1 Ai re" khyo: yao: bam Mo"so: dao: thang: bain" vo; yu mung: Davi kaid' to" zaung agaung: mae to" to: yang: phaid' ngaui" xeim: we' zam" khug xeim: re Mo"so: qhid' kheim: ngaui" byid' ra". –2 Davi wa phaid' ngaui" xeim: we' zam" khug xeim: ngaui" byid: bin thao mang: byu qe re Mo"so: mang khyao: khyo" min3 mhin" byid' ra". – Israel yaug gai , myiqe: yaug khao: ngo" re cin main" dakhai" , sho: daje, , sabyi' shi: yho' dapye: pye: gae byid'4 ra". – Dam: Mo"so: dao: thang: bain" qhid' kheim: tau caung da" na nae" we' Israel Mo"so: jeju caung" na nae" tau: Davi wa Levi' byu daboe: re jaung: nha: to" ra". –5 Asab wa jhui" au: yaug ngaid:. Yao" o mae tang: we' be, nam cao jab be; myhang" mo, wa Zekharia , Yeiela , Shemiramod , Yehie- la , Matithia , Eliaba , Benaia , Obed-edom , Yehela bam ngaid:. Asab wa thoe qi: thug'6 ra" jhe' cang" be; ra". – Khin jaung Benaia we' Yahaziela wa Mo"so: dao: thang: bain" qhid' au: tau khyao za: labo" maid; ako".7 Ai: ba Davi wa Asab we' yao" mao: nhaung: qe: nhaid' mae Mo"so: jeju caung: nae" ji: asag' qhaug' byid' ra".8 Mo"so: jeju caung: ge, . Yao" mang re mho' yao: na ge, . Yao" lo, mau" byu qe re ta" hau" byid: ge, .9 Mo"so re caung: ge, . Yao: mae pao: na ge, . Yao" mug' pho" mau" alhab' zhao: kyo: byid: ge, .10 Yao" shao gyang" mang khyao: mae ngaid so" ngaui bau" na ge, . Mo"so re qho mo; nhag' lam: ngaui lho" na geshao:.11 Mo"so we' yao" phung bao re qho ge, . Yao" myo, khung: khyao za: qho: na ge, .12 Yao" jeim Israel amyu" qe we" yao: khyin: yu: Yaku zo: myid: qe we"-13 Mo"so myhao" qhu" byid: va" ve, lho mau" we' yao" mug' pho" mau" , yao" nhaid' thug' khang" dao: re beim" na wa,.14 Apyaid ato: Mo"so wa nyhao" Mo"so yao: va". Myid dagye; geim" mae yao: tarha" pyam" na: dao: thug' ra".15 Abraham we' jho" dang: to: mung: Isag re jham tang" mhai" kyab' to: va" dao: ga" ru16 Byu bang: dataung tau: khang" to" mung dao: re pyaid da du beim" na ge, .17 Khanain: mang: re ni" jao khae boe" shao: ngo nao re byid: nae" ga: ta" ra" dao: wa-18 Yaku we' dao: jho" dang: jhaug' to: mung: Israel mae pyaid da du: dao: so: poe" pye' ra".19 Naonhaung" re nghe' qu" nae" lao" mano" shi: byumyu" ngai ngaid: na mung: ai: mang: mae khug; na ko" re ,20 Daja: mae" daja: , damang: mae" damang: khyo byaung" qin" ko" au: ,21 Yao: bam re pyam" yhin" nae" asang maqaid: ru mung: yao: bam: mathao jhaung zug: re lao" dae byid' ra".22 Nga" qhid' kheim: xau gyain: va" mo, re dazao" ge, . Nga" lapa qe re gaui daqu" ge, ga: AsAng ta" ra".23 Mug: myid dagye; geim" Mo"so re caung: ge, . Yao" khyaid' yu: khyo daba: tho' daba hau" nhao" na ge, .24 Byumyu" jham re yao" phung bao , byumyu" cao jab re yao" mug' pho" mau" qhu" byid: ge, .25 Mo"so qi" qhang: thao" ru ngaid mung: gyai caung: khin" byid: gai yaug ngaid:. Mo"so re mo"so alhab' tho' je: gyaug phug' gai: ra".26 Taung bug: byumyu" qe: mo"so wa sulho za: angaid:. Mo"so kam" wa tho' zhao" myhao re phain: to" ra".27 Qam: o: bun we' ngaui bau" khyo re: yao" na jao: mae jo; jo; ra".28 Byumyu" akaung ako' qe we" nyhao" Mo"so: bun qam: o: kheim: so' re khae: yu ge, .29 Mo"so: mang khyao: we' phung bao re khae: yu ge, . Cin main" xeim: ci mung: yao" qhid' kheim: khyo vao ye: ge, . Shao gyang" akhyao ve; shaung: ci mung: Mo"so re pa" kug' ge, .30 Mug: myid dagye, geim" mae" mo, we" yao" qhid' kheim: gyaug; phug' na gelang:. Myid gye, re nyhang" so: to: mung: ai wa malaui: lo: tang koe; jo; ra".31 Mug: gaung ngaui bau" na mung: myid gaung ngaui lho" ru qo" nae". Mo"so jhaung zug: ngaid: wo" ein: byu qe re zhao: kyo: ge, .32 Qid mang: dae" we' ai: mae bo mae" bo alhab' thoe mo" thaid' na veshao:. Jao: dae we' ai: mae na mae" na ngaui lho" na shao:.33 Ai: au: bam mae jo; ra" sag' jham Mo"so: qhid' kheim: ngaui bau: caung: nghaui" na geshao:. Pe" mung: ga" re myid gaung re tarha" pyam" ga: joe" li" lo nae".34 Mo"so gai shab: na: ra" mathao yao" jeju beim: ge, . Yao" jeju khyao za: jo; jo; ra" wo".35 Naonhaung" kam" ngonhaung" re khyaid' yu: to" Mo"so we" ngonhaung" re khyaid' yu la, . Ni" shao gyang" mang re caung: khin" byid: mung: nao re caung" ru nga: lho" boe" ga: sho' taungbug byumyu" akhug mae" ngonhaung" re sham" zhang" to: mung: khyi: yu: ava" wo" ein: mho ge, .36 Israel Mo"so wa pyaid da du gang" na shao: . Ai: au: volo byu qe alhab' Amen ga: Mo"so re caung: khin" byid' ako".37 Ai ru: mung: yao: wa Mo"so: dao: thang: bain" tau khyao za: pa" kug' caung da" na nae" tau: Asab we' yao" mao: nhaung: qe38 re re: – Obed-edom we' yao" mao: nhaung: khyaug' xe: she' yaug re re: kham: dung: lhaug' nae" tau: Yeduthun we' Hosa yao: zo: Obed-edom re re: dao: thang: bain" qhid'39 kheim: tau nha ko" ra". – Phaid' ngaui" xeim: qhaug' ra" phain adao mae ne, qug: ne, kao myi" thao Mo"so re phaid' ngaui" xeim: to' nae" tau: Gibeon vomo" myhao:40 ra" bug gaung adao mae" – Mo"so: pin: seim zaung: qhid' kheim: tau khin jaung Zadug we' yao" mao: nhaung: qe re nha: to" ra". Ai wa Israel byu qe re pin: to" ru we' Mo"so: tarha" mae tung" to" we' dakhyo:41 ngaid: ra". – Mo"so: nhag' khyag' shogu: ru mae apyaid ato jo; jo; ra" mathao yao" jeju caung: nghaui" na nae" tau: Hemain we' Yeduthun re re:- japhin: tau mang bo mo, re re: yao: bam we' daga" khyin: to: ko"42 ra". – Hemain we' Yeduthun tao wa Mo"so re caung: nghaui" nae" tau: labo" we' jhe' cang" qam: phin: yang: yang: be; myhang" ko" ra". Yeduthun: zo: qe wa kham: zaung"43 qo qo" ko" ra". – Ai: thao volo byu qe alhab' yao: yaug yao" yham khyo phao: lo" ko" ra". Davi re: yao" yham re min byid: nae" tau: lo" byaug; ra".