1 Ana" jeim lhoe' qhug' ra" mo, Israel Mo"so , apyaid ato: AsAng qhid' mae" jhaung: yham kaid' ra" khyo re Yuda we' Benyamin: re gye kaid' mo, the' gyo:2 gelao" , – Zerubabela we' aboe: mae" ade, qe jhao" ye: mung: ngonhaung" re: naon- haung" we' daga" bokaid' nae". Ngon- haung" naonhaung" we' dakhyo: Mo"so re cao" qho: ru mung: ngonhaung" re ce: mang: khyo jhui" lo: ra" Asuri' jhaung zug: Esaha don ta mae" ai: AsAng Mo"so re xeim:3 ngaui" byid: va" ga: ta" ko" ra". – Zeruba- bela , Yeshu we' Israel amyu" qe: ade, qe wa ngonhaung" AsAng qhid' mae" yham kaid' nae" mae naonhaung" wa ngon- haung" jhao" gai: bo zai mangaid:. Persi jhaung zug: Kuru amyin" dao: we' dakhyo: Israel Mo"so: qhid' mae" ngonhaung" za:4 kaid' naeva" ein: jho" ta" bam va". – Ai: au: mang: byu qe wa Yuda byu qere lham: kaung: kag' mung: kaid' ca" mau" mae qam:5 nang: nhao: ako". – Yuda amyu" qe: tau" yaung phyo' nae" tau: Persi jhaung zug: Kuru ta mae" ru Dari jhaung zug: joe" sho' phyo' juyi ba: khyug' mo, re khai: nha: to"6 ako". – Dam: yao: bam wa Ahasuru jhaung zug: tao" zaung: ra" yo, re Yuda mang: we' Yerusalem: vobyu qe: akhyo qobo vhin: ra" tung" khye' tung" ke' ko" ra".7 Artakhere ta mae Bishalan , Milaye- dad , Tabela we' yao" zam" cao: getau: gu: wa Persi jhaung zug: Artakhere jhao" tung" khye' tung" ke' ako". Ai: tung" khye' wa Suri' myain" tung" ce' khyo" yang tung" ke'8 ru ngaid: . – Mang: ug yaug Rehum we' tung" su Shimshai wa Yerusalem: byu qe: akhyo jhaung zug: Artakhere jhao" tung"9 khye' dalam: vhin: ke' ko" ra". – Mang: ug Rehum , tung" su Shimshai we' yao: tao: zam" cao: qe ngaid: ra" qi" ru we' ham: hung: qo" ra" Otanapa wa jhui" lo mung: Samari mae re: , qid lao ba vao shaid' mae10 re: , – ye na nhao: to" ra" Dina , Aphera- ta , Tapeli , Aphasi , Arkheui , Babilon: , Shushan , Deha , Elan byu qe we' na shi" amyu" qe wa tung" khye' tung" vhin: ke' ko" ra".11 Artakhere jhao" vhin: ra" tung" khye' mae ce ru: ga: bo: ra". Qid lao ba vao shaid' mae na: ra" ni" jeim qe ce ru ga" tung" khye'12 tung" ke' ako". – Jhaung zug: ce: akhyo ba shao: . Nao mae" thug' lo: Yuda byu qe wa ngonhaung" tau Yerusalem: vomo" mae joe" veko". Yao: bam wa tau: lhain" ru we' makhyang" ra" Yerusalem: re te: zo" kyae qao: apain zhaug' tang: to: mung: vokham"13 jham kaid' bin: lo" aveko". – Ana" ai: vomo" gang" tang: lo" mung: vokham" jham bin: kyab' lo" va" yao: bam: ngaui jham khyui: ja: , zhag' ja: khang: make' lo: na: byaug mung: jhaung zug: wa mang: din" akyu"14 yeim" nae" re ba se" shao: . – Ngonhaung" wa jeju mathao: yang kao qo" khau: na: ru we' jhaung zug: phung bao yeim" lo" nae"15 re matho' qu" to: yang: – pho" phug' qe: japhin: paug' paui: qu" re ce: ra" vomo" wa tau: lhain: ba ko" ru we' jhaung zug: qe we' mang: din" akyu" re lhaung" lhau: phyo' ko" vomo" ngaid: lo: ru mung: geco' ne, yao: bam tau: lhain: geyang: ai: vo phyo' qheim" pye' qhug' va" akhyo nao qo" ba shao: ein: ce: akhyo nao jhaung zug: jhao"16 tung" ke' ra". – Ce: vomo" qo" gang" tang: lo: ru we' vokham" qo" bin: kyab' lao" nao wa qid lao ba vao shaid' re khoru: qo" ug lo: nae" ein: ngonhaung" sagso: kham: ra" ga: tung" khye' mae bo: ra".17 Aru: mung: jhaung zug' yang mang: ug Rehum we' tung" su mo" Shimsai Samari we' qid lao ba vao shaid' mae na: ra" yao: tao: zam" cao: qe jhao" tung" khye'18 dam: tug' vhin: ke' ako". – Ngaui lho" na geshao: wo". Naonhaung" ngo jhao" vhin: ke' ra" tung" khye' re nga" qhid' kheim: bao19 bao za: lham: phaid' qu" va". – Ngo mho: to" we' dakhyo: tung" xam: paug' paui: qu" re ce: vomo" wa geco' ne, jhaung zug: qere tau: lhain" ru we' magai: ra" akhyo20 za: poe" thug' na: ra" vo , – Ngaui khyui: ja: , zhag' ja: , khang: gaug zo" qid lao ba vao shaid' damang: din" geim" ug yang: mang hau: qi" ra" jhaung zug: qe wa Yeru- salem: tau zaung: lai: lo veko" khyo qo"21 ba: yu va". – Ai ru: mung: ngo akhang" mabyid' ke' ke' wa yao: bam: mau" to" pye'22 no: nhao: ra" akhyo hau" kyo: ge, . – Ce: akhyo mae lha" zo" zaui: so: ge, . Pe" ein yang: jhaung zug: akyu" yeim" nae" khyo: gai: kaid' nae" ga: bo: ra".23 Artakhere tung" khye' re Rehum we' tung" su mo" Shimsai we' yao: nhae: zam" cao: qe: qhid' mae nghe' mung: yao: bam wa Yerusalem: vomo" Yuda byu qe jhao" mye, za: ye: yang: yao: bam: mau" ye thang24 nhao: pye' ra". – Ai ru: mung: Yerusalem: mae" Mo"so: yham mazaui" pin" lo: thang: jo; to" ra". Persi jhaung zug: Dari tao" zaung: ru shid' zin joe" sho' mazaui" kyab' lo: thang: na: ako".