1 Sholomun wa Yerusalem: vomo" mae" Moria bam dao mae Mo"so yao" gaung yao: pho" Davi re myhao" qhu" ra" Yebuti byu Ornan" gaug nao: jao: , Davi yu: to" jo, qo mae Mo"so: yham zhaug' qhid: ke'2 ava". – Yao: tao" zaung: ru byid zin , lho" mo" shid' khye' , shid' ba: ba re kaid' qhid:3 ra". – Ce wa Mo"so: yham ga: Sholomun kaid' qhid' lo" aqao: apain ngaid: . Qhang phyao: daung" khyaug' xe , apyi daung"4 shid' xe bo: . – Yham gin jhaung: wa yham apyi shaid' we' davang" dau mung: aqhang shid' xe daung" , amyhao dayo: shid' xe daung" bo: ra". Ai re hhang: yang sheim"5 te' to" ra". – Yham mo" ai: akhug khyo hhu: je; sag' the: yang mug' nghoe' mung: hhang gyang" sheim" te' to" ra". Ai: mae zhunpalun: agae lho we' khu: ne jham6 thung" te' to" bam: ra". – Ai: yham shaung yhaung" nae" tau: phug' de; laug jham re thung" kyaung" je; zho' zaui: ra". Shaung:7 ra" hhang wa Paravam hhang ngaid: . – Ai tho' mae" yao: wa yham kham: baung , sag' qhang , zang , khinqae , kham: lung: jham re hhang: yang sheim" te' pye' ra". Khin- qae mae Kherubim sulho thung" kyaung" te' to" ra".8 Gyai shao gyang" ra" jao: re re: yham pyi we' dau sho' aqhang shid' xe daung" , apyi shaid' shid' xe daung" ngaid: . Ai re hhang gyang" joe: khyaug' yo: yang9 nyhang" shaung: ra". – Hhang tin" zi: lag: qu" re Shekela ngo" xe la" ra". Adao: qe, jham re re: hhang: yang shaung yhaung"10 ra". – Gyai shao gyang" ra" qe, khug mae Kherubim shid' dau: to" to: mung: hhang:11 yang sheim" te' to" ra". – Ai Kherubim daung jham shid' xe daung" qhang: ra". –12 Daung dashaid' ngo" xe daung" daung" qhang mung: Kherubim shid' dau" geim" daung jho" zao" tin" to: zo" dashaid' daung13 vho' wa yham mo" khinqae joe" ra". – Ai: Kherubim shid' yaug wa akhug khyo myo, nho qang zo" ye; jo, mung: ai: daung vho'14 jham shid' xe daung" daung" lu: ra". – Ai: thao anyug pin: , amo, pin: , ane pin: , pin: qhi lung: yang Kherubim khyang" te' to" pin: kyo lung: re re: kaid' ra".15 Sam xe: ngo" daung" myhao: ra" zang shid' zang kaid' mung: yham kheim: mae zhaug' to" ra". Ai: zang phyo: dao mae" zang maug wa ngo" daung" daung" bo:16 ra". – Akheim" khug vhao" to" ra" da bu taui: re re: kaid' yu mung: zang phyo: dao lao" myho: khyo" to" ra". Khaung: ce' ru" ajid' dayo re re: kaid' mung: ai: taui: mae17 lao" khao" myho: khyo" to" ra". – Ai: zang shid' zang re pa" jhaung: yham kheim: mae lo, yo , lo, kaung: zhaug' to" ra". Lo, yo shaid' zang re Yakin , lo, kaung: shaid' zang re Boza ga: mhang" ra".