1 Mo"so: yham khyo ye: gelang: ga: yao: bam ngo re mho lao" gyai ngaui bau" ra".2 Yerusalem: we" ni" kham: dung: khug mae ngonhaung" joe" na: bam va".3 Yerusalem: we" gang" tang: ra" vogaung: re" ru: ngaid: ra".4 Amyu" aboe: jham wa ai: vogaung: khyo do, lo: li" genae". Israel amyu" aboe: jham wa AsAng: mang re caung: khin"nae" tau: do, lo: li" genae".5 Ai: vogaung: mae tarha" lakin , Davi lakin re zhaug' to" ako".6 Yerusalem: vogaung: yaug yo myain cae: nae" tau: jhaung: mho' ge,. Ai: vogaung: re nhag' dag o ngaui: ra" mo, ngaui bau: yaug yo geshao:.7 Ni" vo kham" khug mae yaug yo: ru jo, shao: wo".8 Nao mae ngaui bau: yaug yo: ru jo, shao: ein: ngo naonhaung" we' banam9 sang: cao: qe: tau: ta" nae". – Ngo nhaung" AsAng Mo"so: yham re qu" mung: ni" so' ha" re ngo qho nae".