1 Yeremia ta" dao: boe" dang: lo nae" tau: Persi jhaung zug: tao" zaung: sao qhid' zin re AsAng peim" ke' we' dakhyo: ai: jhaung zug: wa amyin" tung" khye' tung" yang: Persi mang: dau lam: khao:2 ngo" khyo pyo: ke' mung: , – Persi jhaung zug: Kuru amyin" ce ru: ga: mho: ra". Tho' zhao" myhao mae" AsAng wa myid gaung: dao mae" mang: din" alhab' nga" lo, mae byid' ru mung: Yuda mang: Yerusalem: tau pa" jhaung: yham ngo tau: yhe' nae" tau:3 pin: to: va". – Naonhaung" mae khoyaug Mo"so: byu ngaid ko". Ai: yaug we' daga" Mo"so na: na shao: wo". Yuda mang: Yeru- salem: khyo ye: mung: Israel AsAng Mo"so pyaid da du: Mo"so: yham zhao" to' nae" tau: do, lo" shao: . Yerusalem: mae na: ra"4 So wa Mo"so yao: ngaid: ra". – Khyi" khao: ngo" mae bokhug: na mung: na: dang mo, wa Yerusalem: vomo" mae" Mo"so: yham qhid' mae" kao bau xeim: we' daga" , hhang , ngaui , jo, nho" , gug' nyhug' jham bao" ke' veshao: ga: tung" to" ra".5 Alao" yao: yao" solo zo: mae Mo"so: yang sozo: du" ke' qhug' ra" Yuda boe: we' Benyamin: boe: qe: ade, qe we' daga" khin jaung qe , Levi' byu qe wa Yerusalem: tau jo; ra" AsAng Mo"so: yham lo" zhaug'6 nae" ga: to" lo" ako". – Avai: ayae mae" mo, re: nhag' lam: tau zhau: thug' li" ra" jhaung qhu" mae" getau hhang , ngaui zai jham we' jo, nho" , gug' nyhug' , phug' de, ja: we' yao: bam re qam: pyang" byid' ke'7 ako". – Ai: tho' mago" Yerusalem: mae" Nebukhaneza: sham" lo" mung: yao" gyoe phain yham tau ke' to" ra" jhaung: qe, azai: akho jham re ,8 Persi jhaung zug: Kuru wa jo, nho" zam: Mitareda lo, khyo" nghe' she: yu mung: Yuda agyi pho" Shebaza: lo, tau9 qhaug' byid' ra". – Jhaung: qe, azai: akho japhin: ein nae" jham wa hhang bain" sam xe , ngaui bain" dataung , shae shid' xe:10 gug khyae: , – Hhang khug' sam xe , gau11 nyham: ra" ngaui khug' byid yo: daxe , – Ai ru: mung: hhang ngaui zai jham alhab' ngo" taung: byid yo ngaid: . Jeim boe" lo" mo, wa Babilon: vomo" mae" Yerusalem: khyo dam: lo" ko" au: Shebaza: wa ai: zai jham alhab' re yao: bam we' da ga" botai: yu: lo" ra".