1 Mau" bin: kyab' thao Persi jhaung zug: Artakhere tao" zaung: ra" ta re ,2 Khin jaung qi: Arun: , Eliaza , Peniha ,3 Abishu , – Buki , Azi , Zerahi , Meya-4 rud , Arziri , Amaria , – Ahitug , Zadug , Shalum , Hilikia , Azaria , Seraia mae"5 gyo" lo: ra" Ezara wa , – Babilon: mae"6 do, lo: ra". – Ai: yaug wa Israel AsAng Mo"so byid' ra" Moshe tarha" paug' ba jhao pho" ngaid: . AsAng wa ai: yaug mho' ra" ja: alhab' byid: nae" tau: jhaung zug:7 re tain" na: ra". – Artakhere jhaung zug: tao" zaung: ra" nhaid' zin: au: Israel zo: myid: qe , khin jaung qe , Levi' byu qe , caung: khin" mo, thaui: , kham: lhaug' mo, we' Nethinim byu damyo" wa Yerusalem:8 vomo" khyo bo: cao: do, lo: ako". – Ezara wa jhaung zug: tao" zaung: ra" nhaid' zin: zin lho" mo" ngo" khye' re Yerusalem: mae9 joe" ra". – Lho" mo" dakhye' sao qhid' ba re Babilon: mae" thug' mung: lho" mo" ngo" khye' sao qhid' ba re yao" AsAng: jeju mathao Yerusalem vomo" joe" vao:10 ra". – Ezara wa AsAng: tarha" cao" pyang" nae" we' Israel amyu" re pyang: to" dao: kheim: we' mho: to" akhyo jham re mho" shid' byid: nae" ga: myid: phyid' to" ra".11 Ce wa jhaung zug: Artakhere yang Mo"so: amyin" dao: we' Israel byu qe re yao" ta" dao: mho" shid' byid' ra" yaug khin jaung Ezara re byid' ke' ra" tung" khye'12 ngaid: . – Jhaung zug: qe: jhaung zug: Artakhere wa tho' zhao" myhao: Mo"so: khin jaung tarha" ba su Ezara wa qao" zin"13 nga: lho" na shao: wo". – Ngo yao: ce ru: ein: amyin" khyo" ke' ra". Nga" mang: din" mae na: ra" Israel byu qe we' khin jaung , Levi' byu khag' ngaid qere: Yerusalem: khyo dam: lo" nae" myid bo lao" nao we'14 daga" bo lo" shao: . – Pe" mung: ga" re nao cao" ra" ni" Mo"so: tarha" we' dakhyo: Yuda mang: Yerusalem: vo mau" akhyo myid' ca: qu" nae" ga: jhaung zug: we' yao" khaung: mhao: ade, qe nhaid' yaug nao re15 nhao: ke' ko" ru we' , – Yerusalem: vo mae gang" jo; ra" Mo"so: tau: jhaung zug: we' yao" ade, qe kao bau taung" byid' to" ra"16 hhang , ngaui re re: , – Israel byu qe we' khin jaung qe wa Yerusalem: tau na: ra" yao: bam: Mo"so: tau: mae" kao bau taung" byid' ra" jhaung qhu" jham we' daga" Babilon: mang: dau khug alhab' mae nao qo" yu: hhang , ngaui bin sho' re re: nao17 vin: lo" nae" akhang" qo" ru mung: , – Ai: ngaui: yang nung: , yao lo: , yao nau" we' daga" zo: nam xeim: , vhe' sheim: xeim: mye, za: vai yang: Yerusalem: mae jo; ra" naonhaung" Mo"so: yham ngaui" phain tau18 ngaui" byid: ca". – Dang: ra" Hhang , ngaui jham re nao we' ni" mao: nhaung: qe kaid' nug: ra" khyo: naonhaung" Mo"so o ngaui:19 khyo cao" yang: zaui: so: ge, . – Ni" Mo"so: yham mae xeim: ngaui" na nae" tau: nao re byid' to: va" zai jham re Yerusalem: vo mae" naotao Mo"so: qhid' kheim: mae lo"20 ke' to: ge, . – Ni" Mo"so: yham qhid' mae" ci ca" shi" azai: akho jham re jhaung zug:21 ngaui jhi mae" she yang: vai: ci wa, . – Ngo jhaung zug: Artakhere yao: qid lao ba vao shaid' mae" jo, nho" zam: qe re ce ru: ein: amyin" khyo" ke' ra". Tho' zhao" myhao Mo"so: tarha" mae zang: zaug: ra" khin jaung Ezara naonhaung" jhao" mho' mae:22 mho' alhab' , – Ngaui khug' dataung , saungso ko"ra' dayo , sabyi' qang: dayo thaug' , xau dayo thaug' we' xo: ca" qo: gu:23 pe" ngaid qere: mye, she byid: ge, . – Tho' zhao" myhao Mo"so pin: to" we' dakhyo: ai: Mo"so: yham tau: mae" ada" zo, zaui: geshao: . Jhaung zug: we' yao" zo: myid: qe mang: din" adao pe" ga: nhag' yo" kheim:24 gai: joe" nae". – Ai: tho' mago" khin jaung qe , Levi' byu qe , caung: nghaui" mo, , kham: lhaug' mo, , Nethinim byu qe we' Mo"so: yham mau" kaid' ra" mo, khag' jhao" lao" khang: , ngaui magai: khyui nae"25 ein: ngo amyin" khyo" ke' ra". – Nao Ezara re: ni" Mo"so: ba jhao juyi nao mae bo: we' dakhyo: ni" Mo"so: tarha" re ba: gyo" ra" qid lao ba vao shaid' mae" mang: byu qe re tarha" khyo shid' na nae" ru re: , maba shi" mo, re mho" byid: nae" tau: re: zug: qe we' tarha" agyi qe re jaung: nha: to:26 wa, . – Ni" Mo"so: tarha" we' jhaung zug: amyin" dao: re ha: ra" yaug kam" wa se' pye' ru , khe' pye' ru , jo, nho" sham" yu qhug' ru , kyam: lhaung" pye' ru pe" ngaid ngaid mye, za: phau: shao: ga: tung" khye' tau bo: ra".27 Yerusalem: tau jo; ra" AsAng: yham re shaung yhaung" nae" tau: jhaung zug' nhag' myid lhau: zhung" byid' ru we' jhaung zug: pho" yao" agyi qe we' qovin yu ham: hung: bo mo, , khaung: mhao: qe alhab' bam: qhid' kheim: mae ngo re myo, nho lu nhao: ra" phug' pho" qe: Mo"so apyaid ato: AsAng28 Mo"so wa nga: lho" na shao: wo". – Nga" Mo"so: lo, mo" wa nga" adao mae kai" to" mathao: yang ngo phung bao bo mung: ngo we' daga" do, lo" nae" tau: Israel agyi ade, qe re zang" qham nhao: ra".