1 Ai: myi jhaung zug: maqo" yab mung: japhin: mhomyi: paug' jham re she: thug' nae" khyo jhaung zug' amyin" khyo" ke' ru we' ai: tung" paug' jham re yao" qhid' mae2 nghe' qhu" ako". – Ai: tung" paug' mae jhaung zug: Asuru re se' nae" ga: kham: lhaug' ra" mo, mae" myiqe: ug Bigatain we' Tered tao tau: lhain: mau" Modeke: paui: thug' ke' ra" khyo qo" the' myao ko"3 ra". – Alao" jhaung zug: wa Modeke ai: akhyo ta" phug; ke' ra" mathao pe" jhaung qhu" byid: va" ga: myid' ke' re jhaung zug' sin: zo: qe wa yao" tau: pe" re: makaid'4 byid: shi: ga: ta" ako". – Jhaung zug: wa zang jin vang" tau khag' na: na: ra" ga: myid' ke' re Hamain: wa yao: nyhang" to" pyao: zang tau Modeke: re cui" se' nae" tau: jhaung zug: re akhang" mho' nae" ga: kho" vang akhug zang jin mae li" joe"5 vao ang yang: , – Jhaung zug' sin: zo qe wa Hamain: zang jin tau li" joe" na: ga: zhao: kyo: ko" re akhug khyo vao li" ri: ga:6 mho: ke' ra". – Hamain: vao li" lao" jhaung zug: wa jhaung zug: nga: yhe' nug; yaug re khoru: kaid' nae" ga: myid' re Hamain: wa ngo mae" lai yang: jhaung zug: nga: yhe' nug: ra" byu mana nae" ga: myid: yu7 yang: , – Jhaung zug: nga: yhe' byid: nug;8 ra" yaug re , – Jhaung zug: ve; ra" bau: mo" we' lhugmaug zhaung" to" jhaung9 zug' jui: myao: yu yang: , – Ai: zai jham we' myao: re ham" hung: qi" ra" jhaung zug' sin: thu mo" dayaug; lo, tau byid' ke' mung: jhaung zug: nga: yhe' nug yaug re ai: bau: ve, nhao yang: myao: jui: zo" hau" mo" khyo jhui" thug' mung: jhaung zug: tau: yhe' nug; yaug re ceru: kaid' ra" ein: yao" qhid' kheim: tau hug' hau" lo" nae" byu re nhao wa, ga: jhaung zug: re ta" ra".10 Alao" jhaung zug: wa nao ta" we' dakhyo: mye, za: lo" mung: jhaung zug' khyung we' jui: myao: she: yang: Yuda byu kham: lhaug' su Modeke: re ai ru: yekaid' wa,. Nao ta" ru mae daja: re: dakhyo" pye'11 ga: ta" ra". – Hamain: wa ve, mai bau: we' jui: myao: yu mung: Modeke: re shaung: ve, nhao yang: hau" mo" cao" yang: myao: jui: nhao zo" jhaung zug: tau: yhe' nug ra" su wa ceru: kaid' qhug' nae" ga: yao" qhid'12 au: mae hau" nhao" zag: hug' ako". – Ai bin thao Modeke: jhaung zug: kham: lhaug' jao: khyo dam: lo: ra". Hamain: kam" wa nhag' kaug' yang: au: lam: nghoe' pye' zo"13 yao" yham khyo mye, za: tug' lo" ra". – Yao: mae boe" ra" khyo yao: myi: Zered we' Hamain" zam" cao: juyi bo mo, wa nao re seim" nhao: ra" Modeke: Yuda aboe: mae" dang: ngaid: re nao yao: re ma aung nae". Nao yao" qhid' kheim: dang dang seim" zai14 va" ga: ta" ko" ra". – Ai ru: ga: ta" na zo" mae jhaung zug' myiqe: ug qe li" lo mung: Esta: nyhang" to" zo: shaug' poe khyo Hamain: re mye, za: li" jhui" lo" ako".