1 Ce wa Artakhere jhaung zug' ta re ngo we' daga" Babilon: mae" do, lo: ra" kaung khao: ngo" mae" ade, qe we' yao: bam:2 byu xag' ngaid: . – Phiniha kaung mae" Gershun , Itama kaung mae" Daniel , Davi3 kaung mae" Hatu , – Shekhani kaung Paro- sha anyaug mae" Zakharia we' japhin: vao4 yaug gai zo: dayo: ngo" xe yaug , – Pahad- mo"ba' kaung mae" Zerahi yao: zo: Eliho-5 nai we' yaug gai zo: shid' yo yaug , – Shek- hani kaung mae" Yahazila yao: zo: we' yaug6 gai zo: sam yo , – Adin kaung mae" Yona- tain: yao: zo: Ebed we' yaug gai zo: ngo"7 xe , – Elam kaung Athalia yao: zo: Yeshaia8 we' yaug gai zo: nhaid' xe , – Shephati kaung Mikhaela yao: zo: Zebadia we' yaug9 gai zo: she' xe , – Yaba kaung Yehiela yao: zo: Obadia we' yaug gai zo: shid' yo: daxe:10 she' , – Shelomid boe: Yosiphi yao: zo: we'11 yaug gai zo: dayo: khyaug' xe , – Bebai kaung Bebai yao: zo: Zakharia we' yaug gai12 zo: shid' xe: she' , – Azagad kaung Haka- tan: yao: zo: Yohanain we' yaug gai zo:13 dayo: daxe , – Adonikam zo: myid: qe wa lo" thao" ra" mo, ngaid: . Yao: bam: mang jham Eliphelad , Yeuela , Shemaia we' yaug14 gai zo: khyaug' xe , – Bigavai zo: myid: qe Utha we' Zabu , yaug gai zo: nhaid' xe yaug ngaid: .15 Ahava jo, qo khyo yug; gyo" lo" ra" qid yae mae ngo yao: bam re jhui" qham mung: ai: mae sam ba lam: lam: zang" na: bam: . Ai: tau mae mang: byu qe we' khin jaung qe re qu" ke' re Levi' byu dayaug16 lao" mabo. – Ai ru: mung: agyi ga: mang: ra" Eliaza , Ariela , Shemaia , Natan: , Zakharia , Meshulan , Jari , Elanatan: bam17 re khai: qham mung: , – Khasiphia agyi Ido jhao" nhao: ke' ra". Ido we' yao" mao: nhaung: Nethinim byu qe wa ngonhaung" Mo"so: mau" zo" tau: daui mung su byid' ke' nae" tau: pe" khyo: ye ta" nae" ru ngo pin: ke' va".18 Ai bam wa Mo"so: jeju phung bao mathao Israel yao: zo: Levi' zo: Mahali19 kaung juyi bo dayaug we' daga" , – Sheribi we' yao" zo: myid: qe mao: nhaung: daxe: shid' , Merari kaung Hashabia we' Yeshaia20 tao: ba nam zo: dau qe shid' xe , – Levi' byu qe re mau" qo" bao" nae" tau: Davi we' ade, qe byid' to" ra" Nethinim byu shid' yo shid' xe khai: lo geri: . Yao: bam alhab' japhin: mae mang bo mo, ngaid: .21 Alao" ngonhaung" Mo"so: qhid' kheim: ngonhaung" nhag' lam: nyham: pye' mung: ngonhaung" tau: re: , zoshao qe we' qo" ra" jo, nho" alhab' tau: re: zo: vae jao" jhaung: ceim" mho' nae" ayo, ngo hau"22 ke' va". – Pe" mung: ga" re ngonhaung" Mo"so: lo, wa yao: re qho mo; adao phung bao jeju byid' li" nae". Yao: re naung phaug' mo; adao mae yao" nhag' yo: kheim: mo" joe" li" nae" ein: jhaung zug: re ngon- haung" ta" kyo" to" ru mung: khyo mae ngonhaung" re gye kaid' ko" mo; lo, mae" gam: yu nae" tau: jhaung zug: jhao" sin: zo:23 mho' nae" ru ngo mavae" qho' na: . – Ai mung: ngonhaung" zo: vae jao" mung: ngonhaung" AsAng Mo"so jhao" jhaung: mho' bam: . Mo"so: yang re: mho' ra" dao: gyo" yu byid' ra".24 Ai: au: khin jaung aqi: daxe: shid' yaug ngaid: ra" Sherabi , Hashabia we' yao: tao: mao: nhaung: daxe zo: re ngo khyin25 mung: , – Jhaung zug: we' yao: re juyi byid: mo, , khaung: mhao: qe we' ai: mae na: ra" Israel byu alhab' jham Mo"so: yham qhid' mae" ga: byid' ra" hhang , ngaui azai akho jham re lag yang: yao: bam: lo, mae qhaug'26 byid: va". – Ai: zai jham wa ngaui khyaug' taung: ngo" joe: , ngaui khug' dayo , hhang27 dayo joe: , – hhang khug' shid' xe , hhang din" ga" dataung , hhang we' daqi" phug' yang: gyang" yaung" ra" gyid: khug' shid'28 lam: ngaid:. – Ngo wa yao: bam re naon- haung" AsAng: tau: shao lho" ako". Khug' kang: zai jham re: shao gyang" ra" zai jham ngaid: . Hhang khug' jham wa naon- haung" phug' pho" qe: AsAng re kao bau taung" qhaug' byid' ra" jhaung qhu" ngaid:29 ra". – Yerusalem: vo mae" AsAng: jhaung: yham khug mae khin jaung qe , Levi' byu qe we' Israel byumyu" aboe: lau: de, agyi qe: qhid' kheim: malag; qhu" qhu" wa zam"30 lhaug' na ge, ga: pin: to" ra". – Lag: qu" va" hhang , ngaui azai: akho jham re Yerusa- lem: mae jo; ra" ngonhaung" AsAng Mo"so: yham khyo yu: lo" nae" ga: khin jaung qe we' Levi' byu qe khae: yu: ako".31 Ai: thao ngonhaung" wa Yerusalem: khyo do, lo" nae" ein: lho" mo" dakhye' daxe: shid' ba: ba Ahava qid yae mae" thug' lo: bam: . Ngonhaung" AsAng Mo"so: lo, ngonhaung" adao gam byid' to" ru mung: khyo tau gug' na ko" gyevo32 qe: lo, mae" gam: yu: ra". – Ai mung: ngonhaung" Yerusalem: mae joe" yang:33 sam ba lo thang: na: . – Byid ba ein: ba re khin jaung Uria yao: zo: Meremod , Phineha yao: zo: Eleza we' Levi' byu Yeshu yao: zo: Yozaba , Binui yao: zo: Nodia lo; yang ngonhaung" Mo"so: yham34 khug mae , – Ai: hhang , ngaui azai: akho jham re lag: qu" mung: ai: ba yao: nghe' so: we' khonho" bo: ru japhin: tau tung" xam" to".35 Jeim mae" qo" thug' lo: ra" loe; lo qhug' ra" zo: myid: qe wa Israel damyu" geim" tau: nung: daxe: shid' dau: , yao lo: gug xe: khyaug' dau: , yao nau" nhaid' xe: nhaid' dau: , qobo khyaid' xeim: tau: mae" caid' be, daxe: shid' dau: we' Israel Mo"so re phaid' ngaui" xeim: qhaug' byid' ra". Ai: akhyo alhab' wa AsAng: qhid' mae" ngaui"36 xeim: jham ngaid: . – Yao: bam wa jhaung zug' amyin" dao: re jhaung zug' khaung: mhao: zug: qe we' qid lao ba vao shaid' mang: zug: qe re qhaug' byid: mung: yao: bam wa ai: amyu" re re: , Mo"so: yham re re: boe" doe, sho' gug: gam byid' ako".