1 Ai: thao Ammon jhaung zug: Nahaid shid mung: yao: zo: Hanun yao: pho" khu2 tao" zaung: ra". – Davi wa Hanun yao: pho" Nahaid ngo re jeju kaid' va" mathao ngo re: Hanun re jeju dam: tug' xe' nae" ga: yao: pho" shid yang: nhag' tang" zo" logyo: nhao: ke' ra". Davi logyo: qe re: Ammon zo: qe: mang: mae Hanun re nhag' tang"3 ga: yao: na: khyo joe" ye" ako". – Ammon amyu" agyi khaung: mhao: qe wa Hanun re nao jhao" nhag' tang" ga: li" joe" ru wa Davi ni" pho" re phug' te' ru: dao" ngae" na: i"?. Ce: mang: din" re ca: qu" nae" jin" byu qe li" ru we' phyo' nae" tau: logyo: qe nao jhao" li" joe" ko" ru mangaid: i"? ga: mho ko"4 ra". – Ai: mathao Hanun wa Davi logyo: daui mung mo, re taung" yu mung: amug' qaug: pye' byid' ru we' bau: wa paung mae5 joe" phyid' pye' yang: nhao: ke' ra". – Ana" ai bam ai ru: phau" ra" khyo Davi lau dao: the' gyo" ra". Yao: bam qho' mo" phau" ra" mathao Davi logyo: nhao: ke' mung: jhaung zug: wa yao: bam re naonhaung" amug' madam: qhang: li" li" wa Yerikho mae na: na shi: ge, . Ai: thao za: lo ge, ga: pin: ke'6 ra". – Ammon zo: qe wa Davi qhid' kheim: anyain: avho: ngaid: ra" akhyo yao: bam ba se" yu gethao Hanun we' Ammon byu qe wa gye lhin" we' myao: jui: gye khai: zhag' nae" tau: Mesopotami , Aram- makha we' Zoba mang: khyo ngaui joe: dataung byid'7 ke' ra". – Ai mung: yao: bam wa gye lhin" sam tug: shid' taung re re: , Makha jhaung zug: we' yao" byu qe re re: khai: yu mung: ai bam wa Medeba dau" te' mae li" zang" qham: na ko" ra". Ammon byu qe re: zang" qham: na mung: yao: yao" vo mae" gye se'8 nae" ga: thug' lo ko" ra". – Ai: akhyo Davi the' gyo: lao" yao: wa Yaba we' yao" sin: thu9 qe re nhao: ke' ra". – Ammon amyu" qe re: thug' ye: mung: vomo" kham: dung: tau gye se' seim" na ko" ra". Gye se' li" bao" mo, wa jao: dae tau yao: thaui: yao: na: ako".10 Ana" Yaba yao" qhid' kheim: , nhaung thao" gye shid' myo, nho byang" jo; ru myao lao" Israel byu alhab' mae je: lhe" ra" mo, alhab' re khyin: thug' mung: Suri byu11 qe: shaid' khyo seim" nha: to" ra". – Dang shi" byu qe re yao: nhaung: Abishai" lo, mae qhaug' mung: Ammon byu qe: shaid'12 khyo" seim" jin" lham: na ko" ra". – Dam: Yaba wa Suri byu qe ngo re aung: lo lao" ngo re li" bao" la, . Ammon byu qe nao re13 aung: lo lao" ngo li" bao" nae". – Vae" vae" phin" na wa,. Ngonhaung" byumyu" we' nyhao" Mo"so: vozo: vozang: tau: qam: ke' gye se' gelang:. Mo"so yao: o: khyo: kaid'14 shao: ga: mho: ra". – Ai mung: Yaba wa yao" byu qe we' daga" Suri gyetab phyo' nae" ga: se' vao lo" ra". Suri byu qe kam" yao" qhid' kheim: mae" phao: lo" ko" ra". –15 Suri byu qe phao: myi" byaug; ru Ammon byu qe the' myao gelao" yao: bam re: yao: nhaung: Abishai" qhid' kheim: mae" phao mung: vo khug phao: vao lo" ko" ra". Yaba16 re: Yerusalem: khyo lo" byaug; ra". – Suri byu qe Israel byumyu" qhid' kheim: seim" byaug; ru myao lao" logyo: nhao mung: qid gyaung: thoe te' Hadareze khyin: to" gye zug: Shophag we' yao: ug: ra" Suri byu qe17 re khai: yu: ako". – Ai: lau dao: Davi the' gyo: lao" Israel byu alhab' re khai: qham: yu mung: Yodain: lao gau" de, mung: yao: bam na: tau joe" lao" gye se' nae" seim" jin" to" ako". Ai re" khyo: Davi gye se' nae" bin: seim" nyhang" to: thao Suri byu qe yao: re18 li" khaid' ko" ra". – Suri byu qe Israel byu qe: qhid' kheim: tao" phao ko" ra". Davi wa Suri gye lhin" byu nhaid' taung , khyid su: gye byid tug se' pye' ru we' sin: thu mo"19 shophag re re: se' pye' ra". – Yao: bam Israel qhid' kheim: gye seim" ru Hodareze sin: zo: qe the' myao lao" yao: bam Davi we' zam" mung: yao: mae jeim boe" pye' ko" ra". Thao re Suri byu qe Ammon byu qe re mabao" lo: ko".