1 Alao" Davi wa ce wa Mo"so: yham ce wa Israel byu qe phaid' ngaui" xeim: qhaug' nae" phain ngaid: ga: ta" ra".2 Dam: Davi wa Israel mang: geim" mae" taung bug; byu qe re khai: qham: to: nae" amyin" khyo" ke' ra". Mo"so: yham zhaug' nae" tau: laug ba: kyaung:3 mo, we' ba: zho' mo, re khai: ra". – Ai: tho' mae yham kham: jham , vao kham: jham we' sag' qhang jham thung" kyab' nae" tau: jo, to' ceim myo: sho' zhang" to" ra". Matho' qo" lag; qu" sho' ra" gyid: re4 re: to" to" ra". – Gyai myo" ra" Arid sag' re re: nyhang" to" ra". Ai re Sidon we' Turu byu qe Davi re Arid sag' jham li" qhaug'5 byid' ako". – Ai ru: mung: Davi wa nga" zo: Sholomun wa kao ngai shi" ru we' nhag' lam: maqao" shi: . Mo"so: tau: kaid' nae" yham wa mang: din" khao: ngo" mae mang hau" nhao" ra" yham ngaid ca" nae". Ai: mathao ai: yham tau: zai ngo jhab' to: nae" ga: yao: mashid shi" re zai myo: sho'6 jhab' to" ra". – Yao: zo: Sholomun re re: khai mung: Israel Mo"so: tau: yham kaid' nae" pin: to" ra".7 Davi wa yao: zo: Sholomun re ngo yao: nga" Mo"so: yham zhaug' nae" yaung:8 ra". – Ai qe re: Mo"so ngo re ceru: ga: mho: ra". Nao sa: myo: sho' sheim: pye' va" ru we' gye se' mau" mo" jhui" poe va". Myid gaung: dao nga" qhid' kheim: sa: myo: sho' sheim: pye' va" mathao nga"9 tau: yham magai: kaid'. – Qu" wa, ni" zo: dayaug myain yo zo" ru ngaid nae". Avai: ayae: gye qe yao: re gye makaid' nae". Yao" mang Sholomun ga" ru ngaid mung: yao" ta Israel byu qe re ngaui pyo"10 ru we' yaug yo: ru ngo byid: nae". – Ai: yaug Nga" mang khyao: tau: yham zhaug' li" nae". Yao: wa Nga" zo: Ngo wa yao: pho" boe" nae". Israel mang: din" adao yao" tao" myhao apyaid ato gang" tang: to: byid: nae" ga: mho: ra" ga: zhao: kyo"11 ra". – Ai ru: mung: Nga" zo: we" Mo"so nao we' daga" ngaid: na shao: . Nao qi" qhang: lo mung: Mo"so ni" akhyo mho: ru we' dakhyo: ni" Mo"so: yham re tau: yhe'12 to: wa, . – Ni" Mo"so: tarha" qo" cao" sho' Mo"so wa juyi we' qao" khye' ra" myid byid: mung: Israel byu qe: akhyo nao re13 mho: kyo" to: nae". – Moshe re Mo"so khyo" Israel amyu" qe: akhyo khang" shid' to" ra" mho dao: we' tarha" dao: kho' ru jham re nao cao" ngaid: re wa tau" da aung myaug nae". Qam: yu yang: vae" na wa, .14 Dagyaug. Dagaung yug wa, . – Ngo qug: khai: phau" na shi" au: re Mo"so: yham qhid' mae" hhang joe: datid , ngaui dakyid we' matho' lag lo" gyid: we' jo, to' qaung" to: va". Sag' we' laug re re: jhab' to: va".15 Nao ai: tho' mae laung" ke' wa, . – Ai: tho' mae mau" gyai ba: so" mo, myo: sho' nao we' daga" na: bam: . Laug ba: thung: mo, , lo, mau" ba: kaid' sham" mo, we' pe" mau" re: ba jhao mo, myo: sho' na: bam: ako". –16 Matho' nghe' lo" hhang , ngaui gyid: jo, to' jo; ra". To" wa, mau" kaid' se, . Mo"so nao we' daga" ngaid: na shao: ga: pin: to" ra".17 Ai: tho' mae Davi wa yao: zo: Sholo- mun re bao" nae" Israel agyi qe alhab'18 re pin: to: mung: – Naonhaung" AsAng Mo"so wa naonhaung" we' daga" na: mangaid: i"?. Yao: naonhaung" re khyi" khao: ngo" mae myain yo nhao: mangaid: i"?. Yao: wa ce mang: mae" byu qe re nga" lo, khug qhaug' byid: mung: ai: mang: din" wa Mo"so: qhid' kheim: mae re: yao" byumyu" qhid' kheim: mae re: tae"19 na: ako". – Ai: mathao naonhaung" AsAng Mo"so re cao" qho nae" ru nhag' lam: we' aung khug alhab' re phin: ge, . To" ge, Mo"so: mang khyao: tau: kaid' nae" yham mae Mo"so: dao: thang: bain" we' Mo"so: shao gyang" zai jham re ke' to: nae" tau: Mo"so: shao lho" yham re kaid' ge, ga: mho: ra".