1 Davi wa yao" jhaung zug' yham mae myain yo za: na: na: au: lapa Nathain: re khai mung: qu" wa, ngo wa hhu:je; sag' yham mae laung" na va". Mo"so: dao: thang: bain" wa pin: seim zaung akhug mae jo; jo;2 ra" ga: mho: ra". – Alao" Nathain: wa nao qo" myid: we' dakhyo: kaid' wa, ga: mho: ra". Mo"so nao we' daga" ngaid: ga: Davi re3 mho: ra". – Ai: myi re Mo"so: mung dao:4 lapa Nathain: jhao" joe" li" mung: – Nga" jeim Davi re ye ta" wa,. Mo"so ce ru: ga: mho: ra". Nao ngo khug nae" yham magai:5 kaid'. – Israel byu qe re Egutu mang: mae" jhui" thug' lo: ba mae" ana" ba joe" sag' yham malaung" lo: seim zaung dazaung6 mae" dazaung tha" laung" lo va". – Israel damyu" geim" we' ngo byaung" na: qin" ra" jo, qo khao: ngo" mae nga" amyu" re zaung" lhaug' nae" Israel agyi dayaug yaug re naon- haung" nga" tau: sag' the: yham pe" mung: makaid' ko" ein: dao: dakheim: lao" ngo7 mata" qu". – Ai: mathao nga" jeim Davi re ye ta" wa,. Pyaid da du: Mo"so ceru: ga: mho: ra". Nao wa Nga" amyu" Israel adao zug: boe" nae" tau: yao zam" na: yao khyae8 mae" Ngo khyin: thug' yu: . – Nao su" ye" lo" gau: khao: Ngo" nao we' daga" ngaid: na mung: nao re gye kaid' mo, alhab' re ni" qhid' kheim: mae" Ngo va: pye' yang: myid gaung: dao ham: hung: qi: mo; mang ru:9 Ngo ni" mang re poe" byid: va". – Ai: tho' mago" Ngo Nga" amyu" Israel mae na jao: vai" to: mung: yao: bam wa yao: bam: jo, qo tau qo" na: bam: ru we' thao: ta mabyaung: ca" sho' Ngo yao: bam re tang koe; to: byid:10 nae". Makhyang: mo, genhae" ru: – Nga" amyu" Israel adao Ngo khyo" to" tarha" agyi qe: ta mae ru: , yao: bam re qo" phyo' lo: nae" mangaid:. Nao re gye kaid' mo, alhab' re Ngo khe' va: pye' nae". Mo"so: yham re re: kaid' li" nae" akhyo Ngo nao re mho:11 kyo" ra". – Nao kao thao" byaug phug' pho" qe ye" khyo joe" byaug; au: nao mae" gyo" lo: yao" zo: dayaug yaug re Ngo tau: yhe' mung: ni" mang: din" tau: yhe' li" nae". –12 Ai: yaug Nga" tau: yham kaid' byid' li" nae". Yao" tao" myhao khyao za: Ngo tang nhao13 nae". – Ngo wa yao: pho" boe" mung: yao: wa Nga" zo: boe" zai ngaid:. Ni" qhid' mae na: ra" yaug mae" Nga" nhag' khyag' myid qab; pye' ru: yao: mae" ma qab; yu lo: . –14 Ngo wa yao: re Nga" yham Nga" mang: din" tau: khyao za: gang" tang: nhao: to: mung: yao" jhaung zug' tao" myhao apyaid ato gang" tang" jo; li" nae" ga: mho: ra". –15 Ai mung: Nathain: wa ce: lamyhung" dao: kheim: alhab' Davi re zhao: kyo" ra".16 Ai lao" Davi jhaung zug: wa yham khug vao lo" mung: Mo"so: qhid' kheim: zaung: jo, zo" Mo"so we" nao ngo re ceqhi" tau: to' to" ru wa ngo pe" khyag' thaid' su , nga" yham khaung re: pe" qhi" gyang" mung:17 ngaid:? – Mo"so we" ai wa ni" qhid' kheim: mau" ngai ngaid: ra". Ai qe re: AsAng we" ni" jeim pho" yham thao: ta boe" nae" akhyo jham re nao ta" kyo: mung: ngo re ham: hung: mo" bo yaug ru: ajho: yu nhaung18 mhao". – Nao wa ni" jeim Davi re qhu" byid: va" ham: hung: akhyo ngo nao re pe" ta" cang bo shi". AsAng nao wa ni" jeim re19 ba: ra". – Mo"so we" ce: mau" qi: alhab' re qhu" na shao:. Ni" jeim tau: re: nao o ngaui: we' dakhyo: ce: mau" mo" alhab' gu: nao poe" ke' ava".20 Mo"so we" ngonhaung" the' gyo" gu: alhab' we' dakhyo: nao we' dau: ru mana lo: . AsAng mae" je yang: getau: so mana21 lo: . – Mug: myid gye, geim" mae ni" amyu" Israel we' khag' dau:. Mo"so: yang yao" tau: ga: byumyu" poe" yu mung: mug' pho: we' gyaug pho: mau" kaid' zo" mang hau: qi: veshao: ga: Egutu mang: mae" jhui" byaung" lo va" ni" byumyu" qhid' kheim: mae labug byu qe re vha: pye' byid: va". –22 Pe" mung: ga" re nao wa ni" byumyu" Israel re apyaid ato mae ni" amyu" poe" yu mung: Mo"so we" nao wa yao: bam: Mo"so boe"23 byid' ra". – Ana" wa Mo"so we" nao ni" jeim pho" we' yao" yham byu qe: akhyo ta" ra" dao: kheim: khyao za: gang" na shao:. Nao ta" we' dakhyo: poe" yu byid:24 la, . – Pyaid da du: AsAng Mo"so wa Israel Mo"so ngaid: ra". Ngaid va" Israel amyu" tau: Mo"so ngaid: ra" ga: apyaid ato mae ni" mang gang" tang nhao: to" ru we' tau: to' ru qhug' shao: wo". Ni" jeim Davi kaung re: ni" qhid' kheim: khyao za: gang" tang: na25 shao:. – Pe" mung: ga" re Mo"so we" nao wa nga" byumyu" boe" tang: to: nae" akhyo ni" jeim re qhu" byid: va" mathao ni" jeim ngo AsAng: qhid' kheim: jhaung: mho' va"26 ru ngaid:. – Ana" kam" Mo"so we" AsAng nao wa Mo"so dang dang ngaid:. Ce: jeju re ni" jeim ngo mae dao: so: byid' to" ava". –27 Ai mung: ni" jeim pho" yham khaung ni" qhid' kheim: pyaid da du gang" na sho' ni" jeim: yham re nao min byid' ava". Pe" mung: ga" re nao Mo"so min byid: va" mathao ai wa pyaid da du jeju min qhug' li" naeva" ga: mho' ra".