1 Ngo re bao" thaug' yu nae" ru khai: mae" thug' li" nae" laug ein: bam nyug lao phyo: khyo tau: nghao" qu" ke' ra".2 Mug: gaung we' myid gaung re phain: ra" Mo"so mae" ngo re bao" thaug' nae" khyo thug' li" nae".3 Ni" khyid' re zab: jhaid' lang: nhao nae" mangaid:. Nao re lhaug' zaung" yaug wa yab: myhid' na yaug mangaid:.4 Mo"so wa nao re lhaug' zaung" yaug ngaid: ra". Mo"so wa ni" lo, yo shaid' mae jo; ra" khug ngha jao: ba sham ngaid: ra".5 Gaigai: yao: Israel re lhaug' zaung" yaug wa yab nug nghoe" na yaug mangaid:.6 Na" gaung re ba zho: yang , myi" mae lho" bao: yang nao re the' zao" genae" mangaid:.7 Mo"so wa magai mashab: mau" alhab' mae" nao re gug: gam mung: ni" kao re lhaug' zaung" li" nae".8 Mo"so wa ana" mae" mug: khothao" myid khothao" mae nao thug' lo" vao lo nae" khyo dang re lhaug' zaung" byid' na: li" nae".