" lang: jao: to" to: mung: yao: shid nae". Nao yao: re mata" peim" ra" mathao ai: yaug wa yao" qobo mae shid nae". Yao: zaui" lai: lo: ra" dang main" mau" re mayhin: byid: nae". Yao" sa: re21 ni" lo, mae" ngo mho' nae". – Mangaid: lao" dang main" ra" yaug wa qobo makaid' nae" akhyo nao ta" peim: mung: yao: qobo makaid' lo: na: ngaid: re ta" peim" ra" jeju: mathao gai gai: yao: kao loe, nae". Nao re:22 ni" kao re khyi: yu: ava". – Dam: dalhang Mo"so: lo, nga" au: dao mae kai: mung: nao to" mung: din" pyaid' yo khyo ye: wa, . Ai: jo, qo mae ngo ta" kyo: nae" ga: mho: ru23 we' dakhyo: – Ngo to" mung: din" pyaid' yo khyo ye: va". Joe" ye" re Kheba: qid yae mae ngo myao: qu" Mo"so: phung bao ye; na: jo, mung: ngo wa goe; gam" yang: na:24 jo; . – Solo wa nga" akhug khyo vao: laung" mung: din: din: ye, nhao: ra". Nao phao: lo" wa, se, . Yham mae sae za: lo" gug' na wa, .25 Xaosu byu we" yao: bam nao re taui" yang myag: jab: ru qhug' mung: nao yao: bam mae gai: qo" su" du" qin" nae"26 mangaid: . – Nao yao: bam re mamho" shid' lo: na nae" tau: myain" maboe" veshao: ni" sho re o mae te' pye' nae". Khoru: ga" re yao: bam wa tau: lhain: ba: ra" amyu" ngaid27 ko" ra". – Ngaid qere: nao dao: jhau nae" lao" ni" nhaid' re ngo phung" nae". Nao wa Mo"so AsAng mho: ra" ein: yao: bam re ta" kyo: ca" nae". Tae" gyo: nug yaug tae" gyo: geshao:. Matae" gyo: nug yaug matae" gyo: lo: na shao: . Yao: bam wa tau: lhain: ba ko" ra" amyu" ngaid ko" ra".