1 Ai: ba re yao: jhaung zug: Asuru wa Yuda byu qe re gye kaid' ra" Hamain" yham re jhaung zug: myhi" Esta: re byid' pye' ra". Esta: jhaung zug: re Modeke: we' yao: khoru: tin: te' khyo zhao: kyo: yang: Modeke: jhaung zug: jhao" qo" vao:2 ra". – Jhaung zug: re: Hamain: mae" dam: yu: to" lo, pin: yao" lo, mae" khyaid' yang: Modeke: re byid' ra". Esta: re: Hamain" yham re Modeke: jhao" byid' ra".3 Dam: Esta: wa jhaung zug' khyid qao: gam" goe; yang: Agag byu Hamain: Yuda byu qe: dao myid: yaung: to" tau" da re qab; pye' byid: shao: ga: ngug byid we'4 mho' bain" ra". – Alao" jhaung zug: wa yao" hhang zaung: bao" Esta: jhao" qang: ke' mung: Esta: wa to" li" yang: jhaung zug'5 qhid' kheim: ye; na zo" , – Jhaung zug: myid vang" mung: ngo re nhag' thaung" ru we' jhaung zug: myid: ngaui mung: ngo re qu" jhid' ngaid: re wa mang: dau alam: lam: mae na ko" Yuda byu qe re se' tam" pye' nae" tau: Agag amyu" Hamedata yao: zo: Hamain: yaung: pyo: to" tung" khye' re dam: qab; pye' nae" khyo: xo' yang: tung" khye' dam: tung" pyo byid:6 la, . – Nga" amyu" dao joe" ra" kyi" khyag' re re: , nga" ba nam mao: nhaung: qe byo; qeim phau" na: ru re re: ngo khoru: ba:7 tho' qu" nae" ga: zhao: ra". – Jhaung zug: Asuru re: Hamain: wa Yuda byu qe re se' tam: nug: ru mung: ngo yao" yham jhaung zug: myhi" Esta: re byid' pye' va". Ai: yaug8 re re: pyao: tau cui" lhao" se' pye' va". – Ai qere: jhaung zug' mang khyo" tung" ru we' jhaung zug' lo, pin: dazid thaung" ra" tung" khye' re khag' re: madam: cao" gai: tam" lo" mung: naopha: myid: o: khyo: jhaung zug' mang lao: yang: Yuda byu qe: khyo tung" pyo: ke' ge, ga: jhaung zug: myhi" Esta: we' Yuda byu Modeke: re mho: ra".9 Alao" lho" sam khye' ein: nae" Sivain khye' shid' xe: sam ba re jhaung zug' tung" su qe re khai mung: Modeke: pe" mho: ke' nug; ru cao" yang: India mang: mae" Khusha mang: joe" sho' ngaid: ra" mang: dau dayo: shid' xe: nhaid' mang: tau na ko" Yuda byu qe , sin: thu zug: , mang: zug: qe we' ade, qe alhab' bam jhao" mang: dau lam: khao: ngo" mae" jhau myain" cao" yang: re: , Yuda jhau myain" khyo" re:10 tung" pyo: ke' ako". – Jhaung zug: Asuru mang lao: yang: tung" mung: jhaung zug' lo, pin: dazid thaung" yang: mang: mau" zaui: jaung: to" myao: , ma dae myao: khyo" tung" khye' pyo nae" mo, re zhang:11 dai" nhao: ke' ra". – Ai: tung" khye' mae tung" to" ru wa lho" mo" daxe: shid' khye' ngaid: ra" Adara khye' daxe: sam ba ein: ba yao: jhaung zug: Asuru mang: dau12 khao: ngo" tau , – Vo khao: ngo" mae na ra" Yuda byu qe zang" qham mung: yao" kao qo" gam nae" akhang" gye kaid' lo su mang: byu , gyezo: alhab' bam re myiqe: zoshao bin sho' se' tam" mung: yao: bam: jo, nho" gai: yu: pye' ra" khyo gye lham: tug' kaid' nae" akhang" botung" to"13 ra". – Ai: tung" khye' wa Yuda byu qe ai: ba re gyevo qe re gye lham: qo" tug' kaid' nae" tau: mang: dau khao: ngo" mae na: ra" byumyu" alhab' re hau" nhao" ke' ra"14 tung" khye' ngaid: . – Ai ta" phyid' ke' va" dao: wa Shushain: kho" vang mae" thug' mung: jhaung zug' amyin" khyo" ke' ra" dao: re mye; thao" myao: jui: yang: tung" khye' dai" mo, jhao" hin hin nhao: ke' ako".15 Modeke wa mug: nyhug we' aphyu ave, thug' ra" jhaung zug' langa: bau: ve; ci mung: hhang lhugmaug zhaung: yang: pin yaung" bau: phyu we' ne, no, pin: lung: lao" yang" ci mung: jhaung zug: mae" thug' lo"16 ra". – Shushain: vobyu qe ngaui bau: thoe mo" we' zag; hug' ko" ra". Yuda byu qe re: myain yo: khyo qo" mung: ngaui bau" ru ,17 bo" bao thug' li" ru qhug' ako". – Jhaung zug: amyin" dao: joe" vao: ra" mang: dau khao: ngo" , vo khao: ngo" mae" Yuda byu qe re: ngaui bau: nga: lho" khyo qo" mung: poe kaid' ru we' ba gai: ne, lho" gai: seim qhug' ako". Mang: byu qe Yuda byu qe: akhyo gyaug geyang: mang: byu myo: sho' Yuda pa" kug' li bocao" vao: pye' ako".