1 Ai: au: Dari jhaung zug: amyin" dao: khyo" Babilon: jo, nho" bain" jhi mae to" to" ra" japhin: paug' ca: qho: qu" ko"2 ra". – Medi mang: dau mae" Agmetha jhaung: yham mae" kho" vang mae tung" paug' dang: dalam: the' myao: ako". Ai: tung" dang: tau xam" to: nae" tung" to" ra"3 dao: jin jham wa , – Kuru jhaung zug: tao" zaung: ra" zin re ce ru: ga: amyin" khyo" to" ra". Yerusalem: mae" yao: bam xeim: lhaung" ngaui" ra" jao: mae jhaung: yham dam: nyhang" te: vegeshao: . A qao: apain kyae yaung gang: tang za: kaid' geshao: . Myhao khyo khyaug' xe daung" apyi khyo4 khyaug' xe daung" bo mung: , – Laug zang mo" sam pyae , sag' asag' yang dapyae apyae pyae kaid' ge, . Zao: kho re re: jhaung zug' jo, nho" bain" mae" phoe'5 ge, . – Yerusalem: pa" jhaung: yham mae" Nebukhaneza: sham" lo" mung: Mo"so: yham we' tin" ra" azai: akho hhang , ngaui jham re Babilon: khyo yu: lo" ru dam: byid: mung: ja: khao: ngo" Yerusalem: mae" pa" jhaung: yham khyo tai: lo mung: Mo"so: yham mae pe" re: pe" to: ang: jo, qo tau lo" to" to: shao: ga: bo: ra".6 Ai ru: mung: qid lao ba vao: khyae: ug: ra" Tateni , Shetha-bozenai we' nao nhae: byin cao: qe ngaid: ra" qid lao ba vao: khyae: na ko" Aphasi byu qe we" naonhaung" ai: jo, qo mae" va: khyo qui"7 lo" ge, . – Ai: Mo"so: yham mau" zo" zaui: so" ru mae datam" kyo" ge, . Yuda byu qe: mang: zug: we' yao: bam: ade, qe wa ai: Mo"so: yham re azhao: jo, qo tau dam:8 nyhang" te: vegeshao: . – Ai: tho' mago" ai: Mo"so: yham kaid' ra" Yuda agyi qe re naonhaung" khoru: bao" ca" genae" akhyo ngo amyin" khyo" ke' ra". Yao: bam tam" kyo" ru maphau: shao: . Qid lao ba vao: khyae: mae" zhag' yu: ra" khang: khyui: to" jo, nho" mae" yao: bam zo: kho magain:9 mago" she byid: ge, . – Tho' zhao" myhao mae" Mo"so jhao" nae pyo" ra" xeim: qo" ngaui" byid: mung: yao: bam wa jhaung zug: we' yao" ba nam zo: dau qe: tau: mae"10 jhaung: qo" mho' byid' na shao: . – Tho' zhao" myhao mae" Mo"so jhao" xeim: ngaui" byid: nae" tau: nung: , yao lo: , yao nau" re re: , Yerusalem: mae" khin jaung qe khang" khyo" lo: we' dakhyo: saungso , xo: , sabyi' qang: , xau jham re re: ne, qug;11 khyao za: byid: ge, . – Ai: tho' getau ngo amyin" khyo" ke' shi" khag' ngaid qere: ai: dao: kheim: lhai" pye' lao" ai: yaug re yao" yham mae" zang naid; yu mung: ai: tau yao: re cui" lhao" pye' shao: . Ai: akhyo: mathao: yang yao" yham re: nung: khyid'12 bam boe" byaug shao: . – Yerusalem: mae" Mo"so: yham re phyo' pye' nae" ga: yao" lo, tau: to' ra" jhaung zug: we' getau: byumyu" re ngaid qere: ai: jo, qo mae yao" mang to" to" ra" Mo"so wa yao: bam re phyo' qeim" pye' veshao: . Ngo Dari jhaung zug: yao: ai: akhyo khang" ke' ra". Ai: ru mye, za: kaid' geshao: ga: tung" ke' ra".13 Ai lao" jao" qid lao ba vao shaid' ug: ra" mang: ug Tateni , Shetha-bozenai we' yao" zam" cao: qe wa jhaung zug: Dari khang" ke' ru we' dakhyo: mye, za: kaid'14 ako". – Yuda agyi lau: de, qe re: lapa Hagi we' Yido yao: zo: Zekharia tao hau" kyo" dao: kheim: cao" yang: ai: yham re kaid' mung: aung myaug ako". Yao: bam wa Israel Mo"so: pyang lo dao: kheim: mathao: yang re: , Persi jhaung zug: Kuru , Dari , Artakhere bam: amyin" dao: kheim: mathao: yang re: ai: yham qo" kaid' pin"15 yu: ako". – Dari jhaung zug: tao" zaung: ru khyaug' zin Ada lho" sam ba: ba qo" bin: kyab' veko".16 Ai ru: mung: Israel zo: myid: qe , khin jaung Levi' qe we' getau byu qe ngaid ko" jeim mae" loe, mo, wa ngaui bau: nhag' myid we' Mo"so: jhaung: yham qhaug'17 poe kaid' ko" ra". – Ai: yham vao poe mae nung: dayo , yao lo: shid' yo , yao nau" byid yo dau: re re: , Israel nyaug daxe: shid' boe: cao" yang: Israel alhab' bam: qobo khyaid' nae" ngaui" xeim: dau daxe: shid' dau: re18 re: qhaug' byid: ko" ra". – Mo"so: jham: tung" mae bo: we' dakhyo: Yerusalem: mae na: ra" Mo"so re pa" kug' nae" tau: , khin jaung qe re daqae: we' daqae: Levi' byu qe re yao: yao" mo, thaui: mae jaung: nha: to" ako".19 Jeim mae" loe, lo: ra" mo, byu qe wa lho" mo" dakhye' daxe: byid ba re lai loe,20 poe kaid' ko" ra". – Khin jaung qe we' Levi' byu qe wa yao: yao" gaung daga" shao kyang" ako". Yao: bam alhab' shao gyang" veko" ru mung: yao: bam: tau: mae" re: , jeim mae" loe; lo mo; tau: mae" re: , ba nam khin jaung qe: tau: mae" re: ai: lai: loe;21 poe xeim: dau: ngaui" byid: ko" ra". – Jeim mae" dam: tug' loe; lo: ra" Israel zo: myid: qe we' Israel AsAng re cao" qho nae" ga: yao: yao" gaung re ai: mang: mae" mashao malho" jao" pye' ra" mo, wa lai loe; poe bo:22 vao zo: mung: , – Ngaui bau" ru we' nhaid' ba lam: lam: main" phaui: mabo: cinmain" mug zo: poe re kaid' ako". Pe" mung: ga" re AsAng: yang yao: bam re ngaui bau: nhao: ra". Israel Mo"so: yham qo" kaid' sho' yao: bam: lo, re qam: pyang" byid: nae" ga: Asuri' jhaung zug' nhag' lam: re yao: bam: shaid' lhang: lo nhao: ra".