1 Jhaung zug: we' Hamain: wa jhaung zug: myhi" Esta: nyhang" to" poe khyo ye"2 ra". – Shid' ba ein: ba sabyi' shaug' jao: mae jhaung zug: wa Esta: re jhaung zug: myhi" Esta: we" nao pe" mho' nug; . Pe" ja: o nug: ra", mang: din" dakhyae: lao" qo"3 qhaug' byid' ra" ga: dam: ta" ra". – Jhaung zug: myhi" Esta: wa jhaung zug: we" ngo ni" qhid' kheim: myo, nho nga: bo: ru we' jhaung zug: o ngaui: ngaid: re wa ngo mho' we' dakhyo: nga" amyu" qe: kao so' daui4 nhao: to: byid: shi: la, . – Ngo re re: , nga" byu myu" re re: jhaid' za: se' tam" pye' nae" ga: aung" pye' ru qhug' bam va". Jeim myhi" jeim pho" boe" nae" tau: aung" re gyevo wa jhaung zug: akyu" yeim" nae" tau: aphug' byid: geqere: ngo sae za: na: na5 nae" ga: ta" ra". – Alao" jhaung zug: Asuru wa ai ru: kaid' nae" ga: vae" yaung: su wa khag' ngaid: . Khai: tau na: ga: jhaung6 zug: myhi" Esta: re myid' ra". – Esta: wa tau: lhain: su we' gyevo wa ce: makhyang: kaid' ru Hamain: ngaid: ra" ga: mho: ra". Ai mung: Hamain: wa jhaung zug: we' jhaung zug: myhi" qhid' kheim: mae gyaug nin"7 na: ra". – Jhaung zug: re: nhag' yo: yang: sabyi' shaug' na: mae" to" lo" mung: kho" vang khyae khug ye" lo" ra". Qobo dae byid: naeva" ga: Hamain: ba: myao mung: kao daui nhao: to: shi nae" tau: jhaung zug: myhi" Esta: jhao" mho' vhao" nae" ga: yao" qhid' kheim: to" ye, yang: mho' bain" ra". Pe" mung: ga" re jhaung zug: yao: re dae8 byid: nae" re ba yang: ngaid: . – Jhaung zug: pho" wa khyae khug mae" sabyi' shaug' qe, khyo dam: lo: ra". Hamain: wa Esta: lang: jao: yab jaung: tau gam" goe; na: ru mung: jhaung zug: wa nga" yham khug mae nga" myo, myao mae yao: jhaung zug: myhi" re gai: shaid' nae" i"? ga: ta" na: au: kao lhaug' mo, wa Hamain: myo, nghoe' byid: ko" ra".9 Myiqe: ug Hobana re: jhaung zug: re dao: gai zhao: kyo: zo" mho: ru wa Modeke: re Hamain: cui" se' nae" ga: kaid' to" ngo" xe daung" myhao: ra" pyao: Hamain" yham tau zhaug' to" ra" ga: zhao: kyo" ra". Jhaung zug: wa ai: tau yao: re cui"10 lhao" se' pye' ge, ga: amyin" khyo" ra". – Ai re" ru: Modeke: tau: ga: kaid' to" pyao: mae Hamain: re cui" lhao" to" ra". Ai mae" za: jhaung zug' nhag' lam: myain yo: lo" ra".