1 Ai re" khyo: Ezara wa Mo"so: yham: jao: kheim: mae gam" goe, zo" ngug byid thug' ru we' jhaung: mho' bain" na: au: Israel mo, mo" zang myiqe: , yaug gai , zoshao qe myo: sho' mo, Ezara jhao" li" zang" qham mung: hug' ngug; na:2 ako". – Elan boe: mae" Yehiela yao: zo: Shekhania wa Ezara re ngonhaung" wa ce mang: mae" taung bug byumyu" myiqe: jham re vhin" yu: ru we' ngonhaung" Mo"so re shaid' lhoe" pye' bam va". Ngaid qere: ce: mau" mae Israel byu qe: tau:3 myid: nghae" khyo wa jo, shi". – Airu: mung: nao asang re: , ngonhaung" Mo"so: khang dao: re gyaug phug' ra" mo, re: , ngonhaung" re juyi byid: ko" we' dakhyo: ngonhaung" zo: myid: qe alhab' we' yao: bam khau: ra" zo: qe re kyang" shao: pye' nae" tau: ngonhaung" Mo"so: qhid' kheim: mae dao: so: mhai" to: gelang: . Ai re ang:4 ra" tarha" khyo: kaid' gelang: . – To" wa, , Cera" mau" nao we' tin" ra". Ngonhaung" nao we' nhag' lam: dagau: za: ngaid: . Vae" vae" za: ce mau" zaui: wa, ga: li" ta" ako".5 Alao" Ezara to" mung: khin jaung agyi qe , Levi' byu qe we' Israel byu qe alhab' ai: dao: kheim: we' dakhyo: zaui: so: nae" ga: yao: bam re jham tang: nhao:6 ra". Yao: bam re: jham tang" ako". – Ai: thao Ezara wa Mo"so: yham jao: kheim: mae" to" mung: Elishib yao: zo: Yehohanan qe, khyo vao lo" ra". Ai: mae joe" lao" cinmain" re: mazo: , qid re: mashaug' lo: na: na: ra". Pe" mung: ga" re jeim mae" loe; lo mo, shaid' nghung" ra" mo, mathao7 yao: kaug' mo" gyo" ra". – Ai ru: mung: yao: bam wa Yuda mang: we' Yerusalem: vomo" ngae sho' jeim mae" loe; lo: zo: myid: qe wa Yerusalem: vomo" mae8 zang" qham nae" tau: , – Zug: qe we' ade, qe mho ko" we' dakhyo: sam ba: aqho" mali" ra" yaug khag' re ngaid qere: yao: qo" mae" qo" seim" byaug nae" we' yao: re jeim loe; ra" mo, thaui: khug mae" she: thug' pye' ru qhug' nae" ga: pin: to" ra" dao: hau" nhao" ke' ako".9 Ai ru: mung: Yuda mang: we' Benyamin: mang: khug mae" yaug gai alhab' bam: wa sam ba: aqho" mae Yerusalem: vomo" mae ceim" zang" qham: na mung: lho" mo" gug khye' shid' xe ba re mang: byu qe alhab' bam wa Mo"so: yham dae: ra" jao: kheim: tau zaung: na zo" ai: mau" mathao: yang re: , mug: mo" qu: ra" mathao: yang re: gyaug; nin" na: bam:10 ako". – Alao" khin jaung Ezara to" mung: naonhaung" shaid' nghung: veko". Israel amyu" mae qobo je: qi: nae" tau: taung11 bug myiqe: yu vegenhaung. – Ai: mathao naonhaung" phug' pho" qe: Mo"so re mho' bain: ge, . Yao: o ngaui: khyo: cao"na mung: ai: mang: byu qe we' re: taung bug myiqe: qe we' re: gao: ge, ga: mho:12 ra". – Alao" ai: mang: byu qe re: thoe mo" dathoe khyo" yang za: nao ngonhaung" re13 ta" phyid' we' dakhyo: kaid' naeva". – Ai qere: byu qe gyai myo" ra". Mug: re: gyai qu: ra". Yham jao: kheim: tau matho' ye; na: bam lo: . Ce: mau" wa daba shid' ba: yang za: tho' kyab' zai mangaid: . Ngon-14 haung" gyai shaid' bam va". – Ai ru: mung: damyu" geim" tau: mae" ngon- haung" zug: qe re khyin: yu mung: yao: yaug yao" vogaung: lam: khao: ngo" mae taung bug myiqe: yu: ra" mo, wa tau" phyid' to" ba na ayo, re vo mae" agyi qe we' tarha" zug: qe we' daga" li" joe" mung: Mo"so: nhag' yo" ra" nhag' lam: re qo" yo: lo" nhao sho' yao: bam ai: mau" re ta" sho'15 vegeshao: ga: mho: ako". – Asahela yao: zo: Yonatain: we' Tikava yao: zo: Yazia kam" wa ai: akhyo maqaid ko". Meshulam we' Levi' byu Shabethai re: yao: tao we' myid vang" ko" ra".16 Jeim loe; ra" zo: myid: qe wa ai: akhyo khae: yu ko" we' dakhyo: khin jaung Ezara wa phug' kai: pho" qe: aboe: cao" yang: ade, qe damyo" re khyin: yu: ru we' yao: bam: mang xam" yu mung: jaung: khyin: to" ra". Yao: bam ai: mau" ta" sho' nae" tau: lho" mo" daxe khye' sao qhid' ba re zaung:17 ako". – Taung bug myiqe: vhin" yu: ra" mo, alhab' re lho" mo" dakhye' sao qhid' ba re bin sho' qo" ta" sho' pye' ko" ra".18 Ce: khin jaung zo: myid: qe: khug mae" taung bug myi: yu mo, wa , Yeshu kaung Yozadag yao: zo: we' yao: nhaung: jham Masea , Elize , Yarib , Gedalia bam19 ngaid: . – Yao: bam wa myi: zo: kao" pye' nae" ga: dao: so: yu mung: qobo qo" yang: qobo khyaid' xeim: dau: qhid' mae" yao lo:20 ngaui" byid' ako". – Ai mae" Imera kaung21 mae" Hanani we' Zebadi , – Harim kaung mae" Masia , Elia , Shemaia , Yehila ,22 Uzia. – Pashura kaung mae" Elionai , Masia , Ishamela , Netanela , Yozaba , Elasa bam ngaid: ra".23 Levi' byu qe mae" Yozaba , Shimi , Kelaiya ga" ra" Kelaita , Petahi , Yuda , Eliza bam ngaid: .24 Ba: ngaui" caung: mo; gu: mae" Elishib , kham: lhaug' mo; gu: mae" Shalum , Telem , Uri ,25 Israel byu qe: gu: mae" Parosha kaung Rami , Yezi , Malakhi , Byamin , Elaza ,26 Milakhiya , Benaia bam ngaid: . – Elam kaung Mathani , Zakharia , Yehila ,27 Abadi , Yeremug , Eli , – Zatu kaung Elione , Elishid , Mathani , Yeremod' ,28 Zabad , Aziza , – Bebai kaung Yeho29 hanan , Hanani , Zabai , Artale , – Bani kaung Meshula , Malug , Adaya , Yashub ,30 Shela , Yamug' , – Pahad-mo"ba' kaung mae" Adana , Khelala , Beneya , Maseya , Matania , Bezelela, Binui: , Manashe: bam31 ngaid: . – Harim kaung Elaza , Ishiya ,32 Malakhi , Shemaya , Simun , – Benya33 min: , Malug , Shemeya , – Hashum kaung Matenai , Matata , Zaba , Eliphe34 lad , Yereme , Manashe: , Shimi ,– Bani35 kaung adai , Amaran ,Voele , – Benaia ,36 Peti , Khelu , – Vani , Mera mug lishib ,37 -38 –Matania , Matane ,–Yato ,39 -40 Bani , Binui , Shimi , – Shelami ,41 Natan , Adaya ,– Makhanadebe , Shashe ,42 Adaya ,– Azerla ,Shelmi , Shemari ,43 -44 – Shalum , Amari , Yoseb , – Nebo kaung Yaela , Metatia , Zabi , Zebina ,45 Ido , Yola , Benaia bam ngaid: ako". – Ce bam alhab' wa taung bug myiqe: yu yang: yao: bam: zo: myid: jham: zo: myo; myao lao" the' myao va".