1 Jhaung zug: amyin" khang" dao: we' dakhyo: zaui: so: nae" jhao" li" mung: Yuda qe: gyevo qe ngonhaung" aung nae" ga: myid nghae" to" ba ayaug; tha" byaug mung: Adara ga: mang: ra" lho" mo" daxe: shid' khye' khye' daxe: sam ba: ne, joe" lao" Yuda byu qe wa yao: bam re qu" gyid:2 mo; adao qo" ug; pye' ako". – Jhaung zug: Asuru mang: din" khug mang: dau alam: lam: , avo vo mae na: ra" Yuda byu qe wa yao: bam re zag zo" lo mo, re yhin" nae" tau: zang" qham: ako". Mang: byu qe alhab' bam gyaug geyang: khag' lhao" gye3 mavae" tug' kaid' ko". – Mang: dau khao: ngo" mae ug; ra" mang: zug: qe , vo zug: qe , khaung: mhao: qe we' sin: thu qe wa Modeke re gyaug gemung: Yuda byu qe re4 bobao" ako". – Pe" mung: ga" re Modeke wa jhaung zug' vang mae ham" hung: nga: bo mung: mang: dau khao: ngo" lau dao: hau" nhao" lo" yang: daba tho' daba nga:5 qo" myhao: li" ra". – Ai: ba re Yuda byu qe gyevo qe re shae: yang se' tam" pye' mung: yao: bam re zag zo: manug kaid' mo, jhao"6 nug; khyo: yhin" ko" ra". – Shushain: vozang tau mae byu ngo" yo se' tam" pye'7 ako". – Ai tho' mago" Yuda byu qe re gye kaid' su Hamedata yao: zo: Hamain: yao: zo: jham daxe yaug ngaid ko". Parashada-8 tha , Dalaphun , Aspata , – Porata , Adalia ,9 Aridata , – Pamashata , Arita , Arida ,10 Vajezata jham re re: se' pye' ako". – Ai qere: yao: bam: jo, nho" mayu ko".11 Ai: ba Shushain: vozang tau se' pye' qhug' mo; japhin: re jhaung zug: jhao"12 zhao: kyo" ako". – Jhaung zug: wa jhaung zug: myhi" Esta: re khai mung: Yuda byu qe Shushain: vozang tau Hamain: yao: zo: daxe yaug we' byu ngo" yo se' pye' veko". Mang: din" akhug getau: vozo: vozang jham mae khoru: kaid' lo" shi: ko" laug . Nao pe" ja: mho' nug shi" ngo byid: nae"13 ga: mho: ra". – Esta: wa jhaung zug: myid: ngaui: ngaid: re wa Shushain: vozang mae na: Yuda byu qe ana" ba kaid' ru: ne, mo" ba re: Hamain: yao: zo: daxe yaug re pyao: zang tau cui" lhao" to: nae" akhang" byid:14 la, ga: mho' ra". – Jhaung zug: amyin" byid' ke' mung: Shushain: vozang tau amyin" tung" khye' be; pyo yang: Hamain: yao: zo: daxe yaug re pyao: zang tau cui"15 lhao" to" ra". – Shushain: vo tau na: Yuda byu qe re: Adara lho" daxe: byid ba re zang" qham mung: Shushain: vobyu sam yo se' pye' ako". Ai qere: yao: bam: zai16 jham mayu ko". – Mang: din" khug mang: dau alam: lam: mae na: ra" getau: Yuda byu qe wa zang" qham mung: yao: yao" kao loe, ga: gye lham: tug' se' zo" gye jham re qo" aung: pye' yang: yao: bam re gyid' mo, gu: mae" byu nhaid' tug; ngo" taung qo" se' pye' ako". Ai qere: yao: bam: zai mayu ko".17 Ai wa Adara lho" daxe: sam ba: ne, ngaid: . Ai mung: yao: bam wa ai: lho" khye' daxe: byid ba re dug no" na yang: ai: ba mae poe kaid' ru we' ngaui bau:18 taung" na ko" ra". – Shushain: vozang tau na ko" Yuda byu qe kam" wa daxe: sam ba we' daxe: byid ba re qham phaung yang: daxe: ngo" ba re dug no" ako". Ai: ba re poe kaid' ru we' ngaui bau: nhag' jo, yo na:19 ako". – Vokham" mabo: vogaung: mae na ko" Yuda qe re: Adara daxe: byid ba mae ngaui bau: ngaui lho" poe zo" ru we' nga: bo aung myaug; ba khyo" to: mung: yao: cao: jhaung qhu" jho" gae: keim" ako".20 Yuda byu qe gyevo: lo, mae" loe, beim: khyo qo" geyang: kaug' qhui khyo mae" ngaui bau: shaid' khyo , ngug byidngugnhe' gu: mae" gai: lho" nga: qo" shaid' khyo tha"21 byaug; ra" ba na ngaid: . – Adara lho" daxe: byid ba we' daxe: ngo" ba re zin qug: xam" to: yang: ngaui bau: nga: yu zo" poe kaid' ne, , ngaui pyo" ne, , dayaug we' dayaug jhaung qhu" jho" gae: ne, khyo" kaid' mung: sho: jhin mo, re nhag' myain: gae22 myho" ba poe" ke' nae" tau: , – Modeke: wa ce: akhyo tung" xam" to: yang: jhaung zug: Asuru ug: ra" mang: dau jhao" va: jo, qo khao: ngo" tau na: Yuda byu qe jhao"23 tung" khye' cao" pyo: ke' ra". – Yuda byu qe re: kaid' qhid: ru we' Modeke: mho: ke'24 we' dakhyo: khae: yu: ako". – Yuda byu qe: gyevo ngaid: Agag' amyu" Hamedata yao: zo: Hamain: wa Yuda byu qe re se' tam" pye' nae" tau: Pura ga" ra" pha" se: khyo"25 yang: juyi khyug' qe re: , – Jhaung zug: ai re ba lao" Yuda byu qe: adao makhyang" mau" yaung: ra" Hamain: yao" au: dao tug' qang: ke' nhao mung: yao: we' yao" yaug gai zo: qe wa pyao: zang tau cui" lhao" ru phau: shao: ga: amyin" tung" khye' khyo" ke' ra".26 Ai ru: mung: Pura mang cao" yang: ai shid' ba gu: re Purim ga: mhang" ra". Ai ru: mung: ce: tung" khye' tau bo: ra" dao: kheim: bin sho' ma thao: yang re: , ce: mau" akhyo yao: bam thaung" qhug' gu:27 alhab' re: , – Yuda byu qe wa yao: bam: we' yao: bam: zo: myid: qe , yao: bam: thao bocao mo, alhab' wa Modeke pin: to: va" we' dakhyo: ai shid' ba gu: re zin qug;28 khyao za: cao" na nae" khyo: , – Ai Pura ba re Yuda byu qe mato" myhid' ma phyaug' pye' lo: data mae" data , mang: dau alam: lam: , vo zo: vo zang khao: ngo" mae na: ra" yham khaung khao: ngo" wa khyao za: cao" na myid; beim" na nae" tau: khae: yu: ako".29 Ai: lao" Abehela yao: zo: jhaung zug: myhi" Esta: we' Yuda byu Modeke wa Pura poe: akhyo ce shid' lam: ein nae" tung" khye' tang: na nae" tau: kheim: so' ham"30 hung: aqi: khyo" tung" to" ra". – Yuda byu Modeke we' jhaung zug: myhi" Esta: khang" ke' mung: Yuda byu qe wa yao: bam we' yao: bam: zo: myid: qe: tau: dao: so: to" to: va" we' dakhyo: ta" phyid' to" ayo, mae zo: shaug' zang" , jhaung: mho' ru we' kaug' mo" ngug byid gyo" ru we' Pura poe ba re xam" so" jhaug' to: nae"31 tau: , – Asuru mang: din" khug mae" mang: dau dayo: shid' xe: nhaid' mang: mae na: Yuda byu alhab' jhao" ngaui bau" khyo we' dang main" ru bo: ra" tung" khye'32 zhang: vhin: pyo: ke' ako". – Esta: amyin" dao: re: , poe akhyo jham so" jhaug' tang: to: mung: ai: gu: wa ai: tung" khye' tau tung" xam" to: va".