1 Ai: thao jhaung zug: Asuru wa Agag amyu" Hamedata yao: zo: Hamain: re tau: to' mung: yao: mae na: ra" khaung: mhao: qe alhab' bam: adao mae khyin: nha: to"2 ra". – Jhaung zug: wa yao" akhyo amyin" khyo" to" ru mung: jhaung zug' kham: tau na: ra" sin: zo: qe bin sho' mo, gam" goe;3 yang: Hamain: re pa" ako". – Modeke: kam" wa magam" mapa". Ai ru: mung: jhaung zug' kham: tau na ko" sin: zo: qe wa nao pe" mung: jhaung zug' amyin" macao"4 ga: Modeke: re myid: ko" ra". – Yao: bam ne, qug: myid' qu" qe re: yao: ai bam: dao: matae" gyo" mathao Modeke: kaid' mau" dau , madau: ru qo" ba nae" tau: yao: bam Hamain: re ye zhao: kyo" ako". Modeke: wa yao: Yuda byu ngaid: ra" khyo yao: bam re5 ta" kyo: va". – Modeke: magam" mapa" ra" akhyo Hamain: the' myao lao" gyai nhag'6 yo" ra". – Yao: bam Modeke: amyu" akhyo Hamain: re ta" kyo: va" mathao Modeke: dayaug re za: se' re nhag' matho' shid yang: Modeke amyu" ga: mang: ra" Asuru mang: din" geim" tau na ko" Yuda byu alhab' re se' tam" pye' nae" yaung: na: ra".7 Ai ru: mung: Asuru tao" zaung daxe: shid' zin , Nisain lho" ngaid: ra" sao qhid' khye' mae" Adara lho" ngaid: daxe: shid' khye' ein: khye' joe" , ne, khao: ngo" , lho" khye' khao: ngo" Hamain: qhid' kheim: Pura ga" pha" se: gae: khyo" na:8 ako". – Hamain: wa jhaung zug: Asuru jhao" vao mung: jhaung zug: we" ni" mang: din" mae" mang: dau khug alhab' mae byumyu" damyu" ze: jo; ra". Yao: bam li mo, je: amyu" we' madau , yao: bam jhaung zug: amyin" dao: magyo" cao" ko". Ai ru: mung: yao: bam: na: jo; ru wa jhaung9 zug' tau: pe" akyu" mabo. – Ai mung: jhaung zug: nao myid vang" ngaid: re yao: bam amyu" se' tam" pye' nae" amyin" khyo" la, . Ngo lam: jhaung zug' jo, nho" jhi mae ke' to: nae" tau: jhaung zug' mau" vin mo; lo mae ngaui khug' datid qhaug' nae"10 ga: mho: ra". – Jhaung zug: wa ai: ngaui11 khug' jham re ngo nao re byid' ra".– Ai: amyu" qe re nao nug: khyo: kaid' nae" tau: ni" lo, mae qhaug' ra" ga: lo, pin: re khyaid' yang: Yuda amyu" qe: gyevo ngaid: ra" Agag amyu" Hamedata yao: zo: Hamain: re byid' ra".12 Alao" jao" sao qhid' khye' daxe: sam ba: ba re jhaung zug' sin: thu qe re khai: yu mung: Hamain: amyin" khyo" ke' we' dakhyo: ade, qe , mang: dau zug: qe , byumyu" ade, qe re yao" mang: dau mae" jhau myain" khyo" cao" yang: myain" cao jab khyo" tung" khye' gae: pyo: ke' ra". Jhaung zug' Asuru kheim: so' khyo" tung" yang: jhaung zug' lo, pin" yang so:te, be;13 te' ke' ako". – Adara lho" khye' mang: ra" daxe: shid' khye' khye' daxe: sam ba: ba re yao: Yuda byu alhab' ngai qi: , zoshao myiqe: alhab' re jhaid' za: se' tam" pye' mung: yao: bam: jo, nho" azai: akho jham sham" yu nae" hau" khyo" ke' ra" amyin" tung" khye' jham re tung" khye' dai" mo; lo, khyo" mang: dau alam: lam: khyo pyo: ke'14 ko" ra". – Byumyu" khao: ngo" ai: ba jin" jin" ngaid: na shao: mang: dau khao: ngo" mae" byumyu" khao: ngo" tau: hau" nhao:15 ke' ra" amyin" dao: kheim: ngaid: . – Ai: tung" khye' Shushain: kho" vang" yham qo" the' gyo: lao" jao" jhaung zug' amyin" dao: we' dakhyo: tung" khye' dai" mo, mye, za: ye" lo" ako". Jhaung zug: we' Hamain: wa sabyi' daga" shaug' na: ra". Shushain vomo" khug mae wa nhag' kyo: gyae: na: ako".