1 India mang: mae" ru Khusha mang: din" joe" sho' mang: dau dayo: shid' xe: nhaid' re ug: ra" jhaung zug: Asuru2 ta , – Ai: jhaung zug: Shushain: kho" vang3 tao" zaung: ru sam zin ein: zin re , – Persi , Medi zug: jham , mang: din" khao: ngo" mae" zug: mao: ade, qere khai mung: yao" khaung: mao: zug: ade, qe: tau: poe kaid'4 byid' ra". – Ai: au: ba na dayo: she' xe ba lam: lam: yao" mang: din" qi" qhang: jo, nho" jham re re: , yao" ham" hung: langa: re5 re: yao: bam re qhu" ra". – Ai: ayo, lai thao jhaung zug: wa Shushain: kho" vang khug mae" khyae mo" akhug mae nhaid' ba lam:6 lam: poe kaid' byid: shi". – Ai: mae laug phyu zang tau ngaui kheim" lhao" khyo" mung: amo, jid: mo" khyang ne yaung" ra" khyang jham we' aphyu , anyug , mug: nyhug xug' vo: pin: kyo lung: jham: yang re: lao" khao: mung: ane , aphyu , anghug , ano, xug' vo: laug pye: jham: adao mae to"7 to" ra". – Jhaung zug: da" nug; nho" jhaung zug' sabyi' magain: mago" ngaid: . Hhang khug' yang sabyi' ke' shaug' ako". Khug' jham dayaug we' dayaug ci: ru majho"8 dau sho' ngaid: . – Sabyi' shaug' ru wa li khyo" ngaid: . Khag' re re: maqaid maqui" deim" zag jhaug' ru mangaid: . Dayaug we' dayaug yao: yaug yao: o: khyo: jho" caung da" nae" akhyo jhaung zug: wa yao" ade, qe we' sin: zo: qe re amyin" khyo" to" ra".9 Jhaung zug: myhi" Vashti re: jhaung zug: Asuru kho" vang tau myiqe: qe: tau:10 poe kaid' byid' ra". – Nhaid' ba ein: ba re jhaung zug: wa sabyi' shaug' ru we' myid pyo" na: au: mang: byu qe we' zug: qe re jhaung zug: myhi" Vashti yaung" lho" ru11 myhao" qhu" nae" tau: , – Jhaung zug' lhugmaug zhaung: yang: jhaung zug: jhao" vhao" ke' nae" khyo: Mehumain , Bizta , Habona , Bigta , Abagta , Zeta , Kakaid' ngaid: ra" zhe' to" myiqe: ug nhaid' zo: re12 amyin" khyo" to" ra". – Ai qere: jhaung zug: myhi" Vashti wa myiqe: ug byu jham ta" ra" amyin" dao: matae" gyo: ha: pye' mung: maye: lo: na: na: ra". Ai ru: mung: jhaung zug: gyai nhag' yo" ru we' kheim zhau: na: ra".13 Ai mung: jhaung zug' qhid' kheim: mae khyao za: bo: na: ru we' tarha" li ba: ra" Persi , Medi mang: mae gyai khye' ra" juyi bo mung: ayo, adau ba: kho' khaui"14 zug: nhaid' yaug ngaid ko". – Karsh- ena , Sheta , Adamata , Tashisha , Mered , Matena , Memukan gu: re khai: yu mung: jhaung zug: qham phaung li we'15 dakhyo: , – Jhaung zug: myhi" Vashti wa myiqe: ug qe: dao: thoe: yang jhaung zug: Asuru amyin" dao: re ha: pye' va" mathao tarha" li jo; we' dakhyo: yao: re khoru: kaid'16 nae" ga: yao: bam re myid qu" ra". – Alao" Memukan wa jhaung zug: we' zug: ade, qe: qhid' kheim: tau jhaung zug: myhi" Vashti wa jhaung zug: re za: shaid' ru mangaid:. Jhaung zug: Asuru ug: ra" mang: alhab' mae na: ra" zug: qe alhab' we' mang: byu17 qe re re: shaid' va" ra". – Jhaung zug: Asuru wa jhaung zug: myhi" Vashti re yao: jhao" vhao" ke' ge, ga: khang" to: qe re: yao: mali" ana: to" ru mang: khao: ngo" hau" nhao" lo" yang: myiqe: qe the' gyo: lao" yao: bam wa yao: bam: yham sang pho" qe re maphug'18 makhyaid' kaid' lo zai ngaid:. – Jhaung zug: myhi" kaid' ra" khyo Persi , Medi zug: myhi" jham ai: khyo the' gyo: lao" yao: bam re: ai we' dakhyo: zug: ade, qe re tau: lhain: mung: nhag' yo: nhag' thaung" kaid' li" lo19 gezai ngaid: . – Jhaung zug: myid: ngaui ngaid: re wa thao phyao: Vashti wa jhaung zug: jhao" maqo" vao lo: nae" tau: amyin" khyo" ke' wa,. Malam: lai: lo" tarha" jo, nae" tau: Persi we' Medi tarha" paug' tau tung" xam" to: wa,. Vashti tho' gai: ra" myiqe: re jhaung zug: myhi" khyin to' wa,.20 Alao" jhaung zug' khang" to" amyin" dao: re qi" qhang: ra" mang: din" geim" ngae sho' hau" nhao" ke' au: myiqe: alhab' bam: yao: yao" yham sang pho" nga: bo , mabo ngaid qere: phug' lo genae" ga: zhao: kyo"21 ra". – Ai: dao: jhaung zug: we' zug: ade, qe gyo" ngaui geyang: jhaung zug: wa Memu-22 kan zhao: ru we' dakhyo: kaid' ra". – Yaug khao: ngo" yao: yao" yham re ug: gam nae" we' yao: yao" myain" thoe jhau: na nae" tau: mang: khao: ngo" mae" acao ajab; myain" khyo" yang jhaung zug: ug: gam: mang: khao: ngo" ngae sho' amyin" tung" khye' re hau" nhao: pyo: ke' ra".