1 Dam: Davi wa Israel ade, zug: qe ngaid: ra" byumyu" zug: qe re , jhaung zug: jhaung: nha: to" zaung" lhaug' mo; zug: , gye dataung ug zug: qe , dayo ug zug: qe , jhaung zug: we' yao: zo: qe: jo, nho" alhab' ug: ra" zai zam: qe , zug: qe we' sulhe: qam: bo mo, alhab' re Yeru- salem: vomo" mae qham phaung nhao:2 ra". – Ai: tau Davi jhaung zug: li" ye, mung: nga" mao: nhaung: qe we' mang: byu qe we" nga" dao: tae" gyo: byid: ge, . Mo"so: dao: thang: bain" ke' to" ra" jo, qo we' nyhao" Mo"so: khyid to: jao: yham kaid' nae" ngo myid: to" ai kaid' nae" zai3 jhab' to: va". – Ai qere: Mo"so wa nao gye se' yaug ngaid: ru we' sa: sheim: pye' va" yaug ngaid: ra" mathao nga" mang khyao:4 tau: yham magai: kaid'. – Israel byumyu" dao pyaid da du jhaung zug: boe" nae" ga: Israel Mo"so AsAng wa ngo re nga" pho" yham mae" khyin: thug' yu va". Pe" mung: ga" re zug: kaid' nae" tau: Yuda amyu" re yao: khyin: yu va". Yuda amyu" mae nga" pho" yham re re: Israel damyu" geim" re ug nae" nga" pho" yaug gai zo: qe: gu: mae"5 ngo re tau: yhe' to: va". – Ngo yaug gai zo: myo: sho' khau va" qe re: nga" zo: Sholo- mun dayaug re za: AsAng khyin: yu mung: Israel amyu" dao ug zo" Mo"so: mang: din"6 tao" myhao mae zaung nhao: ra". – Ngo re re: ni" zo: Sholomun wa nga" yham we' nga" vang jham re kaid' li" nae". Ngo yao: re zo: toe' yu mung: ngo wa yao: pho" boe"7 nae". – Yao: wa nga" khang" dao: re ana" ba ru: apyaid ato cao" na: ru ngaid: re wa yao" mang: din" re apyaid ato gang" tang: to: nae" ga: mho: ra".8 Ai: mathao ce: gai lho" ra" mang: din" re naonhaung" sang: na mung: naon- haung" zo: myid: akham: akai" aqae: qae: joe" sho' jao khae mug: qo" boe" sho' Mo"so: mo, mo" thaui: ngaid: ra" Israel qhid' kheim: mae re: nyhao" Mo"so the' gyo" na: mathao mae re: naonhaung" AsAng Mo"so pin: to" khang" dao: dadu cao" na ge, wo".9 Ana" wa nga" zo: Sholomun we" ni" pho" Mo"so re ba wa, . Ngaui pyo" myid we' ngaui lho" aung khug alhab' we' yao: re caung da" na wa, . Mo"so wa nhag' myid lam: maug ca: yu mung: myid mae" myid agau: gau: ba byid' ra". Nao yao: re qho lao" myao nae". AsAng re naung phaug' pye' lao" yao" yang re: naung10 phaug' pye' li" nae". – Ai re lha" na wa, . Shao gyang" yham kaid' nae" Mo"so: yang nao re khyin: thug' yu: ava". Qam: ke' zaui: so" na wa, ga: pin: ra".11 Ai: thao Davi wa yao: zo: Sholomun re yham mo" , gin jhaung: , jo, nho" jhi , adao: qe, , akhug; qe, jham , bain" nghoe' to" ra" qe, alho akhyao jham re re: –12 Mo"so: yham zang jin , ayae lhang" gam: mae" qe, jham , Mo"so: yham ngaui jhi jham we' jham tang" ke' to" zai yo jham: alho re re: yao: tau" da khyao alhab' we'13 dakhyo: myhao" qhu" ra". – Ai: tho' mae khin jaung qe we' Levi' mo, thaui: qe: qhid' mae" re: Mo"so: yham mae caung da" na nae" mau" alhab' we' Mo"so: yham mae caung da" zai alhab' re re: qhaug'14 ra". – Caung da" mau" aja: ja: mae ci nae" hhang: yang kaid' ca" ja: tau: hhang re re: , ngaui: yang kaid' ca" ja: tau: ngaui15 re re: lag yang: byid' ra". – Hhang myi: tao" we' hhang myi: kaug' lam: khao: ngo" tau: , ngaui myi: tao" we' ngaui myi: kaug' lam: khao: ngo" mae ci nae" hhang16 ngaui re re lag byid' ra". – Qhu" to: mug kai: jao: hhang kug' gai" we' ngaui kug' gai" alam: lam: qhid' mae" hhang ngaui17 re re: – Kyo' , thaung: lhao: , keim jham: tau: hhang re re:- hhang bain we' ngaui bain lam: khao: ngo" tau: re: hhang ngaui18 lag byid' ra". – Nae pyo" ja: ngha" nae" ngaui" phain tau: hhang re re: daung vho' lao" phye: to: mung: Mo"so: dao: thang: bain" re nghoe' ra" Kherubim lhin" sulho19 akhyao re re: hhang lag byid' ra". – Ai mae" Davi wa ce: mau" we' ai: alho akhyao jham alhab' Mo"so: lo; yang nga" dao: tung" qhu" to" mathao ngo re ba: gyo" juyi byid' ra" ga: mho: ra".20 Davi wa yao: zo: Sholomun re qam: yu yang: vae" vae" za: zaui: so: wa, . Dagyaug. Gaung dayug. Nga" AsAng Mo"so apyaid ato: Mo"so nao we' daga" ngaid: . Caung da" mau" tau: mae" Mo"so: yham bin: kyab' sho' mabin bin wa nao re vha: pye' naung phaug' lhaui" pye' nae"21 mangaid: . – Mo"so: yham caung da" mau" alhab' vin nae" tau: khin jaung we' Levi' qe na: bam va". Caung da" mau" pe" ja" mau" ngaid qere: ba jhao mo, khag' re: nao we' daga" ngaid: na zai va". Gye zug: qe we' mang: byu qe wa nao mho: ke' we' dakhyo: cao" zaui" ye: gezai va" ga: mho: ra".