1 Ngonhaung" mae phung mabo yang:, Mo"so we" ngonhaung" mae phung bao mabo mung: AsAng: mang khyao: we' dao: so: mathao mae phung bao re za: nga: yhe' byid: wa,.2 Yao: bam: Mo"so wa khai: mae na: ra" i"? ga: getau: byumyu" qe pe" mung: ta" na: laug i"?.3 Ngonhaung" Mo"so wa mug: gaung: dao mae na: ra". Yao: o ngaui: khyo: alhab' geim" re yao: kaid' na: ra".4 Yao: bam: sulho wa ngaui re: ngaid: ra". Hhang re: ngaid: ra". Byu: lo; yang kaid' to" ru ngaid: ra".5 Ai: alho jham wa nhaid' de, qe re: maba: jhau ko" ngaid: ra".6 Myo, de, qere: mamyao , nokhye' de, qere: mathe' gyo:, nho de, qere: maba: sheim nae ko" ngaid: ra".7 Khyid' yaug ngaid qere: maba: su: , lo, de, qere: magai: zaui: ko", yao: bam: khyaung: re: thoe mathug' ko" ngaid: ra".8 Yao: bam re pyo' lhang" kaid' ra" mo, we' yao: bam lamkhug mo, alhab' wa yao: bam we' daru: za: ngaid ko" ra".9 Israel amyu" qe we" Mo"so re khug ngha ge, Mo"so wa Israel amyu" re bao" thaug' gug: gam yaug ngaid: ra".10 Arun" akaung bao: we" Mo"so re khug ngha: na ge, Yao: wa nao nhaung" re bao" thaug' gug: gam: na yaug ngaid: ra".11 Mo"so re gyaug phug' ra" mo, we" Mo"so re khug ngha: na ge, yao: wa naon- haung" re bao" thaug' yaug , gug: gam yaug ngaid: ra".12 Mo"so wa ngonhaung" re myid: beim: min byid' ra". Yao: wa Israel amyu" re min byid' ra".Arun" kaung bao: rere: min jhaung: byid' ra".13 Mo"so re gyaug phug' ra" mo, aqi: angai alhab' re min byid' ra".14 Mo"so wa naonhaung" we' naon- haung" zo: myid: qe mae na: je: na:myo: nhao: li" nae".15 Naonhaung" wa mug: gaung we' myid gaung re phain: ra" Mo"so: yang min jhaung: byid' qhug' ra" mo, ngaid ko" ra".16 Mug: gaung wa Mo"so: mug: gaung ngaid: ra". Myid gaung re kam" wa xaosu byu re byid' to" ra".17 Shid: lo" byaug va" mo, we' cae: jhug tag: jo, qo khyo gyo" lo" mo, Mo"so re qo" caung: khin" genae" mangaid:.18 Ngonhaung" kam" wa ana" mae" pyaid daedu Mo"so re caung: khin" caung: nghaui" na nae".