1 Ana" zin tha" mung: jhaung zug: qe gye se' yo, dam: joe" lao" Yoab wa gye mo" thaui: jhui" au: yang: Ammon byu qe: mang: phyo' mhain" pye' mung: Raba vomo" lo" lhang" kham" ci: ra". Davi kam" Yerusalem: mae na: na: ra". Yoab re: Raba2 vo qo" se' aung: yu: ra". – Alao" Davi wa yao: bam: jhaung zug' lhugmaug re yao" au: mae" khyaid' yu: ra". Ai wa hhang Talenta dalam: qhi" jao la" ru we' phug' de; laug re: bo: ra". Ai: maug Davi au: dao zhaung" ci: ra". Vo mae" zai myo: sho' re3 re: Davi sham" yu: ra". – Vobyu qe re re: she: thaid' mung: yao: bam re sag' qhag' , jo, to' lakya , vozaung: jham: yang qhag' baug; se' pye' ko" ra". Ai re" ru: Davi wa Ammon byu qe: vo alhab' re nhau" pye' ra". Ai: thao yao" byu qe we' daga" Yerusalem: khyo dam: lo" ko" ra".4 Ai boe" thao Geza jo, qo mae Philisti byu qe we' gye boe" lo" va". Ai: au: Husha byu Sibekhai wa Rephim byu Sipai re se' pye' mung: Philisti byu qe: yang aung: pye'5 qhug' ko" ra". – Philisti byu qe we' gye poe dam: boe" lo: ra". Ai: au: Yaira yao: zo: Elhanan wa qo, mo" qhi" qi" ra" lhae be, dau ci ra" Giti byu Golied yao: nhaung:6 Lakhimi re se' pye' ra". – Geta vomo" tau gye poe" dam: boe" lo: ra". Ai: tau gaung khyao myhao mung: khyid lo, dashaid' khyid nyhug' lo, nyhug' khyaug' nyhug' nyhug' qhain: shid' xe: byid nyhug' bo: ra" byu dayaug na: yao: re: Rephim amyu"7 mae" ngaid: . – Yao: wa Israel byu qe re kyid' na: au: Davi yao: mao: Shimea yao: zo: Yonatain: yang yao: re se' pye' ra". –8 Ce bam wa Geta vomo" mae" Rephim byumyu" qe ngaid: ako". Ai: gu: alhab' Davi we' yao" sin: thu qe: lo, mae shid: pye' veko".