1 Davi jhaung zug: kao qi: mao" lo" mung: yao: zo: Sholomun re Israel jhaung2 zug: poe" ke' ra". – Ai: tho' mae" yao: wa Israel ade, khaung: mhao: qe , khin jaung qe we' Levi' byu qe re zang" qham nhao:3 ra". – Levi' zo: mae" kao sam xe je mung: japhin: vao yaug gai alhab' sam tug: she'4 taung ngaid: . – Ai: gu: mae" Mo"so: yham qu" caung kin mo, shid' tug; byid taung ngaid: . Khyaug' taung: gu: wa ade, qe we'5 tarha" zug: qe – Byid taung wa kham: zaung" mo, , dam: byid taung: gu: wa be; myhang" ja: we' Mo"so re caung: nghaui"6 be; myhang" mau" vin: ako". – Davi wa Levi' yaug gai zo: qe Gershon , Kohaid we' Merari kaung cao" yang: yao: bam re yao" mo, zhain we' mo, zhain kho' byid' to" ra".7 Gershon yaug gai zo: tao wa Ladon we'8 Shime ngaid: . – Ladon yaug gai zo: qe wa zo: qhid' Yehiela , Zetham we' Yoela sam9 zo: ngaid: . – Shime yaug gai zo: qe wa Shelomid , Haziela , Haran sam zo: ngaid: ako". Yao: bam wa Ladon kaung mae agyi10 qe ngaid: ako". – Shime zo: qe wa Yahad , Ziza , Yeusha , Beria bam ngaid: . Ai byid yaug wa Shime yaug gai zo: qe ngaid: . –11 Yahaid' wa mao: mo" ngaid: . Ziza mao: le; ngaid: . Yusha we' Beria wa yaug gai zo: myo: sho' maqo" ra" mathao yao: pho" kaung japhin: mae bo: ra".12 Kohaid yaug gai zo: qe wa Ammon , Izhara , Hebron: , Uziela byid zo: ngaid: . –13 Ammon yaug gai zo: tao wa Arun: we' Moshe ngaid: . Arun: we' yao" yaug gai zo: qe wa Mo"so: qhid' kheim: nae pyo" ja: ngha" nhae" ru we' min byid' mau" we' shao: ra" zai jham re khyao za: shao kyang" na nae" tau: Arun: re jaung: to: qhug'14 ra". – Mo"so: byu Moshe zo: qe wa Levi'15 kaung mae bonghe' ko" ra". – Moshe yaug gai zo: Gershon we' Eliaza nhae ngaid: . –16 Gershon zo: qe: gu: mae Shebuela wa17 zo: qhid' ngaid: . – Eliaza" zo: qhid' wa Rehabia ngaid: ra". Eliaza wa yaug gai zo: getau maqo" lo: . Ai qe re: Rehabia zo: qe18 gyai laug; ako". – Izhara yaug gai zo: qhid'19 Shelomid ngaid: . – Hebron: zo: qe wa zo: qhid' Yeria , shid' Amaria , sam Yahaziela ,20 byid Yekameam bam ngaid: . – Uziela yaug gai zo: tao wa zo: qhid' Mikha we'21 Yeshia ngaid: . – Merari yaug gai zo: wa Mali we' Mushi ngaid: . Mali zo: wa Eleaza22 we' Kisha nhae ngaid: . – Eleaza wa yaug gai zo: makhau. Myiqe: zo: za: khau co' mung: shid: lo" va". Yao: nhaung: Kisha yao: zo: qe ai bam re yu: pye' ko" ra". –23 Mushi zo: qe wa Mali , Edera , Yeremod sam zo: ngaid: .24 Ce wa kao shid' xe je yang: Mo"so: yham tau mau" vin vo; ra" Levi' boe: yaug gai zo: qe: akaung cao" japhin: vao: ra" kaung mae" agyi khaung: mhao: qe ngaid:25 ra". – Pe" mung: ga" re Davi wa Israel Mo"so yao" byumyu" qe re myain yo: ra" akhang" byid: mung: yao: wa Yerusalem:26 mae khyao za: na: na: ra". – Levi' byu qe re: pin: zaung yham we' caung da" nae" tau: ai we' tin" ra" zai jham re ana" mae" thao phyao: mavo, ca" lo: nae" ga: mho:27 ra". – Davi lo" thao" amyin" dao: we' dakhyo: kao shid' xe je va" Levi' boe: yaug28 gai zo: qe re japhin: gaug; ako". – Levi' zo: myid: qe: aya: wa Arun" yaug gai zo: qe re bobao" thaug' mau" ngaid: . Ai: mathao yao: bam wa Mo"so: yham we' vang" jham , qe, jham mae re: shao gyang" ra" zai jham alhab' re Mo"so: yham caung da" nae"29 tau: shao kyang" nae" mau" re re: – Qhu" to" cin main" jham re cin main" jhaung qhu" qhaug' nae" tau: cin main" phaui: , bai: phaui: mabo: mug , ug' mae baung" ru ngaid qere: , bai: phaui: ngaid qere: tu"30 ka" kaid' ra" ja: khao: ngo" mae re: – Ne, kao khao: ngo" , myi" khao: ngo" Mo"so:31 jeju caung: nae" tau: mae" re: – Khang" dao: we' dakhyo: dug no: ba , lho" xin: ba , tau" phyid' to" poe ba jham mae re: Mo"so: qhid' kheim: khyao za: phaid' ngaui" xeim:32 qhaug' nae" tau: re: – Byu qe zang" qham: ra" zaung re re: , shao gyang" jo, qo re re: Mo"so: yham caung da" mau" zaui: nae" tau: re: mao: nhaung: Arun" zo: myid: qe re bao" thaug' nae" tau: jaung: nha: to: qhug' ko" ra".