1 Ai: ayo, lapa Hagi we' Yido yao: zo: Zakharia wa Yuda mang: we' Yerusalem: tau na: ra" Yuda byu qe re Mo"so akhang"2 khyo" lapa pa: kyo" ra". – Ai ru: mung: Shelthila yao: zo: Zerubabela we' Yaza- dag yao: zo: Yeshu to" mung: Yerusalem: vomo" mae jo; ra" Mo"so: yham re kaid' qhid: ako". Yao: tao re bao" nae" Mo"so: lapa tao re: bo: bo: ra".3 Ai: au: qid lao ba vao khyae: re ug; ra" agyi Tateni , Shetha-bozenai we' yao: nhae: byin cao: qe wa yao: bam jhao" li" mung: ce yham re kaid' nae" ru we' ce: vokham" kaid' pin" nae" akhyo khag' yang4 akhang" byid: ko" ga: myid' yu: . – Ai ru: mung: ngonhaung" wa ce: yham kaid' mo; mang re ca: qu" mung: yao: bam re ta" kyo:5 va". – Ai qere: yao: bam: Mo"so wa Yuda lau: de, qe re qu" gam: na: ru mung: Dari jhao" tung" khye' vhin: ke' yang: yao: mae" dam: tug' ke' ra" dao: madam: qo" gyo: gyo: wa ai: mau" re mathang zaui: so" ako".6 Qid lao ba vao te' mang: ug Tateni , Shetha-bozenai we' yao: tao: zam" cao: qe ngaid; ra" qid lao ba vao khyae: shaid' na: ra" Aphasi byu qe wa jhaung zug: Dari re7 tung" khye' dalam: vhin: ke' ako". – Yao: bam khyo" ce ru: ga: tung" khye' tung" ke' ako". Jhaung zug: Dari ngaui bau" na shao:8 wo". – Ngonhaung" wa Yuda mang: dau mae" qi" qhang: ra" Mo"so: yham joe" ye: mung: ce: yham re laung: mo" baui: yang zhao" to' to: yang: vokham" sag' jham re: yu: kai" to: veko". Ai: mau" yao: bam kaid' mung: qo" bin: kyab' lo" ava" ru jhaung9 zug: ba: yu shao: . – Ai ru: mung: ce: yham kaid' yang: ce: vokham" jham qo" kaid' pin" nae" akhang" khag' byid' ke' ra". Ce: lau:10 de, qe re myid' qu" ru za: mangaid: . – Ce: byu qe: mang tung" yang: nao jhao" japhin: qo" qhu" sho' yao: bam: mang myid' ca: qu"11 re – Yao: bam kam" ngonhaung" wa mug: gaung we' myid gaung AsAng Mo"so: jeim qe ngaid: . Geco' ne, qi" qhang: ra" Israel jhaung zug: kaid' to: co' ra" yham re ana"12 dam: byao: nyhang" ra". – Ngonhaung" phug' pho" qe tho' zhao" myhao Mo"so: nhag' yo: kheim: zao" poe" ke' yang: yao: bam re Khalade" mang: mae" Babilon: jhaung zug: Nebukhaneza: lo, mae ke' ke' yang: ai: jhaung zug' yang ce: yham phyo' pye' mung: mang: byu qe re Babilon: khyo13 sham" tai: lo" ra". – Babilon: jhaung zug: Kuru tao" zaung: qhid: ra" zin re ce: jhaung: yham dam: nyhang" ca" nae" ga: amyin"14 thug' ra". – Nebukhaneza: wa Yerusalem: jhaung: yham mae" she: yu mung: Babilon: gyoe yham tau ke' to" ra" Mo"so: yham we' tin" ra" Hhang , ngaui zai jham re Kuru jhaung zug: wa Babilon: gyoe yham mae" she: thaid' mung: yao" khaung: mhao: pho"15 Shebeza: lo, mae qhaug' byid' to: co' – Ce: zai acao re yu: lo" mung: Yerusalem: jhaung: yham khyo tai: lo" wa, . Mo"so: yham tau lo" to" to: mung: jhaung: yham re16 re: azhao: re" jo, qo mae dam: te: ge, . – Ai: Shebeza: re: li" joe" mung: Yerusalem: tau jo; ra" Mo"so: yham aqao: apain li" kyae co' va". Ai: ayo, abang: mae" ana" ba joe" sho' ce: yham mo" ngonhaung" kaid' qere:17 matho' qo" kaid' pin" shi: ga: ta" ako". – Ai ru: mung: jhaung zug: myid qaid; ngaid: re wa Yerusalem: tau ce: Mo"so: yham re kaid' nae" akhang" Kuru jhaung zug: byid' to" i"?. Babilon: vomo" mae" jhaung zug' jo, nho" jhi mae bo: ra" japhin: paug' ca: qho: qu" mung: jhaung zug: myid: ngaui: khyo: ngonhaung" jhao" tung" khye' dam: vhin la, ga: tung" khye' mae bo: ra".