1 Ai: thao jhaung zug: Asuru wa nhag' jo, yo thao Vashti we' yao: kaid' ra" akhyo re re: , yao" adao tarha" khyo" to" akhyo re2 re: myid: beim" ra". – Alao" jhaung zug: re caung da" ra" yao" sin: zo: qe wa jhaung zug' tau: yaung" lho" ra" zomyi: cao" qho ko" ra". Yaung" lho" zomyi: pin" jham re Shushain: kho" vang mae" myiqe: qe: na3 yham tau khai: qham: to: mung: , – Jhaung zug: vang myiqe: qe re ug: ra" Hegai lo, mae qhaug' nae" tau: mang: dau khao: ngo" mae lau: de, jaung: to: ge, . Shao kyang"4 nae" tau: mocid' aja: ja: byid: ge, . – Jhaung zug: je: o: ra" zomyi: pin" re Vashti atha" jhaung zug: myhi" kaid' shao: ga: yao: re ta" ako". Jhaung zug: wa ai: akhyo myid vang" mung: ai re zaui: so: nhao: ra".5 Ai: ayo, Shushain: vang tau Benyamin: kaung Kisha kaung , Shimi yao: myid: Yaira: yao: zo: Modeke: mang: ra" Yuda6 byu dayaug na: ra". – Ai: yaug wa Yuda jhaung zug: Yekhonia we' daga" Babilon: jhaung zug: Nebukhaneza: yang taung" lo: ra" Yerusalem: mae" kyam: lhaung" qhug'7 ru mae bobo su ngaid: . – Yao: wa yao: phomo" yao: zo: Hadasa mang: ra" Esta: re khau: qhi" yu: ra". Ai: myiqe: zo: wa myhi" pho" maqo" , yaung" shab dau de, taung" ru ngaid: . Yao" myhi" pho" shid; byaug thao Modeke: wa yao: re yao: zo: gyang" khyo" khae: yu: ra".8 Ana" jhaung zug' amyin" dao: hau" nhao" ke' we' zomyi: myo: sho' re Shus- hain: kho" vang tau khai: qham mung: Hegai lo, mae qhaug' ko" au: Esta: re re: kho" vang khyo khai: jhui: mung: Hegai lo,9 mae qhaug' ako". – Esta: wa Hegai yang qu" dau de, mung: myo, nho qo" ra". Yao" gaung shaung yhaung" nae" tau: ci ca" zai cao jab , zo: kho we' kho" vang tau jaung: to" naung cao myiqe: nhaid' yaug re mye, za: nyhang" byid' ra". Ai: tho' mae" yao: re myiqe: zo: qe: na yham mae" je: nga: bo:10 tau khyin: nha: ra". – Esta: wa yao" amyu" we' ba nam qe: akhyo mata" thug' nae" khyo Modeke: mho: to" we' dakhyo: mata"11 lo: zug' ci: ra". – Esta: khoru: ngaid: na: ru , yao: mae pe" boe" lo nae" ru ba nae" tau: Modeke: wa myiqe: nau" qe: na yham jao: kheim: tau ne, qug: su" qin" ra".12 Myiqe: qe: akhyo khyo" to" tarha" we' dakhyo: lho" daxe: shid' khye' byang" sho' yao: yao" gaung shao kyang" nae" tau: lho" khyaug' khye' xau we' Mura , khyaug' khye' nae pyo" ja: we' myiqe: qe ci ca" shaung ja: yang bin: shaung thao zomyi: qe dayaug thao dayaug jhaung zug: Asuru qhid' kheim: vao nae" yo, joe" ra".13 Zomyi: qe wa ceru" gin cao" yang: jhaung zug: jhao" vao ko" ra". Kho" vang" myiqe: qe: na yham mae" thug' lo: au: ca" gu: ca" jhaung zug' yham gai: yu: ye"14 ra". – Myi" re vao mung: thao: ne, kao naung cao myiqe: qe re ug: ra" Shagaza jhao" tug' lo mung: shid' lam: ein: yham mae laung" na: ra". Jhaung zug: nhag' qu" thaung: yang: madam: khai khai wa thao15 re magai: vao lo: . – Yao: zo: ru: khau: qhi" yu: ra" Modeke: yao: phomo" Abihala zo: Esta: wa jhaung zug: jhao" vao nae" ayo, re myiqe: qe re ug: ra" Hage yaug yao" qhid' mae" nyhang" byid' mae" je yang: pe" re: mamho'. Esta: re myao mae" myao bin sho' yao: re qu" jhid' ako".16 Jhaung zug: Asuru tao" zaung nhaid' zin ein: zin Tebe lho" khye' re Esta: re yao" jhaung zug' yham mae jhui" vhin" yu:17 ra". – Jhaung zug: wa myiqe: zo: bin sho' tho' Esta: re je: jhid' de; ra" mathao yao: wa zomyi: alhab' tho' yao" qhid' kheim: myo, nho nga: je: bo: byaug; ra". Ai mung: yao: re jhaung zug: lhugmaug zhaung: byid: mung: Vashti atha" jhaung zug: myhi" poe"18 yu: ra". – Ai: thao jhaung zug: wa Esta: poe" ga: mang: ra" poe mo" yao" zug: ade, qe wa sin: zo: qe: tau: kaid' mung: mang: dau jham mae khang: gaug; ru khyo" pye' ru we' jhaung zug: yao" jeju kaid' yang: jhaung qhu" gae: myho" byid' ra".19 Zomyi: qe shid' lhang ein: lhang qham phaung ko" au: Modeke: wa jhaung zug'20 kham: dung: lhaug' su ngaid: . – Esta: kam" wa Modeke: yao: re khau: caung: au: mho" xeim byid' we' dakhyo: tae" gyo" na shi" ru mung: yao" mao: nhaung: qe we'21 yao" byu yug mata" thug' zug' ci: ra". – Ai: ayo, Modeke kham: lhaug' qo yu: na: yo, kho" vang myiqe: ug ngaid ko" Bigatain we' Tered mang: ra" kham: lhaug' su shid' zo: wa nhag' lam: no yang: jhaung zug: Asuru22 re se' nae" ga: phin" na: ako". – Ai: akhyo Modeke: ba byid: yang: jhaung zug: myhi" Esta: re zhao: kyo" ra". Modeke zhao: kyo" akhyo re Esta: wa jhaung zug: jhao" lau23 shid' ra". – Ai: akhyo ca: qu" re dang: ru ba lao" ai shid' zo: re sag' gae tau lao" cui" se' pye' mung: jhaung zug' qhid' kheim: mhomyi: paug' mae tung" xam" to" ra".