1 Ai: boe" lo: khyo alhab' Modeke ba lao" yao" bau: lao" caid' pye' yang: myim- hab tau lhau" ra" jid; mo" bau: ve, zo" vomo" agaung: joe" ye: mung: thoe mo"2 thaid' yang: ngug; na: ra". – Jid: mo" bau: ve, yang: jhaung zug: kham: khyo khag' magai: vao qe re: yao: wa jhaung zug' jao:3 kheim: mae yao: li" ye; jo; ra". – Jhaung zug' amyin" tung" khye' joe" ra" mang: dau khao: ngo" mae Yuda byu qe zo: shaug' jao" , zag: hug' ngug , nhag' kaug' nhag' mo" gyo" ru we' nhag' ngai: na:ako". Byu myo: sho' mo; myimhab tau jid: mo" bau: ve, yang: yab; ako".4 Esta: naung cao myiqe: qe we' yao" qe, lhaug' ra" mo, ai: akhyo yao: jhao" ta" kyo: ko" mathao jaung zug: myhi" wa nhag' gyo" ngai: ru we' Modeke: ve; ci: jid: mo" bau: tha" pye' nae" tau: yao: jhao" mai bau: tha" byid' ke' qere: ma lham: khae: yu5 ngaid: ra". – Ai ru: mung: Esta: wa jhaung zug: jhaung: to" yao: re lhaug' zaung" su zhe' to" Hated re khai: yu mung: ai: akhyo pe" ngaid: laug pe" mung: kaid' laug ye myid: nhao nae" tau: yao: re Modeke: jhao"6 nhao: ke' ra". – Hated wa jhaung zug: jao: kheim: kham: dung: tau na: ra" Modeke:7 jhao" ye joe" ra". – Alao" Modeke: wa yao: qhug' ra" khyo alhab' re re: , Yuda byu qe re se' tam" pye' mung: jhaung zug' jo, nho" jhi tau Hamain: ngaui khonho" ke' nae" ga"8 akhyo re re: ta" kyo" ke' ra". – Ai: tho' mae Yuda byu qe re se' pye' nae" ga: Shushain: vomo" tau tung" pyo: ke' ra" tung" khye' Esta: re qhu" mung: yao: re nghe' kyo: nae" tau: mae" re: , Esta: wa yao: yao" byumyu" tau: jhaung zug: jhao" vao yang: bomho' vhao" nae" tau: re: , Modeke: wa tung" pyo khye' Hated lo, mae byid' ke' ra".9 Hated re: Modeke ta" ke' ra" khyo:10 Esta: re lo: zhao: kyo" ra". – Ai: mathao Esta: wa Hated khyo" yang Modeke: jhao"11 dam: nhao: ke' mung: , – Myiqe: , yaug gai khag' ngaid qere: jhaung zug: makhai: ru jhaung zug: jhao" akhug; qe, khyo vao lao" jhaung zug: ai: yaug re kao daui nhao: to: nae" tau: yao" hhang zaung: bao" maqang: ke' lao" dang za: shid nae" ngaid: akhyo tarha" jo; ru jhaung zug' sin: zo: qe we' mang: dau khug mae" byu qe alhab' bam: ba: ako". Ngo re re: ce sam xe ba aqho" mae jhaung zug: khai nae" mangaid:12 ga: dao: dam: tug' ke' ra". – Yao: bam Esta: dao: re Modeke: jhao" zhao: kyo" ako".13 Ai lao" Modeke: wa Esta: re getau: Yuda byu qe: kao maloe; ngaid: re nao jhaung zug' yham mae na qere: qo" loe,14 nae" mangaid: . – Ce au: nao sae za: na: na: re nao we' ni" amyu" ba nam qe byo; qeim mung: Yuda byu qe kao daui nae" ru , khyaid' yu: khyo zaui: so: ca" nae". Ana" au: ceru" mau" zaui: nae" tau: nao jhaung zug: myhi" boe" ru ngaid: ein: myid nghae" khyo bo: mangaid: i"? ga: dam: tug' mho:15 ke' ra". – Alao" Esta: wa Modeke: re ye"16 lo" wa , – Shushain: vomo" mae" Yuda byu qe re yekhai: qham wa, . Sam ba lam: lam: myi" na" mazo: mashaug' za: na mung: nga" tau: zo: shaug' jao" byid: gela, . Ngo re: nga" jeim qe we' zo: shaug' jao" nae". Ai: thao tarha" ngag ru boe" qere: jhaung zug: jhao" ngo vao ye: nae". Shid: ang: re shid kham nae" ga: Modeke: re dao: dam:17 byid' ke' ra". – Modeke: re: Esta: ta" ke' we' dakhyo: zaui: so" ra".