1 Ai: ra" mau" bin thao lau: de, agyi qe ngo jhao" li" mung: Israel byu qe , khin jaung qe , Levi' byu qe wa ce: mang: tau na: ra" amyu" qe: khug mae yao" gaung o: mado lo: za: Khanain: , Hiti , Perizi , Yebuti , Ammon: , Mo"ba' , Egutu we' Amori' byu qe: mashao malho" khyo alhab'2 re bocao" kaid' na: ako". – Pe" mung: ga" re ai: amyu" qe: myiqe: zo: jham re yao: yao" tau: , zo: myid: qe: tau: vhin" yu mung: shao lho" ra" mau" wa bag zeim: byumyu" qe we' alhau: alhag' boe" na: ru za: mago" , mang: zug: qe we' ade, qe je yang: ai: agu mae shaid' nghung" na ko" ra" ga: ngo re3 zhao: kyo" ako". – Ai: akhyo ngo the' gyo: lao" nga" bau: we' lao" gao" ci: pin: lung: re lao" caid' pye' mung: xae we' nhaid' mug' jham re naid; pye' ru we' mug' hao" zaung:4 byaug;. – Alao" jeim doe, qhug' ra" mo; qobo: mathao Israel Mo"so: mung dao: re gyaug: ra" mo, wa ngo jhao" zang" qham mung: ngo wa myi" xeim: qhaug' yo, joe" sho' mug' vhao: zaung: jo; .5 Myi" xeim: qhaug' yo, joe" lao" ngo nhag' kaug' na: ru mae" ngai" to" lo mung: bau: we' lao" yang" ra" pin: lung: ajaid we' paid' thaug' thaug' zo" nga" Mo"so: qhid'6 kheim: lo, qang yang: , – Nga" Mo"so we" ngonhaung" qobo au: nug' sho' myo" jo, mung: ngonhaung" qobo mug: gaung myhi: joe" sho' ngaid; byaug; mathao nga" Mo"so: qhid' kheim: myo, khung: nghao" qu" nae" lao" ngo qho' gyaug; ru we' myo,7 khung: sham: na: wo". – Phug' pho" qe: ta mae" ana" ba joe" ngonhaung" qobo gyai qi" je" byaug va". Ngonhaung" shaid' lhoe" pye' va" mau" mathao: yang ana" ba phau" na: ru: ngonhaung" re: ngonhaung" jhaung zug: jham we' khin jaung qe wa shid se' ru , jeim toe' ru , phyo' zo: lhaid' zo" ru we' myo, nho sham: ru qhug' nae" tau: taung bug: jhaung zug: qe: lo, mae8 qhaug' pye' ru qhug' ko" ra". – Ana" dazab za: mae ngonhaung" Mo"so wa ngon- haung" myo, jid' myao: kyao" nhao mung: ngonhaung" jeim boe" na: ru mae" mavai" zo: so' qo" tha" yu sho' AsAng Mo"so wa dang: na shi" mo, we' yao" shao gyang" jo, qo mae gai: lhao" ra" kyo' mae , jeju myid; yang ngonhaung" re byid' to" ra".9 Ngonhaung" wa jeim ngaid: na: . Ai qere: ngonhaung" Mo"so wa jeim: mau" mae nha: pye' to" ru mangaid: . Ngon- haung" re loe, nhao: ru we' ngonhaung" Mo"so: yham re qo" tau: yhe' mung: ai magai shi" jham dam: nyhang" shaung nae" tau: Yuda mang: we' Yerusalem: mae" vokham" re re: qo" qae: kyae" nae" akhyo re re: yao: wa jeju nhag' lam: khyo" ngon- haung" re Persi jhaung zug' qhid' kheim:10 myo, khung: lu nhao: ava". – Ana" kam" ngonhaung" AsAng Mo"so we" ngon- haung" pe" gai: qo" ta" nae". AsAng nao lam: naonhaung" ye na: sang nae" mang:11 wa , – Mang: byu qe maca' majhaid' ru we' shaid' khao: ngo" byang" jo; ra" nyain: vho: mau" mathao anyhain athaung: boe"12 ra" mang: din" ngaid: na mung: , – Naon- haung" myiqe: zo: qe re yao: bam: yaug gai nau" qe we' yao: bam: myiqe: zo: qe re naonhaung" yaug gai nau" qe we' dabyid: zho: ge, . Naonhaung" qam: qo" bo nae" we' ai: mang: na: gai: ru we' zo: nam qo" mung: naonhaung" zo: myid: qere apyaid ato qo" sang: na nae" tau: yao: bam: ngaui pyo" khyo we' na: gai na: dai nae" akhyo khonhae" re: daqho ge, ga: ni" dao: dai" su lapa qe: nhaid' mae nao pin: to" dao: re ngonhaung" to" pye' venhaung13 wo". – Ana" re: ngonhaung" makhy- ang" mau" we' qi" ra" qobo mo" mathao ngonhaung" phau" ra" qug: khai: re qu" re ngonhaung" main: qi" qae: nao ngon- haung" re kyin" nhaung" mabyid: byid:14 wa , – Ni" amyin" dao: jham dam: shaid' lhoe" lhoe" mung: ce: nyain: vho: ko" ra" byumyu" we' azam" na na wa dayaug lao" maloe, sho' ngonhaung" re qug: khai: byid:15 nae" mangaid: i"?. – Israel AsAng Mo"so we" nao wa dang main" ra". Ngonhaung" wa ana" ba myao: we' dakhyo: kao loe, mung: dang: na mo, ngaid: . Ngonhaung" mae qobo de, zo" ni" qhid' kheim: mae ngonhaung" na: bam: . Ai: qobo: mathao ni" qhid' kheim: khag' re: qo" ye; na nae" mangaid: ga: mho' bain" ra".