1 Sam ba ein: ba re Esta: jhaung zug: myhi" ve, mai bau: shaung: ve; ci mung: jhaung zug' yham dau" te' kho" vang akhug zang jin mae ye; na: ra". Jhaung zug: wa kho" yham kham: dung: dau" te' jhaung zug' yham khug yao" tao" myhao mae2 zaung: na: ra". – Jhaung zug: myhi" Esta: zang jin mae ye; na: ru jhaung zug: myao lao" Esta: yao" qhid' kheim: myo, nho qo" yaug mung: jhaung zug: wa yao: ci: ra" hhang zaung: bao" Esta: jhao" qang: ke' ra". Alao" Esta: qui" te' ye: mung: zaung: bao"3 athao tin" ke' ra". – Alao" jhaung zug: wa jhaung zug: myhi" Esta: we" nao pe" o: ra". Pe" mho' nug; . Nga" mang: dakhyae: gu:4 lhao" byid: nae" ga: yao: re ta" ra". – Esta: kam" wa jhaung zug: we" nao o ngaui: ngaid: re jhaung zug' tau: ngo nyhang" to" ra" poe khyo Hamain: we' daga" ana" ba li" lo byid: la, ga: ta" ra".5 Alao" jhaung zug: wa Esta: ta" we' dakhyo: qo" ye: sho' Hamain: re mye, za: yekhai ge, ga: mho: ke' mung: Esta: nyhang" to" poe khyo Hamain: we' daga"6 jhaung zug: ye" ra". – Jhaung zug: pho" poe sabyi' shaug' na: au: Esta: re nao pe" o nug: . Nao re byid: nae". Pe" ja: re mho' nug: . Mang: din" dakhyae: lhao" byid: nae"7 ga: mho: ra". – Alao" Esta: wa ngo mho'8 nug: ra" akhyo wa ceru: ngaid: . – Jhaung zug: qhid' kheim: mae ngo myo, nho qo" va" ru mung: jhaung zug: wa ngo mho' ru tae" gyo: byid: nug: ru we' ngo mho' nug: ru poe" byid: nug; ngaid: re ngo dam: nyhang" to: nae" zo: shaug' poe khyo jhaung zug: nao we' Hamain: li" lo byid: shi: la, . Alao" jhaung zug: mho: we' dakhyo: ne, mo" ba zaui: nae" ga: dam: zhao: ra".9 Ai: ba Hamain: ngaui bau: taung" za: thug' lo qere: jhaung zug' kham: dung: tau zaung: na: ra" Modeke: wa yao" qhid' kheim: mae to" re: mato". Gyaug phug' myao" khyo re: maqhu" ru re Hamain: myao lao" yao: Modeke re gyai qu" gyid'10 na: ra". – Ai qe re: Hamain: wa yao" nhag' lam: deim" zag; pye' zo" yham khyo lo" yang: ba nam qe we' yao: myi: Zered re11 khai: yu: ra". – Ai mung: yao: wa yao" jo, nho" ham" hung: qi" ra" khyo re: , zo: myid: myo" ra" khyo re: , jhaung zug: yao: re tau: to' mung: zug: ade, qe we' sin: zo: qe: adao mae yao: re tau: yhe' to" khyo alhab' re re: yao: bam re phug; kyo"12 ra". – Xo' yang: Hamain: wa jhaung zug: myhi" Esta: lao" yao: nyhang" to" poe mae ngo mae" je yang: jhaung zug: we' daga" khag' re re: mabo: khai leim". Ne, mo" ba re: jhaung zug: we' daga" zo: shaug' poe13 yebo: bo zai: ngaid: . – Ai qere: Yuda byu Modeke: jhaung zug' kham: dung: mae zaung: jo; ru re ngo the' myao: na khao: ngo" ana" ngo ta" lo va" gu: nga" tau: pe"14 akyu" bo thoe magyo: ga: ta" ra". – Ai ru: mung: yao: myi: Zered we' ba nam qe wa ngo" xe daung" myhao: ra" pyao: zang tau: yhe' to: wa, . Ai: tau Modeke: re cui" lhao" se' nae" tau: ne, mo" ba jhaung zug: re akhang" mho' wa, . Ai: thao ngaui bau" myid we' jhaung zug: we' daga" poe yebo: bo wa, ga: yao: re ta" ako". Hamain: re: ai: dao: gyo" ngaui mung: pyao: zang tau: yhe' nhao: ra".