1 Ai: thao Davi wa Philisti byu qe re se' aung: pye' mung: Gata vomo" we' ai: vozo: vozang jham re qo" lhaid' yu: pye'2 ra". – Mo"ba byu qe re re: qo" se' aung: pye' mung: yao: bam Davi jeim boe" yang:3 khang: khyui: dai" ko" ra". – Uphared qid cao" yang: yao" mang: zhaug' tang to: nae" tau: ga: li" lo: ra" Zoba mang: zug: Hadareze re Davi yang Hemaid' joe" sho' cao" khe' se'4 ra". – Ai: yaug; gye lhin" dataung , myao: jui: byu nhaid' taung , khyid su: gye shid' tug taung" yu mung: gye lhin" dayo re tang" to: yang: gye myao: getau: gu: alhab' re se' pye' ra".5 Damasku vomo" mae" Suri byu qe wa Zoba mang: zug: Hadareze re ye bao" yang: Davi yang Suri byu shid' tug; shid' taung6 se' pye' ra". – Davi wa Suri mang: mae" Damasku mae lhaug' su gye nha: to: mung: Suri byu qe Davi jeim boe" yang: khang: khyui: dai" ra". Davi ye" lo" khyo dang khao:7 ngo" Mo"so lhaug' zaung" ra". – Hadareze jeim qe ai: ra" hhang go lung: jham Davi lhaid' yu mung: Yerusalem vomo" khyo yu:8 lo ko" ra". – Ai: tho' mae Davi wa Hadareze sang: ra" Tibhad we' Khun vomo" mae" gyid: gyai myo: sho' lhaid' yu: ra". Sholo- mun wa ai: gyid' yang qid lhao: zang jham we' gyid: azai: akho jham re kaid' ra".9 Zoba mang: zug: Hadareze gye mo" thaui: geim" re Davi aung: pye' va" akhyo Hemaid' jhaung zug: Tau: the' gyo: lao" –10 Yao: wa Davi jhaung zug: re bang" lham: se" nae" we' min gam dao: jhau nae" tau: yao" byu Hadoram re nhao: ke' ra". Pe" mung: ga" re Hadareze wa Tau: we' re: gyevo boe" ra". Hadareze yang Tau: re dazab zab gye li" kaid' ra". Hadoram wa hhang , ngaui , gyid:11 aja: ja: yu: li" lo: ra". – Jhaung zug: Davi wa ai: zai jham re re: , Edom , Mo"ba , Ammon byu qe Philisti we' Amaleg byu qe mae" khyui: yu: hhang ngaui jham re Mo"so jhao" ngaui" byid' ra".12 Ai: tho' mae Zerua yao: zo: Abishai" wa xo: tham: mae Edom byu datug: she' taung13 se' pye' ra". – Edom mang: mae zaung" su nha: to: mung: Edom byu qe alhab' Davi jeim boe" byaug; ako". Mo"so wa Davi ye" ra" gau: khao: ngo" gug: gam byid' ra".14 Ai ru: Davi wa Israel damang" geim" re ug: gam mung: yao" mang: byu qe re dang15 main" ra" khyo" dao: kho' byid' ra". – Zerua yao: zo: Yaba wa zug: jhaung mo" ngaid:. Ahilu yao: zo: Yehoshaphaid wa mhomyi:16 zam: ngaid:. – Ahitub yao: zo: Zadug we' Abiatha yao: zo: Ahimeled' nhae wa khin jaung ngaid:. Shosha wa tung" su mo"17 ngaid:. – Yehoada yao: zo: Benaia wa Kherethe we' Pelethi byu qe re ug: ra". Davi zo: qe wa jhaung zug: nau" khyo" na ko" ra".