Dao: Zham"-3

(SHAO GYANG" JHAM: PAUG' )

切换到福音影视网-新版圣经

  • 1 Nga" zo: we" ngo mho" shid' ra" khyo re dato" myhid' nga" khang" dao: re ni"
  • 2 aung khug mae xam" ci wa, . – Pe" mung: ein: re ai: khang" dao: wa nao re kao qhang nhao mung: yaug yo za: na gai: li" nae".
  • 3 Lam: lang" ru we' xam" mag: rure ni" lang zang: mae qui: re" ru: ve; ci wa, . Nhag' myid khug mae re: tung" to:
  • 4 wa, . – Nao airu: kaid' lao" Mo"so: qhid' kheim: mae re: byu: qhid' kheim: mae re: myo, nho nga: lao: qo" nae" jeju re qhug'
  • 5 khae: yu: li" nae". – Ni" nhag' myid mae dakhug ngha Mo"so re lam: maug yao:
  • 6 khug ngha lam jang" na wa, . – Nao su" ye" lo" ra" gau: khyo alhab' mae Mo"so re beim: so: wa, Ailao" yao: ni" gau: khyo re
  • 7 ceim" shid' byid' li" nae". – Ngo wa juyi ba yaug ngaid: ein: nao yao" gaung re damyid: jho Mo"so re gyaug phug' mung: magai: ra"
  • 8 mau" re jao" pye' wa, . – Airu: kaid' lao" ni" sho: gyi: sho: myhain jham qam: bo: li" mung: sho: qug: mae qug: khyao byang" li"
  • 9 nae". – Ni" jo, nho" we' saoqhid' mhang" ra" qhovo: qho:shi: alhab' AsAng Mo"so
  • 10 re xeim: ngaui" byid: wa, . – Airu: kaid' lao" ni" jhi mae gaug zo byang" lo mung: sabyi' pyag' xam mae re: sabyi' qang: asag'
  • 11 byang" sheim sho' qo" nae". – Nga" zo: we" Mo"so mho" shid' ru re xam" ci wa, . Ni" qobo re ceim" shid' ko" au: nhag' lam:
  • 12 dagyug: . – Mo"so wa jhid' de; ra" mo, re mho" shid' ba: ra". Myhi" pho" qere: jhid' de; ra" zo: qere mho" shid' kyang"
  • 13 ako". – Juyi re qho mung: the' ra" yaug
  • 14 wa nga: lho" ra". – Khoru: ga" re juyi re qho: xeim: ru wa ngaui re qho: ra" tho' je: gai: ra". Juyi re qho: xeim yang: je: ba: laung" li" ru wa hhang agyang" tho' mae
  • 15 je: gai: ra". – Juyi wa laug ne tho' je: phug' de; ra". Nao o: ngaui: ra" nam pe" ja: re: ai"
  • 16 we' maqo" mai qhi". – Yao" lo, yo shaid' mae kao qhang jhaung: lo, vai: shaid' mae jo, nho" dai kham we' nga: lho" jhaung: bo:
  • 17 ra". – Nhag' myid juyi wa ni" byuna ban: re ngaui bau: yaug yo nhao mung: gug:
  • 18 gam: ru qhug' nhao: ra". – Nhag' myid juyi re zaui" zag: ci: ra" yaug wa kao so' gae qo". Aire malhag' ke' ra" yaug wa nga: lho"
  • 19 ra". – Mo"so wa myidkin re yao" juyi: yang phain: to" ra". Mug: gaung rere: Yao" juyi
  • 20 laba lajhao: yang nyhang" to" ra". – Yao" ba jhao se" ru: yang no; thao" ra" jo, qo gyae" lo" nhao: mung: jham thaui: mae"
  • 21 nghin khyo" nhao: ra". – Nga" zo: we" ni" khug qag nyain: we' laba lajhao re tang za: zaui" zag: ci wa, ni" lo, mae" khonhae" re:
  • 22 dalhag' ke'. – Airu: kaid' lao" nao re nga:
  • 23 lho" ra" solo kao byid' li" nae". – Ni" gau: khyo mae nao yo yo za: su: mung: khon-
  • 24 hae" re: khyid au: mathaung: nae". – Yab qo vao lo" re gyaug mug' din ci" maqhug' lo: yab mo" myid' taung" qo" yab: li"
  • 25 nae". – Makhyang: mashab mo, jhao" laui za: joe" li" ba: ra" qug: khai: byo,
  • 26 qeim: ja: nao gyaug maca". – AsAng wa nao lam jang" khug ngha qo ngaid mung: ni" khyid re lha" mae myi" nhao nae" ma
  • 27 ngaid: . – Jeju khae: yu nae" main: qi" ra" yaug re jeju aqo" kaid' nae" ngaid: re
  • 28 makaid' lo: dana . – Ni" yham kyo: cao: ana" yao: qo" bao" nae" ngaid: re ne, mo" ba joe" sho' lao" shi: ein: khonhae" re: data"
  • 29 ke'. – Ni" yham kyo: cao: re anhaung" akhoe' dakaid' yao: wa nao re lam mung:
  • 30 ni" nhae mae na yaug ngaid: ra". – Nao re gye maekaid' yaug we' pe" si: mabo: ru myain" dajho"myo: ge, .
  • 31 Lhaid' zo: lhaid' shaug' ra" mo; jo, nho" re daqu" o: byid. Yao: bam cao" ra" gau: khyo daja: rere: daqu" o.
  • 32 Khoru: ga" re Mo"so wa nhag' lam: akaui aga: bo mo, re ca' ra". Dang main" ra" mo, kam" wa AsAng we' zam" khug na ye, nae" akhang" qo" ko" ra".
  • 33 AsAng wa makhyang: mo; jo, qo re nhang: kheim: ke' mung: dang main: mo;
  • 34 jo, qo re min byid' ra". – Gaigai: yao: ba: jung" ra" mo, re jung" byid' ra". Nhag' lam: nyham: khyo" ra" mo, re jeju byid'
  • 35 ra". – Juyi ba mo, wa myo, nho nga: qo" li" genae". Nhag' magyang: mo, wa aqho' aqhid: ru thaung" qhug' li" genae".
回到本卷目录 回到本版本目录 回到首页