1 Dam: Davi jhaung zug: wa ai: mo, byu qe re Mo"so khyin: yu: ra" nga" zo: Sholomun: kao ngai shi" ru we' nhag' lam: maqao" shi: . Mau" zo" wa gyai qi" jo; ra". Ai: pa" jhaung: yham wa byu we' matin:2 Mo"so: tau: ngaid: . – Ana" ngo wa nga" qam: o: alhab' yang nga" Mo"so: yham mo" qhid' mae" ein: hhang zai ca" mae hhang , ngaui ci ca" mae ngaui , gyid: ci ja: mae gyid: , jo, to' ci ja: mae jo, to' , sag' the: ci nae" mae sag' the: , Shaphain: laug we' thung" jin" nae" tau: shovo: aja: ja: bao: ra" laug aja: ja: re re: , laug phyu myo: sho' re re: ngo qho: zhag' to: va". –3 Ai: tho' mae Mo"so: yham mae nga" nhag' lam: de; jo; ru we' ngo yao: qo" ra" hhang ngaui jo, nho" qo" shi" mathao nga" AsAng Mo"so: shao gyang" yham: qhid' mae" ein:4 qaung" to". – Khinqae jham mae thung" kyab' nyhang" shaung nae" tau: ngo qo" ra" Ophira hhang joe: sam taung , ngaui5 gyang" joe: nhaid' taung re re: – Ba: thung" kyaung: mo; lo, mau" aja: ja: sham" nae" tau: hhang ci ja: mae hhang , ngaui ci ja: mae ngaui ngo byid' to: va". Ai re ana" ba yao: Mo"so tau: yao: yao" jhaung qhu" khoyaug qhaug' byid: nug ko" ga: myid' ke' ra".6 Alao" mo, thaui: ajhaung au: she zug: qe , gye dataung ug , dayo yo ug zug: qe we' jhaung zug' mau" vin khaung: mhao: qe wa jhid' myid we' jhaung qhu" qhaug'7 byid: mung: – Mo"so: yham mae caung da" mau" zaui: ja: tau: hhang joe: ngo" tug , hhang din"ga" datug , ngaui joe: datid , gyid: datid: she' tug , jo, to' joe: datid8 qhaug' ko" ra". – Phug' de; laug qo" mo, re: Gershon byu Yehiela lo, khyo" Mo"so:9 yham jo, nho" jhi mae ke' to: ko" ra". – Ai ru: mung: yao: bam wa jhid' de, nhag' dag: myid khyo" Mo"so jhao" qo" qhaug' byid: ko" mathao gyai ngaui bau" ako". Jhaung zug: Davi re: gyai ngaui bau" ra".10 Ai mung: Davi wa volo byu qe: qhid' kheim: mae Mo"so jhao" caung: khin" zo" ngonhaung" pho" we" Israel Mo"so we" nao apyaid ato ngaui lho" na shao: wo". –11 Mo"so we" phung bao qam: mo" kheim: so' ham: hung: qi: , aung myaug: ra" qam: o: we' ngaui lho" ru wa nao mae ajo; na shao: wo". Tho' zhao" myhao we' myid gaung: dao na mae" na re nao sang: ra". Mo"so we" ai: mang: din" wa ni" mang: din" ngaid: ru we' na mae" na alhab' tho'12 mae nao myhao: thao" ngaid va". – Jo, nho" we' ham: hung: nao mae" ngaid: ru mung: nao wa alhab' atho' mae ug: na su ngaid: . Ni" lo, mae kheim: so' we' qam: o: bo: ra". AsAng nao wa ni" lo; yang tau: to' to: mung: acao ajab re qam: byid' na:13 ra". – Ai: mathao ngonhaung" Mo"so we" ni" jeju re ngonhaung" beim: mung: ni" phung bao mang khyao: re caung: khin"14 na: bam: wo". – Ai qere: jhid' de; myid we' cenho" ru qo" byid: sho' ngo re: , nga" byumyu" qe re: pe" qhi" gyang" mo, ngaid: ra". Alhab' lhab' nao khyo" za: ngaid: na mung: nao mae" aja: acao jab qo" ru ngon-15 haung" qhaug' na: bam: . – Ngonhaung" wa phug' pho" qe: bain: ru: ni" myo, le, labug byu qe we' bang" vo qe za: ngaid: na: bam: . Ngonhaung" myid gaung mae na: ra" ba na jham wa ba sham we' dau16 mung: myid: nghae" jao: majo, . – Ngon- haung" AsAng Mo"so we" ni" mang khyao: tau: yham kaid' nae" ein: ngonhaung" du: to" zai jham alhab' ni" lo, khug mae" qo" ru za: ngaid: . Acao jab nao sang: ci:17 ra". – Nga" Mo"so we" nao wa aung khug re ba: kho' khaui" yu mung: dang main" myid re o ngaui: ra" ngo qo" ba: . Ngo wa nga" dang main" ru mae jhid' de; myid khyo" ce: zai acao ajab qhaug' ra". Ai tho' mae" getau ce mae zang" qham: na: ni" byu alhab' bam: re: nao re qhaug' byid' ra" akhyo ngaui bau: za: ngo qo" the' myao18 va". – Ngonhaung" phug' pho" Abraham , Isag' , Israel Mo"so we" ni" byu qe wa ce: akhyo khyao za: beim" na nae" khyo: yao: bam: nhag' lam: nao khyo lao" lhang:19 tang: yu la, . – Nga" zo: Sholomun re re: , ni" khang" dao: , sagso: dao: , phyo mho" dao: we' agau: gau: ngo nyhang" du: to" jhaung: yham re qo" so" pin" nae" tau: jab byang" la laug; ra" nhag' lam: ke' byid: la, wo" ga: mho' yao: ra".20 Volo byu qe re re: naonhaung" AsAng Mo"so re caung: khin" ge, ga: mho: we' dakhyo: mo, mo" byu alhab' wa yao: bam: phug' pho" qe: AsAng Mo"so re caung: khin" mung: gam" goe, zo" Mo"so re re: jhaung zug: re re: pa" kug' ko" ra".21 Thao: ba re yao: bam wa Mo"so jhao" xeim: ngaui" byid: mung: nung: dataung , yao lo: dataung , yao nau" dataung ngaui" byid' ako". Vhe' sheim: xeim: we' Israel damyu" geim" tau: ngaui" xeim: myo: sho'22 qhaug' byid' ako". – Ai: ba ngaui bau" myid aqi: khyo" Mo"so: qhid' kheim: zo: zo: shaug' shaug' kaid' na ko" ra". Ai: tho' mae yao: bam wa Davi yao: zo: Sholomun re shid' lhang khyo" jhaung zug' aya: tang: byid: mung: Mo"so o: jhaung zug: kaid' nae" tau: xau gyain: byid: ko" ra". Zadug23 re re: khin jaung tang" ako". – Ai mung: Sholomun wa yao: pho" Davi atha" jhaung zug: boe" mung: Mo"so: tao" myhao zaung zo" ham: hung: qi" ra". Israel damyu"24 geim" yao" dao: gyo" ako". – Ade, zug: qe , qam: bo sulhe: qe we' Davi jhaung zug' yaug gai zo: qe alhab' bam: re: Sholo- mun jhaung zug: ug: gam: ra" agyid' mae25 na ko" ra". – Mo"so: yang Sholomun re Israel damyu" geim" qhid' kheim: mae gyai tau: yhe' to" ra" mathao yao" qhid' mae" Israel jhaung zug: qe mathe' khae zo" ham: hung: phung bao qi: byid' to" ra".26 Yese" yao: zo: Davi wa Israel damang"27 geim" re zug: gam: ra". – Israel adao zug: gam: ru zin na byid xe zin ngaid: . Hebron: vomo" mae nhaid' zin , Yerusalem: vomo"28 mae sam xe: sam zin zug' ra". – Davi wa na: gai phung bao bao: na zo" mao" hug: lo" ayo, gain yang: shid: lo" va". Yao: zo: Sholomun yao" atha" tao" zaung: na: ra". –29 Davi jhaung zug: boe" lo: khyo aqhid athao" , ug: gam: khyo , ham: hung: we' mang: hau: qi" ra" ru , Israel mang: din" we' getau: mang: din" jham alhab' mae30 boe" lai: lo: acao ajab re – Lapa Samuela tung" paug' , lapa Nathain: tung" paug' , lapa Gaid tung" paug' jham mae ada" zo, tung" xam" to" ra".