1 Ana" lho" nhaid' khye' ngaid thao Israel zo: myid: qe yao: yaug yao" vo mae na: bam ko" ru mae" dalhang: dae alhab' bam: Yerusalem: khyo daqam: daqhi zang"2 qham ko" ra". – Ai: au: Yozedeg yao: zo: Yeshu we' yao" mao: nhaung: khin jaung qe re: , Shelatila yao: zo: Zerubabela we' yao" mao: nhaung: qe re: to" mung: Mo"so: byu Moshe tung" to" khang" tarha" we' dakhyo: phaid' ngaui" xeim: ngaui" byid: nae" tau: Israel Mo"so: ngaui"3 phain re zhaug' ako". – Mang: khao: ngo" mae na: ra" taung bug amyu" qere gyaug geyang: ai: phain re yao: bam: jo, qo mae zhaug' to: mung: AsAng qhid' mae" ne, seim , myi" thao phaid' ngaui" xeim: ngha"4 ngaui" byid' ako". – Jham: mae tung" to" we' dakhyo: khin zaung poe re re: kaid' mung: tarha" we' dakhyo: ne, qug; agu ma nghung: phaid' ngaui" xeim: re agu5 nghe' yang: ngaui" ako". – Ai: thao khyao za: ngaui" ca" phaid' ngaui" xeim: re re: , lho" xin: ba we' AsAng: shao gyang" poe ne, khao: ngo" mae" xeim: re re: , AsAng re kao bau taung" ngaui" nug; xeim: re re:6 ngaui" byid' ako". – Lho" nhaid' khye' sao qhid' ba mae" yao: bam wa AsAng jhao" xeim: phaid' ngaui" qhid: ako". Ai qere: AsAng: jhaung: yham maqo" kaid' shi:7 ko". – Zho thaung: qae yaug we' lo, mau" ba: sham" yaug re ngaui byid' ako". Persi jhaung zug: Kuru akhang" we' dakhyo: Yopa vo gau: khung: joe" sho' Lebanon: bam mae" shaug' gae tai: she: yu nae" Sidon we' Turu byu qere zo: kho we' xau jham byid' ke' ako".8 Yerusalem: vomo" mae jo; ra" AsAng: yham khyo joe" ru shid' zin: lho" shid' khye' mae Shelatila yao: zo: Zerubabela , Yozadag yao: zo: Yeshu we' yao: bam: mao: nhaung: khin jaung qe , Levi' byu getau qe we' daga" jeim doe; na: mae" thug' lo mung: Yerusalem: khyo lo" mo, we' mang: byu jham alhab' to" mung: AsAng: yham mae" mau" re ug; na nae" tau: shid' xe zin mae" dao kao qi: va" Levi' byu qere9 jaung: nha: to" ako". – Ai ru: mung: Yeshu we' yao" zo: myid: qe , mao: nhaung: qe , Yuda boe: mae" Kadamela we' yao: zo: qe , Levi' boe: Henadad zo: myid: qe we' daga" Mo"so: yham mae mau" zaui: mo, re jhui" au: nae" tau: daqam: daqhi to" lo"10 ako". – Mau" zaui: mo, AsAng: yham kyae: qhid: au: Israel jhaung zug: Davi khang" to" we' dakhyo: AsAng re caung: nghaui" na nae" tau: , labo" ci: ra" khin jaung qe , jhe' cang" ci: ra" Levi' boe: Asab zo: myid: qe re yao: bam: jo, qo tau jaung: nha ko"11 ra". – Yao: bam wa AsAng gai: ru mung: yao" jeju Israel adao mae apyaid ato gang" jo; ra" ga: ta" zo" daphung: we' daphung: tha" gin byu gin: caung" ako". AsAng: yham kyae yaung qo" qhid: ke' geyang: mang: byu qe alhab' wa AsAng re caung: nghaui"12 zo" thoe mo" thaid' yang: hug' ako". – Ai qere: kao qi: mung: sao qhid' re" yham myao: qu" ko" khin jaung qe , Levi' byu qe we' boe: khao: ngo" mae" ade, qe wa ce yham kyae yaung re qo" the' myao: ke' gelao" qi: sho' ngug mo" gyo" ko" ra". Byu myo: sho' mo, kam" wa ngaui bau" myid13 we' zag; hug' ako". – Ai re" khyo: mang: byu qe zag; hug' ko" ru we' ngug; na ko" thoe re yao: bam maba: gyo" kho' khaui: ko". Khoru: ga" re mang: byu qe qam: phin: yang: yang: hug' na ko" ru mung: ai: hug' myang: thug' na: thoe wa va: mae" the' gyo" ako".